Luca 11:28 - ꞌRe Ihâimana Uꞌâsi Mono Zadawa Wasuꞌu

²⁸ Tahawa, te Zezusi hã asa tãma tinha, ãne: — Tane tô. Tãma 're rowẽ mono nherẽ, isipai u ni'wam norĩ ma, 're rowẽ uptabi za'ra mono di za. Ni'wam norĩ hã, 'Re ihâimana u'âsi mono zadawa wasu'u hã tipo're na te te 're wapari za'ra mono wamhã, duré te te 're 'madâ'â pese za'ra mono wamhã, tãma 're rowẽ uptabi za'ra mono di za.

Luca 11:28 ပူးပေါင်းရင်းမြစ်များ

Salmu 112:1

Uburé Danhib'apito ãma 're wawata u'âsi za'ra wa'aba mono! Ni'wa, Uburé Danhib'apito wazép sina 're isãmra mono hã, duré isimiroti te te 're iwapari zei u'âsi mono hã te za to sina 're hâimana.

Provébiu 19:16

Ni'wa 'Re ihâimana u'âsi mono nhimiroti te te 're wapari pese mono wamhã, te za 're hâimana hâ. Duré ni'wa isimiroti te te siwi 're wẽ'õ mono wamhã, 're hâimana hutu mono di za.

Provébiu 8:32

“Tahawa, ipréduptém norĩ, asiwi ĩwapari pese aba! Te aima irowasu'u za'ra wa'aba zé 're 'manharĩ za'ra wa'aba mono wamhã, te za rowẽ uptabi na hã 're aihâimana za'ra wa'aba mo.

Luca 8:21

Tawamhã Zezusi te uburé dama tinha, ãne: — Ni'wam norĩ hã, 'Re ihâimana u'âsi mono zadawa wasu'u hã tipo're na te te 're wapari za'ra mono wamhã, duré te te 're 'madâ'â pese za'ra mono wamhã, ta norĩ hã ĩna na, duré ĩno na te za ĩma 're hâimana za'ra.

Zuwã 13:17

— Ãne wa tô aima rowasu'u za'ra wa'wa, waihu'u za'ra wa'aba da. Ĩnhimiroti hã 're 'madâ'â pese za'ra wa'aba mono wamhã, aima 're rowẽ za'ra wa'aba mono di za, uburé aima 're rowẽ za'ra wa'aba mono õ nherẽ. Asimirosa'rata na, wa tô aiwaihu'u za'ra wa'wa. Ĩsiré 're anomro aba mono da, te aipisutu za'ra wa'wa hã, misire ma tô ĩ'maiwẽ'õ wa'wa. Ta hã wa tô pisutu, ĩsiré 're morĩ da, 'Re ihâimana u'âsi mono mreme ui'éré te te sina uwaimrami da. Ãne ma tô wahi'rada hã tinha, aré: “Wasiré 're iwasai mono, ma tô ĩwẽ'õ.” Ãne ma tô duré ĩwẽ'õ'wa na rob'ui'éré siro, poto õ ré, wahi'rada hã. Tahawa, te za oto sina uwaimrami su'u, ĩwẽ'õ'wa hã.

Apocalipsi 1:3

Tawamhã ãhã wasu'u hã za 're iromhâimana mono zém na ni'wa te te dama 're sõré mono wamhã, tãma 're rowẽ u'âsi mono di za. Duré, ãhã wasu'u hã ni'wa te te 're wapari pese mono wamhã, ãma tãma 're rowẽ u'âsi mono di za. Ãma ronomro õ ré, te za 're romhâimana, 'Re ihâimana u'âsi mono te te iwaihu'uzém na hã. Tahawa, ni'wa hã hâimana nhimiza'rese sina, te te 're wapari pese mono wamhã, tãma hã 're rowẽ u'âsi mono di za ãma.

Apocalipsi 22:14

Duré, ni'wam norĩ hã ti'uzazé hâirã da, te te 're i'upsõi pese za'ra mono norĩ ma si hã tãma 're rowẽ uptabi za'ra mono di za. Tane tiwasété wi, 're isipizari za'ra mono hã, 'Re ihâimana u'âsi mono, iwasédé te te tãma 're i'a'upsõi mono zé, te wasu'u, i'uza hâirã hã. Ta norĩ si te za rob'rãi u'â hã te te 're huri, da te 're huri mono wa, 'Re ihâimana u'âsi mono 'rata ãma 're idanomro u'âsi mono zé hã. Ta norĩ si te za duré õne haré 'ri nho'õmo u 're sisisi, 'ridawa za'ẽtẽ na, ni'wa te te tiwi sitob za'ra ãna.