Luca 10:15 - ꞌRe Ihâimana Uꞌâsi Mono Zadawa Wasuꞌu

¹⁵ Cafanau ãma 're aihâimana za'ra wa'aba mono norĩ hã, e danhipai u aipire na 're aihâimana za'ra wa'aba mono da, ma tô asina 're irosa'rata za'ra wa'aba mo. Ropipa u si, te za 'Re ihâimana u'âsi mono hã te te 're asãmra 'wa.

Luca 10:15 ပူးပေါင်းရင်းမြစ်များ

Zenezi 11:4

Tawamhã te ãne oto sima nharĩ za'ra: — Oto 'rinho'u, wa te wasiwi 'ri aba. Tawamhã taha 'remhã wa za 'ri 'rãihâ wada hã wasiwi 'manharĩ ni, hâiwa te te sina itété pese da hã. Ãhã wamhã, dama wawasu'u za'ẽtẽ na wa za 're wahâimana za'ra. Duré wa te 're iropéi mono da hã mare di za, ti'ai mono bâ 're wahâimana za'ra mono da hã.

Mateu 10:28

Dahâiba te te dawi 're isimroi mono norĩ ma hã, tãma 're aipahi za'ra wa'aba mono õ di za, dapẽ'ẽzani hã te te dawi 're simroi waihu'u mono dai õ wa. 'Re ihâimana u'âsi mono si te za asima 're ipipa za'ra wa'aba mo. Taha ma si waihu'u pese di, dahâiba hã duré dapẽ'ẽzani zama, te te dawi 're i'a'uprosi mono zéb da hã.

Mateu 11:23

Duré Cafanau ãma 're i'aihâimana za'ra wa'aba mono norĩ hã e danhipai u aipire na 're aihâimana za'ra wa'aba mono da, ma tô asina 're irosa'rata za'ra wa'aba mo. Ropipa u si, te za 'Re ihâimana u'âsi mono hã te te 're asãmra 'wa, dapẽ'ẽ 're dadâ'â u'âsi na 're idahâimana za'ra mono zéb u. Marĩ dama i'manharĩ waihu'u'õ hã asõ'a za'ra wa'aba, te dama 're i'ab'manharĩ wẽ mono ne, duréihã Sodoma ãma 're idahâimana wasété za'ra mono norĩ te ãma 're pawaptob za'ra mono 'wa'âhã, aré ta norĩ hã si'utõrĩ õ di. Rowẽ na te aré 're hâimana u'âsi za'ra.

Mateu 4:13

Tawamhã Nazaré ãma 're isãmra mono da hã, te te sima rowẽ õ di oto. Tahawa, Cafanau na 'ri nho'õmo nhisi u si ma tô mo, tame oto 're sãmra mono da, Galiléa ãma isõ'u zapodo 're ihâimana mono 'rata, Zébulõhõ nhihudu norĩ nhipti'a niwĩmhã, duré Naftalihi nhihudu norĩ nhipti'a niwĩmhã.

Luca 13:28

Tawamhã rowẽ uptabi ãma, 'Re ihâimana u'âsi mono 'rata 're isi'ubumroi mono hã te za i'madâ'â za'ra wa'wa, Abra'ã norĩ hã, duré Izaqui, duré Zaco, duré uburé isadawa wasu'u'wa norĩ hã. Tazahã, a norĩ wa'wa hã te za rowi 're ai'ubumroi u'âsi aba mo. Tahawa, te za asina 're ai'ru'ru aba mo. Te za duré 're ai'wasitete za'ra wa'aba mo, 're robzépata za'ẽtẽ za'ra wa'aba mono wa.

Luca 16:23

Tawamhã ropipa hã te te oto 're sépata za'ẽtẽ, adâ 're isi'ubumroi mono zéb ãma hã. Ta hawi ma tô rob'madâ, isibro pe hã. Te te rob'madâ'â wamhã, ma tô Abra'ã hã tisã, romhâ na. I'rata te Lazaru hã nhamra, isibrob'õ hã.

2 Pedru 2:4

Tane, hâiwa ãma 'Re ihâimana u'âsi mono ma romhuri'wa norĩ hã, duréihã tiwasédé te te 're 'manharĩ za'ra mono wamhã, tinhimihâzé hã te te tãma ba'a za'ra õ di, 'Re ihâimana u'âsi mono hã. Ropipa u ma tô sisiti satõrĩ za'ra, tame 're simasa mono da, pawasisi ré robra ãma. Tame te za ta norĩ hã 're simasa, bâdâ iwa iwaptã'ãzéb u, dahâimanazém na te te ida'awaihu'uzéb zarina te te dama i'arowairébézéb u hã. Tawapsi te za ta norĩ hã duré oto hâ za'ra.