Luca 10:1 - ꞌRe Ihâimana Uꞌâsi Mono Zadawa Wasuꞌu

¹ Taha pari, ma tô Zezusi hã aibâ ahâ na pisutu za'ra, isõwa datẽme 're nomro mono da, 72 na aibâ norĩ hâiba za'ra na. Maparane si, ma tô te te apisutu, 'ri wa'õtõ mono bâ iwana te te datẽme ropéi mono da, za datẽme 're imorĩzé wana, datẽme si'aba'ré da.

Luca 10:1 ပူးပေါင်းရင်းမြစ်များ

Luca 1:17

'Re ihâimana u'âsi mono zadawa 'mahârâ'wa, te za 're mo. Wahi'rada Eliasihi ne, te za 're mo, mreme pire na, duré waihu'u pese na. Tawamhã ai'ra nhimiroti zarina, te za damama norĩ ti'ra norĩ hã te te 're sawi pese za'ra. Duré danhimipari ãna 're idanomro mono hawimhã, te za 're dasipizari za'ra, 're idanomro wẽ mono zarina, oto 're danomro mono da. Ãne wamhã, te za danhimiza'rese sô 're danhimipari za'ra, Danhib'apito zô.

Luca 1:76

'Re ihâimana u'âsi mono hã, danhipai u ipire uptabi. A hã isadawa wasu'u'wa, te za 're aimo. Isadawa wasu'u'wa na, te za aiwaihu'u za'ra ni. Datẽme te za 're aimo, Wanhib'apito wana, asimiroti na 're da'apawapto mono da, Wanhib'apito zô danhimipari za'ra sina 're danomro wẽ mono da.

Luca 7:13

Tawamhã imrotõ te te 'madâ'â wamhã, ma tô ãma tipẽ'ẽzé, Zezusi hã. Tawamhã ma tô tãma tinha, wawa tõ da.

Luca 9:52

Tahawa, ma tô aibâ norĩ hã sisõwa satõrĩ za'ra, isãmrazéb da hã, te te sô 'maipisutu za'ra da. Si'aba'réi wamhã, ma tô aihutu, 'ri wa'õtõ u. Samaritanu norĩ rob ãma, 'ri wa'õno hã.