Luca 10:35 - ꞌRe Ihâimana Uꞌâsi Mono Zadawa Wasuꞌu

³⁵ Tawamhã awẽmhã, rob'uiprazé hã ma tô 'ri tede'wai ma tisõ, maparane isapotore hã, ẽtẽ waipo prã prata 'manharĩ hã. Te tãma tinha, ãne: “Ĩzô 'madâ'â pese. Apâ we ĩmorĩ wapsi, wa za aima wa'âbâ 'rãsutu, iwab õ wamhã, rob'uiprazé hã.” Ãne ma tô 'ri tede'wai ma tinha, samaritanu hã. Ãne samaritanu wasu'u hã.

Luca 10:35 ပူးပေါင်းရင်းမြစ်များ

Provébiu 19:17

Ni'wa isimarĩ'õ ma, te te 're rob'manharĩ wẽ mono wamhã, Uburé Danhib'apito ma, marĩ te te a'â taré tãma isõmri ne hã. Tahawa te za isimi'manharĩ wẽ zé wa'rãmi iwẽ hã tãma tisõ.

Mateu 18:28

Tawamhã ta hã aibâ te oto mo. Morĩ wamhã, ma tô tisiré romhuri'wa hã sõpẽtẽ. Taha wi, ma tô duréihã rob'uiprazé misi bâtâ na dapawa'âbâzé hã waptẽ suru na, apito hawi imorĩ wi. Tawamhã isõwa're're te te tãma sõmri õ wa, ma tô ti'â, ibutu na awa'awi. Ibutu na te te tété sina, ma tô tiwi waptẽ, ãne: “Ma'ãpé ãhã na ĩma sõmri, zahadu ĩma iwa'âbâ õ hã.” Ãne te tiwi waptẽ.

Mateu 20:2

Tawamhã te te anhopẽtẽ wamhã, ma tô tãma pisutu za'ra, misi bâtâ na dapawa'âbâzéb uwaibaba te te ãma pawa'âbâ za'ra mono da. Taha wamhã, ma tô ãma saze za'ra, tãma iromhuri za'ra 'wa da hã. Tawamhã ma tô tãma rob'ru za'ra, misi bâtâ na te te romhuri za'ra da, rob're na, uwa 'ru na hã.

Luca 10:34

Tahawa, ma tô itẽme mo. Ma tô 'wa're upsõ, rob'rãi wa'u isé na. Taha pari, ma tô 'wa're u'ré, rob'rãi wa'u na, iwab ré na. Te te u'réi parimhã, ma tô 'wa're ubu. Taha pari, ma tô tinhimizama ba nhisiwi tihi, 're idanhimi'wara mono zéb u te te hiri da. Tame te 'madâ, a'â.

Luca 10:36

Tawamhã Zezusi hã te oto aibâ hã ãma sadanha, ãne: — Aibâ si'ubdatõ, ma tô siparabâsi aibâ wa'wai baba ai'aba'ré, da te aré iwĩrĩ wa'wai baba. E 'wa hã isawi pese 'wa, te 're mo.

Luca 14:13

Tahawa, dasaihurizé hã dama 'manharĩ wamhã, te za isibrob'õ norĩ zô aihârâ za'ra, duré imorĩ'õ norĩ zô, duré i'rãtẽire norĩ zô, duré itob'a norĩ zô.

Roma 16:23

Wa hã Paulu, ãne wa za duré ãma aima waihu'u za'ra wa'wa. Gaiu hã tinhorõwa u te te ĩ'mazébré hã, te duré ãma asawi za'ra wa'wa. Taha nhorõwa ãma, te wasiré isazei'wa norĩ hã 're si'rã'õtõ u'âsi. Duré Erastu hã ãme 'ri nho'õmo ãma danhib'apito ma, rob'uiprazé za'rata na romhuri'wa hã, te ãma asawi za'ra wa'wa. Wasisãnawã Quartu na isisi zama, te duré ãma asawi za'ra wa'wa.