Luca 10:39 - ꞌRe Ihâimana Uꞌâsi Mono Zadawa Wasuꞌu

³⁹ 'Ri para u sisisi wamhã, ma tô Maria hã Zezusihi 'rata nhamra, ti'a, isimirowasu'u hã te te wapari da. Martaha no, Maria hã.

Luca 10:39 ပူးပေါင်းရင်းမြစ်များ

Provébiu 8:34

Ni'wa hã te te 're ĩwapari pese mono hã te za tãma robze sina 're hâimana, ĩnhorõwa 'ridawa ãma tame ĩzô bâtâ sidâpâsi 're isimipari mono hã.

Luca 10:42

Marĩ hã misi iwẽ hã asima pisutu õ di. Ta hã ma tô Mariaha si sima pisutu. Tahawa, ni'wa hã iwẽ hã te te tiwi âri õ di za, te te iwaparizé hã.

Luca 2:46

Tawamhã si'ubdatõ bâdâ ãma ne wapsi, ma tô sõpẽtẽ zahuré, 'Re ihâimana u'âsi mono nhorõwa 'ri ãma, dame sãmra ré. Zudeu norĩ ma, rowahutu'wa norĩ me, te dame nhamra. Tame te Zezusi hã da'awapa, roti na. Te duré roti na da'azadanha, roti hã te te tãma waihu'u pese za'ra da.

Luca 8:35

Tawamhã isimirowasu'u hã da te wapari za'ra wamhã, te itẽme ai'aba'ré ni, da te sabu za'ra da. Zezusihi u dasihutu wamhã, ma tô aibâ hã 'madâ'â za'ra ni, wa'uburé ihawi iwairébé hã. Uza ré, te oto nhamra Zezusihi papara, rowẽ na. Tawamhã tãma rowẽ wa, ma tô tãma tipahi za'ra, dama 're irowẽ za'ra mono zé hã tãma sa'rese za'ra õ wa.

Zuwã 11:1

Tawamhã aibâ hã te 're hâimana, Lazaru na isisi hã, Betãnha na 'ri wa'õtõ nhisi ãma. Tame te duré ihidiba norĩ hã 're simasisi zahuré Maria norĩ hã, Martaha me. Maria hã niwapsi te za Zezusihi hã para u'ré, wedewa'u zadaze na, tãma rowẽ da. Taha parip si te za duré para u'õ, tizéré na hã. Tawamhã ma tô tihâzé, Lazaru hã. Hâzé wa, ma tô ihidiba norĩ hã da'mazatõrĩ zahuré, Zezusihi zô da'maimorĩ da, ihitébré zahuré hã te te tãma 'maiwasu'u da. Itẽme wisi wamhã, ãne te Zezusihi ma wasu'u: — Apito, aibâ 're isawi pese mono hã ma tô tihâzé.

Zuwã 12:3

Tawamhã Maria hã ma tô we ti'â, wedewa'u isadaze hã. Nadu na wedewa'u nhisi hã. Ta hã iwa'âbâ wawẽ. Zezusihi zô te we ti'â, te te ãma para u'ré wa, tãma rowẽ da. Tawamhã te te ãma para u'ré pari wamhã, ma tô para u'õ, tizéré na. Sadazei pire wa, ma tô 'ri 're zadaze sina.

Zezusihi zadawa wasuꞌuꞌwa norĩ nhimiromhuri na robꞌuiꞌéré 22:3

— Wa hã, zudeu. Tasu na 'ri nho'õmo nhisi ãma ĩpotozé hã, Sirisia 'remhã. Ãme Zeruzalẽ ãma wa tô ĩprédu. Gamaliéu hã ma tô te te ĩma 're rowahutu, wahi'rata norĩ nhimiroti na hã. Ĩnhimi'ẽ na wa tô te 're romhuri pese, 'Re ihâimana u'âsi mono ma. A norĩ wa'wa hã asimi'ẽ na tãma 're iromhuri za'ra wa'aba mono ne, wa tô õhõ ma si 're ĩsisõmri u'âsi, ĩnhimi'ẽ na te tãma 're romhuri pese mono da, asine wa'aba.