Luca 1:7 - ꞌRe Ihâimana Uꞌâsi Mono Zadawa Wasuꞌu

⁷ Tane nherẽ, 'ra zahuré õ di. Izabé hã 'ra waihu'u õ wa, ma tô 'ra ãna si'ihi zahuré.

Luca 1:7 ပူးပေါင်းရင်းမြစ်များ

Zenezi 17:17

Tawamhã Abra'ã, hi'rãtitõ ma tô nhamra. Ti'ubu na ti'ai u hã ma tô ropto. Tahawa, te te tãma iwaihu'uzém na ma tô aihâ. Tahawa te ãne 'râwi sima tinha: “E aibâ 100 na ãma iwahu hã sidamama waihu'u pese di. E niha te za merẽ Sara ãma 90 na iwahum nherẽ ti'ra.”

Zenezi 18:11

Abra'ã norĩ Saraha me hã hâiba prédub zahuré di oto. Tahawa Saraha 'razéb da, ãma iwahu hã ma tô oto sa're.

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Zenezi 30:1

Tawamhã Raqueu, 'ra waihu'u õ na siwaihu'u wamhã, ma tô tidub'rada Léia hã 'ruiwapa, õhõ si 'ra siwapto wa. Tahawa te timro ma tãma tinha ãne: — Ma'ãpé ĩ'ra da, ĩma sô romhuri. Ãnei õ wamhã, wa za dârâ.

Luca 1:5

Erodi hã zudeu norĩ nhipti'ai 're, apito na 're hâimana mono ré hã, aibâ hã te 're hâimana, Zacaria na isisi hã. Zacaria hã sasedoti, 'Re ihâimana u'âsi mono ma da'ãma romhuri'wa. Abiasihi nhihudu norĩ me, te te tãma 're romhuri za'ra. Imro nhisi hã, Izabé na. Izabéhé hi'rada hã, Arã na isisi hã. 'Re ihâimana u'âsi mono ma, da'ãma romhuri'wa, Arã hã.

Luca 1:6

Zacaria norĩ hã ma tô 're hâimana wẽ zahuré. 'Re ihâimana u'âsi mono nhimiroti te te 're 'madâ'â pese zahuré. Tahawa, tãma wẽ zahuré di, 'Re ihâimana u'âsi mono ma.

Luca 1:8

Tawamhã nimahã bâtâ na ma tô Zacaria hã tinhimiromhuri hã 'manha, sasedoti te te 're i'manharĩ za'ra mono hã, 'Re ihâimana u'âsi mono nhorõwa 'ri 'remhã. Taha te hã bâtâ wa, ma tô romhuri 'manha.

Hebreu 11:11

Abra'ã hã 'Re ihâimana u'âsi mono si te te sina 're i'umnhasi mono zéb zarina, ma tô duré i'ra hã tãma podo, si'ihi pese nherẽ, duré imro hã Sara hã préduptéb ré, 'ra waihu'u õ nherẽ. 'Re ihâimana u'âsi mono te te tãma iropisutuzém na te te ãma sazei pese wa, ma tô i'ra hã tãma podo tô.

1 Samuéu 1:2

Tawamhã Eucanahã mro maparane. Isisi zahuré hã ãne: Ãna, duré Penina. Tawamhã Penina ma tô aiwabzu. Ãnahã si siwabzuri õ di.