Luca 10:21 - ꞌRe Ihâimana Uꞌâsi Mono Zadawa Wasuꞌu

²¹ Tame 'Re ihâimana u'âsi mono pẽ'ẽzani te te tãma iwaihu'uzéb zarina, te 're to, Zezusi hã. Toi uptabi di oto. Tahawa, te Timama ma tinha, ãne: — Ĩmama, a hã Danhib'apito uptabi, hâiwa ãma zama, ti'ai ãma zama. Ã norĩ hã marĩ te te waihu'u za'ẽtẽ za'ra õ di. Tane nherẽ, ma tô marĩ iwẽ hã tãma iwaihu'u za'ra. Rowaihu'u pese 'wa norĩ ma hã, marĩ hã iwẽ tãma waihu'u za'ra õ di. Tane tô, Ĩmama. Asima iwẽzéb uwaibaba, ma tô ã norĩ ma si a'â iwaihu'u za'ra, marĩ iwẽ hã. Tahawa, wa ai'ãma ĩwata, asõpru wa.

Luca 10:21 ပူးပေါင်းရင်းမြစ်များ

Salmu 24:1

Uburé Danhib'apito ma, te ti'a hã duré uburé marĩ iwa 're ihâimana za'ra mono hã 're hâimana. Uburé pese daro mono bâ, iwa 're idahâimana za'ra mono norĩ zama te duré tãma hã 're hâimana.

Salmu 8:2

Ai'uté norĩ, duré dapam norĩ zama te tizaihâ na asisi za'ẽtẽ na hã 're wata za'ra. A hã ma tô 'ri isiptede hã asima i'manha, asitob'ru norĩ wi asi'wawi 're aimapa mono da hã, uburé asada 're ihâimana za'ra mono norĩ hã 're a'uprosi mono da.

Mateu 16:17

Tawamhã Zezusi, te Pedru oto 'mahâ: — Sima, Zuwãhã 'ra, aima 're rowẽ mono di za. Ma tô ãma i'uwaimra. A hã danhimirowasu'u hawi, ãne na ĩwaihu'u õ di. Ĩmama, hâiwa ãma 're isãmra mono si ma tô ãne na aima ĩwaihu'u.

Mateu 21:16

Tawamhã ta norĩ hã te Zezusi hã siwi sadanha, ãne: — E wapari õ di, ai'uté norĩ mreme hã. E asina sadawa uwati za'ra ãna. Tawamhã Zezusi hã asa te duré tãma nharĩ za'ra, ãne: — Wa tô wapari za'ra. A norĩ wa'wa hã bété. E sõré za'ra wa'aba õ di, wahi'rata nhimi'ui'éré hã: “Ai'uté norĩ ma, wa tô waihu'u siromo za'ra, duré ai'utépré norĩ ma zama, iwẽ na si ai'ãma 're wata za'ra mono da.” Ãne ma tô wahi'rada hã ĩ'ãma rob'ui'éré siro, ibaihâ na hã.

Mateu 3:7

Tawamhã Zuwã, farizeu norĩ, saduseu norĩ me ahâ uptabi na hã ma tô 'madâ'â za'ra, itẽme isi'aba'ré, â dawabzuri te te dame 'manharĩ za'ra da. Tawamhã Zuwã, te te 'madâ'â za'ra wamhã, te ta norĩ ma nharĩ za'ra ãne: — A norĩ wa'wa hã wahi ne te 're anomro aba mo. E 'wa simiroti zarina, te we ĩtẽme ai'aba'réi wa'wa bété, â dawabzuri si i'manharĩ za'ra wa'aba zém na, 'Re ihâimana u'âsi mono nhimihâzé wi, asisõ'reptu za'ra wa'aba da hã, aiwasédé rẽme za'ra wa'aba õ nherẽ.

Marcu 10:15

Tô sena, wa aima waihu'u za'ra wa'wa. Ni'wam norĩ hã ai'uté dama iwapu ne, 're hâimana za'ra mono õ wamhã, 'Re ihâimana u'âsi mono, da'ãma 're isib'a'uwẽ mono zéb u, 're sisisi mono õ di za.

Luca 15:5

Tawamhã aiwi isimani hã oto sãmri wamhã, atoi uptabi di za. Tahawa, te za asisé we i'â apâ, sãmri wẽ te.

Luca 15:9

Tawamhã te te sãmri wẽ te, tisiwadi norĩ zô te za oto tihârâ za'ra. I'rata isõrõwa za'ra norĩ zô zama, te za tihârâ za'ra. Tawamhã te za oto tãma rowasu'u za'ra, ãne: “Ãhã na, ĩma rowẽ di. Rob'uiprazé isapotore hã wa tô tisã, ĩwi isimani hã. Ĩzabâdâ te za 're ato za'ra wa'aba mo duré, a norĩ wa'aba zama.” Ãne te za tãma rowasu'u za'ra.

Zuwã 11:41

Tawamhã isitobzé ma tô dasiwi sa'ré ni. Ãhã wamhã, te hâimo oto rob'madâ, Timama ma mreme da, Zezusi hã. Ãne te tawamhã tãma tinha: — Ĩmama, da'ãma aima 're ĩmreme mono wamhã, ĩmreme te ĩma ãma 're i'a'uwaimrami u'âsi mo. Ãhã na te za duré ĩmreme hã iwapa. Ãne wa, ĩma rowẽ di. Tahawa, wa duré danho'a, ãne aima rowasu'u, aima ĩmreme ré, da te ĩwapari za'ra da. E marĩ da. Aibâ ãma aima ĩmremezé hã ãma ĩma uwaimrami wamhã, a hã we ĩzatõrĩ'wa na dama 're ĩsiwasu'u mono zém na, da te 're ĩzaze za'ra mono da.

2 Corĩtu 4:3

Cristuhu wasu'uwẽ hã wa te dama 're iwasu'u mono hã suwai haré te ni'wam norĩ wi zahadu 're hâimana, 'Re ihâimana u'âsi mono nhiti, 're inomro u'âsi mono norĩ wi hã.

Éfézu 1:11

'Re ihâimana u'âsi mono hã marĩ na te te sima 're aroti mono wamhã, te za tô te te ãma 're a'uwaimrami. Ta hã ma tô wa'apisutu siro, isib'a'uwẽ 're wanomro mono da, Cristuhu ãma za 're wanomro mono wa. Ãne duréihã te te wa'ãma sima irotizéb zarina, ma tô wa'ãma uwaimrami za'ra, danho'reptui'wa zô 're iwanhimipari 'rata za'ra mono norĩ ma, ãma 're iwawata u'âsi za'ra mono zéb da hã.

Éfézu 1:5

Tãma rowẽ wa, ma tô wa'ãma sima roti siro, wa'ãma 're 'ra za'ra mono da, Zezu Cristu za te te iwawa'âbâzéb zarina. Te te sima 're wa'awẽ uptabi mono wa, ma tô ãne na sima roti siro, wa'ãma za'ra.