Luca 10:40 - ꞌRe Ihâimana Uꞌâsi Mono Zadawa Wasuꞌu

⁴⁰ Marta hã si'wa'rutu di, 'ri paramhã romhuri hã ahâ wa tãma. Tahawa, te Zezusihi u mo, Marta hã. Ãne te tãma tinha: — Ĩno hã, ĩ'ãma sapa'a õ di. Ĩsiwaprosi, wa romhu. Romhuri hã ahâ di. Ĩ'ãma aipẽ'ẽzé wamhã, ma'ãpé we ĩtẽme satõrĩ, te te ĩpawaptob da.

Luca 10:40 ပူးပေါင်းရင်းမြစ်များ

Mateu 14:15

Tawamhã hâiwahâ pesere, ma tô isiré 're inomro mono norĩ hã itẽme ubumro, Zezusihi u. Ãne ma tô taha wamhã tãma nharĩ za'ra: — Ma tô tihâiwahâ. Duré ãme a'ubuni wi, wa wahâimana za'ra ni, 'ri nhiti. Tahawa, ma'ãpé dama rob'ru na, 'ri wa'õtõ u dasi'aba'ré da, dasa hã da te dasima uipra za'ra da.

Mateu 16:22

Tawamhã Pedru ma tô Zezusi hã sima saprõ tisiré norĩ nhiti, romnhiwasi, tãma isiwasu'u za'ra zé hã te te tiwi sawi da. Ãne te taha wamhã tãma tinha: — Wanhib'apito, ãne hã ai'ãma iromhâimana da hã mare di za. 'Re ihâimana u'âsi mono hã te te aima iba'a da si, wa tô ĩsima wẽ, da te aima rob'manharĩ tõ da.

Marcu 3:21

Tawamhã Zezusihi wasu'u te te wapari za'ra wa, ma tô sô ai'aba'ré, 'ri 're, siré 're ihâimana za'ra mono norĩ hã. Ma tô ni'wam norĩ hã i'rã siwamnarĩ na Zezusihi ãma romnomri za'ra. Taha wab zama, te sô ai'aba'ré, Zezusihi zô, ta norĩ hã.

Luca 10:38

Tawamhã Zezusi norĩ hã te duré ai'aba'ré, isiré 're inomro mono norĩ me. 'Ri wa'õtõ u, ma tô aihutu. Sihutu wamhã, ma tô pi'õ hã Zezusihi ma tinha, 'ri para u sisisi da, Marta na pi'õ nhisi hã.

Luca 10:41

Tahawa, ma tô Wanhib'apito hã asa tãma tinha, ãne: — Marta, marĩ hã ahâ wamhã, tô asi'wa'rutu di.

Luca 12:29

Tahawa, marĩ na asina 're aihâtâ'â za'ra wa'aba mono õ di za. Asazéb zô si, duré â zô si, 're asõpré wa'aba mono õ di za. Taha zô si, te za isazei'õ'wa norĩ hã 're sõpré. Aimama 'wa hã ma tô aiwaihu'u za'ra wa'wa, marĩ hã aiwi sô 're irowaptâ'â za'ra wa'aba mono na. Aimama 'wa hã, 'Re ihâimana u'âsi mono, Danhib'apito uptabi. Tahawa, õhõ si, te za 're ipisutu za'ra wa'aba mo, õhõ ãma si 're anomro aba mono da. Tawamhã marĩ hã aiwi sô 're irowaptâ'â za'ra wa'aba mono zéb uwaibaba, te za te te aima 're anhomri 'wa, Aimama 'wa hã.

Luca 9:55

Tahawa, ma Zezusi hã itẽme aipi'ra zahuré. Imreme hã ma tô tiwi sisisi zahuré.

Zuwã 11:1

Tawamhã aibâ hã te 're hâimana, Lazaru na isisi hã, Betãnha na 'ri wa'õtõ nhisi ãma. Tame te duré ihidiba norĩ hã 're simasisi zahuré Maria norĩ hã, Martaha me. Maria hã niwapsi te za Zezusihi hã para u'ré, wedewa'u zadaze na, tãma rowẽ da. Taha parip si te za duré para u'õ, tizéré na hã. Tawamhã ma tô tihâzé, Lazaru hã. Hâzé wa, ma tô ihidiba norĩ hã da'mazatõrĩ zahuré, Zezusihi zô da'maimorĩ da, ihitébré zahuré hã te te tãma 'maiwasu'u da. Itẽme wisi wamhã, ãne te Zezusihi ma wasu'u: — Apito, aibâ 're isawi pese mono hã ma tô tihâzé.

Zuwã 11:5

Marta norĩ hã Zezusihi ma, sawi pese za'ra di, Lazaru norĩ me.

Zuwã 12:2

Tawamhã wisi wamhã, ma tô tãma api za'ra ni, sa da, Zezusi hã sawi te. Taha wamhã, Marta hã ma tô ĩsa tãma a'â. Lazaru hã te taha wamhã isiré dame nhamra.

Zuwã 6:27

Dasa hã siwamnarĩ su'u di. Tahawa, taha zô si 're romhuri za'ra wa'aba mono õ di za. Dasa ne isi'utõrĩ'õ zô si, te za 're irob'ruiwapari za'ra wa'aba mo, wẽ na 're ihâimana u'âsi mono zô si. Ta hã rowẽ u'âsi dadâ'â ãna 're idahâimana u'âsi za'ra mono zé, te wasu'u. Wa hã ti'ai ãma dasiré ĩpoto wa, ma tô Ĩmama hã ĩpisutu, isadawa para te dama 're anhomri mono da, rowẽ u'âsi 're idahâimana u'âsi za'ra mono zé hã.