Luca 10:32 - ꞌRe Ihâimana Uꞌâsi Mono Zadawa Wasuꞌu

³² Tawamhã aibâ ihâiba amo hã te duré iwa'wai baba mo, levita hã, sasedoti norĩ pawapto'wa hã. Aibâ te te 'madâ'â wamhã, te duré bâdâdi zada'ré niwĩ mo, isiti.

Luca 10:32 ပူးပေါင်းရင်းမြစ်များ

Provébiu 27:10

Asiwaihu hã aimama siwaihu'u me hã, rẽme zahuré tõ. Tô'ã! Duré ropire na aihâimana wamhã, asisãnawã te te aipawaptob da hã tiwi rowaptẽrẽ tõ. E marĩ wa. Asisãnawã romhâ na 're ihâimana mono nhipai u, 'râwi aiwaptoma 're ihâimana mono hã sa'ẽtẽ dâ'âsina aima hã.

Luca 10:31

Tawamhã isa'u za'ra si te sasedoti hã mo duré, da te i'u'iti wa'wai baba, 'Re ihâimana u'âsi mono ma, da'ãma romhuri'wa hã. Aibâ hã te te sãmri wamhã, bâdâdi zada'ré niwĩ, te timorĩ waré, isiti.

Luca 10:33

Tawamhã te duré aibâ hâiba amo hã iwa'wai baba mo, darob amoi u morĩ da. Ta hã, samaritanu. Ta hã ma tô 'madâ, aibâ ihâzé ré hã. Te te 'madâ'â wamhã, ma tô ãma tipẽ'ẽzé.

Zezusihi zadawa wasuꞌuꞌwa norĩ nhimiromhuri na robꞌuiꞌéré 16:28

Tahawa, te Paulu hã hârâ 'rãihâ na 'mahâ, ãne: — Tô'ã. Asiwĩrĩ tõ. Ãhãta wa aihĩni aimasam ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 18:17

Tawamhã ma tô aibâ hã siwi ti'â, rowahutuzéb ãma 're ida'anhimi'rui mono 'wa hã, Sotẽni na aibâ nhisi hã. Tawamhã ma tô siwi azâ, dama rowairébézé nho're ãma. Te te siwi azâri nherẽ, te te ãma rosa'rata õ di, apito Galiu hã.

2 Timotiu 3:2

Ãne dahâimanazé hã za: Dasima si te za marĩ zô 're danhopré. Duré rob'uiprazéb zô si te za da te dasima 're rob'ruiwapari za'ra. Duré 'râwi dapẽ'ẽ na, te za marĩ na dasina 're dawata za'ra. Duré te za da te dasima 're nharĩ wasété za'ra. Duré marĩ na dama 're danhoprub za'ra mono nherẽ, danhoprum na da'ãma 're dawata za'ra mono õ di za. Duré damama norĩ nhimiroti hã da te 're wapari za'ra mono õ di za. Duré 'Re ihâimana u'âsi mono nhimiroti hã da te 're wazéb za'ra mono õ di za.