Luca 10:14 - ꞌRe Ihâimana Uꞌâsi Mono Zadawa Wasuꞌu

¹⁴ Tane nherẽ, tanei õ di, a norĩ wa'wa hã. Niwapsi 'Re ihâimana u'âsi mono, da'ãma isipo'ozéb ãma hã, Tiru ãma duré Sidõ ãma 're idahâimana wasété za'ra mono norĩ ma, te te irob'manharĩ pipa zém nhipai u, te za te te 're aihâ za'ra za'ẽtẽ za'ra wa'wa, 'Re ihâimana u'âsi mono hã.

Luca 10:14 ပူးပေါင်းရင်းမြစ်များ

Zuéu 3:4

— Tiru ãma a'uwẽ norĩ, Sidõ ãma a'uwẽ norĩ, duré uburé Filistéa ãma a'uwẽ norĩ zama, e marĩ zarina te ĩzada 're aihâimana za'ra wa'aba mo bété. E ma tô asima iwẽ za'ra wa'wa, asi'ruiwa'âbâ za'ra wa'aba da hã. Tane ze te bâ, ĩzama wa oto mare siro, i'manharĩ za'ra wa'aba u'âbâmhã, taha na si oto ĩsi'ruiwa'âbâ da.

Mateu 10:15

Tô sena, wa aima waihu'u za'ra wa'wa. Niwapsi 'Re ihâimana u'âsi mono, da'ãma isipo'ozéb ãma hã Sodoma ãma duré Gomora ãma 're idahâimana wasété uptabi za'ra mono norĩ ma, te te irob'manharĩ pipa zém nhipai u, te za asô 're itob'uzu za'ra wa'aba mono õ norĩ ma hã te te tãma 're arob'manharĩ za'ẽtẽ.

Mateu 11:21

Ãne te 'ri wa'õtõ ãma ma tinha Zezusi hã, 'ri wa'õtõ 're, 're idahâimana za'ra mono norĩ ma: — Corazĩ na 'ri wa'õtõ nhisi ãma 're aihâimana za'ra wa'aba mono norĩ ma, aima 're ropipa uptabi za'ra wa'aba mono di za, duré Besada na 'ri wa'õtõ nhisi ãma 're aihâimana za'ra wa'aba mono norĩ ma zama. Marĩ dama i'manharĩ waihu'u'õ hã asõ'a za'ra wa'aba, te 're i'ab'manharĩ wẽ mono ne, Tiru ãma 'ri nho'õmo ãma, duré Sidõ ãma 'ri nho'õmo ãma 're idahâimana za'ra mono norĩ nho'a, te dama 're ab'manharĩ mono 'wa'âhã, duréi te aré ta norĩ hã 're sipizari za'ra, tiwasété wi. Tiwasété wi 're isipizari za'ra mono zém na, da te 're waihu'u za'ra mono da, te aré 'ru'a hã ti'rã nhisiwi te te 're sa'wari za'ra. Te duré aré sa'u ihâiro na 're si'uza za'ra.

Roma 2:1

A norĩ wa'wa hã, dapo're'õ na 're idanomro mono norĩ ãma, iwasédé hã ãma 're sa'ra za'ra wa'aba mono wamhã, te za 're aiwasété za'ra wa'aba mo. E marĩ wa. Dasine aiwasédé hã 're 'manharĩ za'ra wa'aba mono wa, aiwa. Tahawa, dasine 're aihâimana za'ra wa'aba mono nherẽ, dawasédé hã da'ãma 're sa'ra za'ra wa'aba mono wamhã, te za 'Re ihâimana u'âsi mono hã te te 're aiwẽ'õ pese za'ra wa'wa dasiré. Tahawa, aiwasété ãna 're aihâimana za'ra wa'aba mono zém na 're asi'madâ'â waihu'u za'ra wa'aba mono õ di za.

Roma 2:27

A norĩ wa'wa hã zudeu na 're aihâimana za'ra wa'aba mono hã, 'Re ihâimana u'âsi mono nhimiroti 'rata na rob'ui'éré hã 're 'madâ'â pese za'ra wa'aba mono õ di, ibaihâ na rob'ui'éré hã aima 're hâimana za'ra wa'aba mono nherẽ, duré asihâiwata nhihâri ré 're aihâimana za'ra wa'aba mono nherẽ. Tane nherẽ, ni'wam norĩ hã zudeu'õ norĩ hã sihâiwata nhihâri ré, 're hâimana za'ra mono õ nherẽ, te 'Re ihâimana u'âsi mono nhimiroti 'rada hã te te 're 'madâ'â pese za'ra. Taha zarina te za 'Re ihâimana u'âsi mono hã te te siwi 're aiwẽ'õ pese za'ra wa'wa, te te 're aihâ za'ra wa'aba mono da, zudeu'õ norĩ si isimiroti hã te te 're 'madâ'â pese za'ra mono wa, ai'upana za'ra wa'aba.