Luca 10:31 - ꞌRe Ihâimana Uꞌâsi Mono Zadawa Wasuꞌu

³¹ Tawamhã isa'u za'ra si te sasedoti hã mo duré, da te i'u'iti wa'wai baba, 'Re ihâimana u'âsi mono ma, da'ãma romhuri'wa hã. Aibâ hã te te sãmri wamhã, bâdâdi zada'ré niwĩ, te timorĩ waré, isiti.

Luca 10:31 ပူးပေါင်းရင်းမြစ်များ

Salmu 69:20

Da te ĩ'ãma 're iwasété za'ra mono zé hã ma tô te 're ĩsiri wai're. Tahawa, marĩ iwẽ zô hã oto 're ĩnhimnhasi waihu'u mono õ di. Ni'wa ĩ'ãma isiwamri zô ne, wa aré mapa. Tane nherẽ, ni'wa hã ĩ'ãma siwamri õ di. Duré ni'wa te te sina ĩpẽ'ẽ tété da hã, wa aré mapa. Tane nherẽ, ni'wa ĩtẽmemhã we morĩ õ di.

Provébiu 21:13

Ni'wa isimarĩ'õ norĩ hârâ te te wapari tõ da, sipo're nhidâ wamhã, õhõ hârâ zama duré da te isada'âbâ da hã mare di.

Luca 10:30

Tahawa, te Zezusi hã tãma romnhimiré'é, ãne: — Aibâ hã ma tô si'ra Zeruzalẽ hawi, Zerico u morĩ da. Tawamhã morĩ ré, ma tô sô wairé, isipsaihuri norĩ hã. I'uza, ma tô tiwi sani za'ra. Te te siwi 're pré'é. Te aré oto siwi tiwĩ. Te te siwi 're pré'é mono pari, te oto ai'aba'ré.

Luca 10:32

Tawamhã aibâ ihâiba amo hã te duré iwa'wai baba mo, levita hã, sasedoti norĩ pawapto'wa hã. Aibâ te te 'madâ'â wamhã, te duré bâdâdi zada'ré niwĩ mo, isiti.

Ruti 2:3

Tawamhã Ruti ma tô mo, daburu u amnho te te itehâri za'ra mono norĩ zarina, i'rã'a'a mono hã te te awaibui mono da. Tawamhã tãma waihu'u õ nherẽ, ma tô ãzé Buazihi buru na da te 're irobzuri za'ra mono u hã, Elimelequihi sisãnawã buru u.