Luca 11:22 - ꞌRe Ihâimana Uꞌâsi Mono Zadawa Wasuꞌu

²² Ãté aibâ isiptete u te za oto wi, isipai u isiptete uptabi hã. Tãma siptete wa, te za 'marõwĩ. Te za tiwi waibu isi'wa'rudu hã, te te i'umnhasizé hã. Uburé isibrob zama te za tiwi waibu. Tawamhã te za oto dama ãma aipé.

Luca 11:22 ပူးပေါင်းရင်းမြစ်များ

Zenezi 3:15

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Ezodu 15:9

Tahawa, te wanhitob'ru norĩ hã nharĩ za'ra ãne: “Isarina wasi'aba'réi wamhã, wa za wasiwi sasãmri za'ra ni za; tawamhã marĩ tãma ihâimana za'ra wa te tiwi iwaibu za'ra hã, te za uburé wama tihâimana za'ra. Tawamhã duré wate sib'ézé 'wa pa na hã wa za wasiwi uprosi ni za.”

Luca 11:21

Te duré tãma ãma romnhimiré'é za'ra, ãne: — Ãté, aibâ isiptede hã te za 're 'manhamra. Tawamhã si'wa'rutu ré, te za tinhorõwa te te dawi 're 'madâ'â pese. Tahawa, te za rowẽ na sa 're romnhimi'wara, isibro hã, da te upi ãna.

Luca 11:23

Te duré tinha: — Ni'wam norĩ hã ĩwẽ'wa 're nomro mono õ wamhã, ta norĩ hã te ĩzada 're hâimana za'ra. Duré ni'wam norĩ hã te te 're ĩpawaptob za'ra mono õ wamhã, ĩtẽme te 're ida'ubumroi mono na hã ta norĩ hã ĩnhiti dazatõrĩ'wa na te za 're hâimana za'ra.

Éfézu 6:11

Dasi'wapé 'manharĩ'wa norĩ hã te za sisada 're si'uza za'ra. Tane te za 'Re ihâimana u'âsi mono nhimipawaptobzéb ré, 're anomro aba mo, Wa'uburé nhimiroti da, asiptete sina sada 're aihâimana za'ra wa'aba mono da.

Éfézu 6:13

Tahawa, 'Re ihâimana u'âsi mono nhimipawaptobzéb ré, te za 're aihâimana za'ra wa'aba mo. Tawamhã wa'uburé norĩ hã nimahã bâtâ na asô 're sihutu aba mono wamhã, te za 're i'wapé za'ra wa'aba mo. Tawamhã 're i'wapé za'ra wa'aba mono na, ãma 're ai'uté za'ra wa'aba mono wamhã, te za ta norĩ wi 're aiwairébé aba mo.

Colosu 2:15

Uburé hâiwa nho're ãma ihâiba'õ norĩ nhiptetezé hã ma tô tiwi uprosi za'ra 'Re ihâimana u'âsi mono hã, dapo're'õ norĩ ma simiroti pire na tãma 're ihâimana za'ra mono norĩ nhiptetezé hã aré. Da'wapéi'wa norĩ nhib'apito hã tinhitob'ru norĩ ãma te te ai'uté za'ra wẽ te, da'ahâ nho'a sisarina te te isimroi mono ne, ma tô danho'a ta norĩ ãma ai'uté za'ra, wedepo'o nhonhi'rãmi na Cristuhu dâ'âzém na hã, Cristuhu ma wapu na 're ihâimana za'ra mono na, uburé da te oto ãma 're waihu'u za'ra mono da.

1 Zuwã 3:8

Wa'uburé hã, wa'rui'wa hã ropoto na'rata hawim haré, te tiwasédé hã te te 're ab'manharĩ u'âsi. Tahawa, ni'wam norĩ hã tiwasédé te te 're 'manharĩ u'âsi za'ra mono wamhã, ta norĩ hã te Wa'uburé nhib'a'uwẽ na 're hâimana za'ra. Taha nhimiromhuri wasédé hã te te tiwi pari da, ma tô 'Re ihâimana u'âsi mono 'ra hã we ti'ai u hã datẽme mo.

1 Zuwã 4:4

Ĩ'ra norĩ, a norĩ wa'aba si te oto 'Re ihâimana u'âsi mono nhib'a'uwẽ 're aihâimana za'ra wa'aba mo. 'Re ihâimana u'âsi mono zadawa wasu'u uptabi 'wa newa, tô senai'õ na te te dama 're iroti za'ra mono norĩ da, ma tô asiptete sina 're aihâimana za'ra wa'aba mo, asimirosa'rata na. E marĩ wa. Aipẽ'ẽ 're, 're isãmra aba mono hã, Wa'uburé ma tiwaihu'u pese na siptete uptabi wa, ti'ai ãma dawada'uri wasété 'wai ma.