Luca 1:79 - ꞌRe Ihâimana Uꞌâsi Mono Zadawa Wasuꞌu

⁷⁹ Tawamhã ab're pipa te, robzei'õ u'âsi, 're wanomro mono õ di za. Te za oto te te 're wa'anhimroi wẽ, rowẽ na 're iwanomro mono zém na.

Luca 1:79 ပူးပေါင်းရင်းမြစ်များ

Salmu 23:4

Wa hã ẽtẽ nhi'riti 're romharé na robra uptabi na 're ĩne mono nherẽ, marĩ ma, ĩpahi waihu'u õ di, Uburé Danhib'apito a hã ĩsiré 're aimorĩ wa. Robzahi wi, asiwazusizé hã te duré ĩ'wawimhã 're simapa.

Salmu 44:19

Tane nherẽ, a hã ma tô iwawati pese za'ra, robzahi wa'wa iwasimasam ne. Ma tô duré robra uptabi ãma iwarẽme za'ra.

Provébiu 3:17

Te za dapẽ'ẽ 'remhã dahâimanazé iwẽ ise hã te te dama 're anhomri. Te za duré rowẽ na dasima iwẽ na 're idahâimana za'ra mono zé hã te te 're da'anhimro.

Provébiu 8:20

Wa hã bâdâdi sena na 're ĩhâimana mono na wa 're mo. Duré i'uwaibaba zarina si wa 're mo.

Mateu 4:16

te uburé robra na 're dahâimana za'ra. Tane nherẽ, te za oto taha 'remhã rowa'a za'ẽne hã da te 're 'madâ'â za'ra. Te za oto duré dama rowa'a, dapẽ'ẽ 're robra na 're idanomro mono norĩ ma hã.”

Luca 2:32

Rob'uiwẽzé hã te te bâdâdi uiwẽ wamhã, damorĩ wẽ di. Tane te za zudeu'õ norĩ ma, te te 're awaihu'u asimiroti hã, ãma 're nomro wẽ mono da. Wa norĩ ma, 're rowẽ za'ra mono di za, asib'a'uwẽ norĩ ma, Izaraéu nhihudu norĩ ma, isabâdâ za da te dasima 're wawasu'u wẽ u'âsi za'ra mono wa.

Zuwã 1:9

Rob'uiwẽ'wa ne 're imorĩ hã tô sena isimiroti hã. Ta hã ti'ai u ma we datẽme wi, aihĩni isimiroti hã da te waihu'u pese za'ra da.

Zuwã 12:46

Wa hã wa tô we datẽme mo, dama rob'uiwẽ'wa ne 're ĩmorĩ da. E marĩ da. Da te dasina 're ĩ'umnhasi za'ra mono wa, robra na ne, dawasété na si oto 're danomro tõ mono da.

Zuwã 8:12

Tawamhã Zezusi te duré dama tinha, ãne: — Wa hã uburé dama rob'uiwẽ'wa na wa ĩsiwasu'u. Ĩnhimiroti zarina 're danomro mono wamhã, dawasété na 're danomro mono õ di za, robra na. Rowa'a na si te za ĩ'ãma 're danomro u'âsi, rowẽ na.

Zuwã 9:5

Tawamhã ti'ai ãma 're ĩnhamra mono ré, dama rob'uiwẽ'wa ne, wa hã dama rowẽ nhomri'wa, wa dama 're ĩhâimana.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:36

'Re ihâimana u'âsi mono zadawa wasu'u hã ma tô iwaihu'u za'ra wa'wa. Tizadawa wasu'u hã ma tô wama waihu'u za'ra, wasiré Izaraéu nhihudu norĩ ma. Zezu Cristu hã ma tô watẽme satõrĩ za'ra, te te wama rowasu'u za'ra da, 'Re ihâimana u'âsi mono ãma rowẽ na 're idanomro mono zém na hã. Zezu Cristu hã, uburé Danhib'apito uptabi. Taha wasu'u ma tô iwaihu'u za'ra wa'wa.

Zezusihi zadawa wasuꞌuꞌwa norĩ nhimiromhuri na robꞌuiꞌéré 26:18

Datob'a ne 're danomro mono wa, da te 're idato pese za'ra mono ne, te za 'Re ihâimana u'âsi mono nhimiroti na 're ipo're pu'u za'ra mo, zudeu'õ norĩ hã. Robra na 're inomro mono hã te za 're i'awaibui mo, rowa'a na oto 're nomro mono da, ta norĩ hã. Satanasihi nhiptetezém hawi te za 're i'apizari mo, 'Re ihâimana u'âsi mono niwĩ 're nomro mono da oto, te te sina 're ĩ'umnhasi za'ra mono zéb zarina, 'Re ihâimana u'âsi mono hã iwasédé hã te te tãma 're apari mono da, duré ãma 're sib'a'uwẽ za'ra mono da oto dame.” Tawamhã Paulu te duré siwasu'u, ãne:

Roma 3:17

Rowẽ na 're idahâimana za'ra mono zéb da hã, dama sa'rese õ di.

Éfézu 5:8

A norĩ wa'wa hã roti sena hã aré waihu'u za'ra wa'aba õ di, Cristuhu nhimiroti hã. Tahawa, datob'a na 're idanomro mono ne, ma tô aré robra na 're anomro aba mo, aiwasété na. Cristuhu ãma oto 're anomro aba mono wa, rowa'a na damorĩ wẽ na 're idanomro mono ne, te oto isimiroti ré 're anomro aba mo. Tahawa, te za oto ãma 're anomro wẽ wa'aba mono sina, 're aihâimana za'ra wa'aba mo. Ni'wam norĩ hã Wanhib'apito nhimiroti na 're nomro mono wamhã, te za te te dama 're rob'manharĩ wẽ za'ra. Te za duré 're nomro wẽ. Duré tô sena na si te za te te dama 're rowasu'u za'ra. Dahâimanazé tô sena na si te za dama 're hâimana za'ra. Tahawa, a norĩ wa'wa hã roti sena zarina si te za oto 're anomro wẽ wa'aba mo, Cristuhu nhimiroti na.