Luca 11:15 - ꞌRe Ihâimana Uꞌâsi Mono Zadawa Wasuꞌu

¹⁵ Tazahã, ni'wam norĩ hã dame isimasam norĩ hã, te Zezusihi ma nharĩ wasété za'ra, ãne: — Bezebuhu zadawa para, ma tô wa'uburé hã te te dama 're anhamra, wa'uburé norĩ nhib'apito zadawa paramhã.

Luca 11:15 ပူးပေါင်းရင်းမြစ်များ

Mateu 12:22

Tawamhã Zezusihi tẽme, ma tô aibâ hã dasiwi saprõni ni, wa'uburé te te 're pibui u'âsi mono wa, itob'a na duré imreme'õ 're ihâimana mono hã. Tawamhã Zezusi hã ma tô pese. Te te pese parip si, ma oto apâ mreme watobro. Duré te te oto rob'madâ'â wẽ di, aibâ hã.

Mateu 4:24

Tawamhã Zezusi te te ida'apesezém na, ma tô rowasu'u hã te te ropé, Siria na danhipti'a nho'õmo nhisi ãma. Tahawa, ma tô itẽme da te 're 'wasari dahâzé mono bâ, uburé aimawi hã dahâzé da te 're isépata za'ra mono norĩ hã, wa'uburé te te 're iwamnarĩ za'ra mono norĩ hã, duré da'rã siwamnarĩ wa, 're idahâiba popo'o za'ra mono norĩ hã, duré imorĩ'õ norĩ hã. Uburé ma tô taha wamhã da'apese, Zezusi hã.

Mateu 9:34

Tane nherẽ, ma tô farizeu norĩ hã taré iwasédé hã ãma hiri za'ra, ãne: — Wa'uburé norĩ nhib'apito zadawa para, te õ hã wa'uburé hã te te dama 're anhamra, Satanasihi zadawa para.

Zuwã 7:20

Tawamhã ãne hã da te wapari za'ra wamhã, te asa tãma nharĩ za'ra ni, ãne: — E 'wam norĩ hã ma tô sima aiwẽ za'ra, te te siwi aiwĩrĩ da hã. Wa'uburé te te aima nharĩ wa, te asimiza'rese ãna wama inharĩ za'ra.

Zuwã 8:48

Tawamhã dama ipire norĩ hã ma tô asa tãma nharĩ za'ra, ãne: — A hã, samaritanu. Wa'uburé ré, 're aimorĩ wa, te asimiza'rese ãna ãne na hã wama asiwasu'u za'ra. Tô sena, wa tô nasi ãne na aima nharĩ za'ra ni.

Zuwã 8:52

Sõ'awi te te tãma rowasu'u za'ra õ wa, imreme hã tãma pibu prã za'ra di. Tahawa, asa te duré Zezusihi ma nharĩ za'ra, ãne: — Wa'uburé ré, 're aimorĩ na, wama aiwaihu'u pese za'ra di oto. Wahi'rada Abra'ã hã ma tô dârâ. Uburé 'Re ihâimana u'âsi mono zadawa 'mahârâ'wa norĩ zama ma tô duré tidâ'â za'ra. Tane nherẽ, ma tô inha, da te 're asaze za'ra mono wamhã, 're dadâ'â za'ra mono ãna, za 're idahâimana u'âsi za'ra mono na hã.