Luca 10:33 - ꞌRe Ihâimana Uꞌâsi Mono Zadawa Wasuꞌu

³³ Tawamhã te duré aibâ hâiba amo hã iwa'wai baba mo, darob amoi u morĩ da. Ta hã, samaritanu. Ta hã ma tô 'madâ, aibâ ihâzé ré hã. Te te 'madâ'â wamhã, ma tô ãma tipẽ'ẽzé.

Luca 10:33 ပူးပေါင်းရင်းမြစ်များ

Ezodu 2:6

Tawamhã Apito Fara'oho 'ra, ma isidâzé sa'o. Te te sa'o wamhã, ma tô ai'utére hã 'madâ, wawai ré. Tahawa ma tô ãma tipẽ'ẽzé. Tawamhã te tinha ãne: — Ã hã 'watébrémi, Izaraéu nhihudu 'ra.

Provébiu 27:10

Asiwaihu hã aimama siwaihu'u me hã, rẽme zahuré tõ. Tô'ã! Duré ropire na aihâimana wamhã, asisãnawã te te aipawaptob da hã tiwi rowaptẽrẽ tõ. E marĩ wa. Asisãnawã romhâ na 're ihâimana mono nhipai u, 'râwi aiwaptoma 're ihâimana mono hã sa'ẽtẽ dâ'âsina aima hã.

Mateu 10:5

Tawamhã Zezusi hã te te satõrĩ za'ra da, ma tô ãne tãma roti za'ra, 12 na ihâiba norĩ ma hã: — Zudeu'õ norĩ nhipti'ai u 're anomro aba mono õ di za. Duré samaritanu norĩ nhipti'ai u 'ri nho'õmo mono bâ, 're asisisi aba mono õ di za.

Mateu 18:33

E niha bâ bété, ãma aipẽ'ẽzé õ di asiré romhuri'wai ãma hã, wa hã ai'ãma ĩpẽ'ẽzé ne.” Ãne te tãma tinha isib'apito hã, te te tãma 're irob'madâ'â mono ma hã.

Luca 10:32

Tawamhã aibâ ihâiba amo hã te duré iwa'wai baba mo, levita hã, sasedoti norĩ pawapto'wa hã. Aibâ te te 'madâ'â wamhã, te duré bâdâdi zada'ré niwĩ mo, isiti.

Luca 10:34

Tahawa, ma tô itẽme mo. Ma tô 'wa're upsõ, rob'rãi wa'u isé na. Taha pari, ma tô 'wa're u'ré, rob'rãi wa'u na, iwab ré na. Te te u'réi parimhã, ma tô 'wa're ubu. Taha pari, ma tô tinhimizama ba nhisiwi tihi, 're idanhimi'wara mono zéb u te te hiri da. Tame te 'madâ, a'â.

Luca 7:13

Tawamhã imrotõ te te 'madâ'â wamhã, ma tô ãma tipẽ'ẽzé, Zezusi hã. Tawamhã ma tô tãma tinha, wawa tõ da.

Zuwã 4:9

Tawamhã te pi'õ hã asa tãma tinha, ãne: — E niha te â hã ĩwi iwaptẽ, wasiré samaritanu õ nherẽ. A hã zudeu. — Zudeu norĩ hã, samaritanuhu me siré 're hâimana za'ra mono õ wa, te ãne pi'õ hã tãma tinha.

Zuwã 8:48

Tawamhã dama ipire norĩ hã ma tô asa tãma nharĩ za'ra, ãne: — A hã, samaritanu. Wa'uburé ré, 're aimorĩ wa, te asimiza'rese ãna ãne na hã wama asiwasu'u za'ra. Tô sena, wa tô nasi ãne na aima nharĩ za'ra ni.