Luca 1:68 - ꞌRe Ihâimana Uꞌâsi Mono Zadawa Wasuꞌu

⁶⁸ — 'Re ihâimana u'âsi mono hã wẽ di, Wanhib'apito hã. Wẽ wa, wa za ãma 're wawata u'âsi za'ra. Wa norĩ hã Izaraéu nhihudu, te za we oto wapawaptob za'ra, wanhitob'ru nhimiwada'uri hã wama wapu za'ra da, rowẽ na 're wasi'ubumroi mono da.

Luca 1:68 ပူးပေါင်းရင်းမြစ်များ

Zenezi 14:20

Duré 'Re ihâimana u'âsi mono danhipai u 're ihâimana mono, asitob'ru norĩ asib'rata te te aima isõmri za'ra ãma si 're wawata za'ra aba mono!” Tawamhã Abrã, uburé marĩ na apâ te te ãma isiri za'ra hã 10 na ihâimana za'ra te te ipo hã misi ma tô tãma waze, Mequizédéquihi ma, te te tãma sõmri da.

Zenezi 24:27

Ãne te tinha: — Uburé Danhib'apito, Abra'ã ĩnhib'apito te, 'Re ihâimana u'âsi mono hã, iwẽ uptabi. Tô sena ma tô ĩnhib'apito ma, umnhasi sina ãma 're isiwãrĩ wẽ mono na hã tãma 're hâimana. Taha zarina ma tô isisãnawã norĩ nhorõwa u hã awa'awi u'âsi we ĩzaprõni wẽ.

Zenezi 9:26

Te duré tinha ãne, Nowé hã: “Uburé Danhib'apito ãma 're wawata za'ra wa'aba mono, Sẽhẽ nhib'apito ãma. Cana'ã hã pawa'âbâ õ nherẽ, isib'a'uwẽ na tãma 're hâimana mono.

Salmu 41:13

Uburé Danhib'apito, Izaraéu nhihudu norĩ te, 'Re ihâimana u'âsi mono ãma si 're wawata za'ra wa'aba mono, õne u'â si'utõrĩ ãna! Tane tô! Tane tô!

Ezodu 4:31

Tawamhã ma tô uburé ãma saze za'ra, isimirowasu'u na hã. Uburé Danhib'apito itẽme imorĩ za'ra zém na te te sina waihu'u za'ra wa, duré da te tãma 're irob'manharĩ wasété za'ra mono zém na te te 're i'madâ'â za'ra mono na te te sina waihu'u za'ra wa, hi'rãtitõ ma tô asimro, 'Re ihâimana u'âsi mono ãma wata za'ra da hã.

Luca 1:71

Wazawi'õ'wa norĩ wi, ma tô wama ãma ropisutu, 'Re ihâimana u'âsi mono hã, te te 're wa'anho'reptui mono da, wawẽ'õ'wa norĩ, te te 're wawada'uri tõ za'ra mono da.

Luca 19:44

Danhitob'ru norĩ hã te za 'ri hã daré te te 're sãmra za'ra. 'Ri hã, tâibâ za oto. 'Ri tede'wa zama, te za uprosi za'ra. 'Ri tâibâ wamhã, ẽne hã te za oto re na 're simi'wara, 'rizé hã. 'Re ihâimana u'âsi mono, te aré danho'reptu za'ra. Tane nherẽ, danho'reptui'wa, datẽme iwisi na hã da te waihu'u za'ra õ di.

Luca 24:21

Izaraéu nhihudu norĩ hã, danhimiwada'uri na oto 're wahâimana za'ra mono tõ da, te te 're wa'apawapto mono da ne, wa tô 're wanhimnhasi za'ra aré. Ãhã na bâdâ maparane ma tô ãma ne, da te iwĩrĩzém na hã.

Luca 7:16

Dâ'â zahã, oto sahâ na sãmra wa, ma tãma tapẽ'ẽwara za'ra ni. Ãne te dasima nharĩ za'ra ni: — Tinhib'a'uwẽ norĩ hã te za we te te 're wa'apawapto, 'Re ihâimana u'âsi mono hã. Ma tô we watẽme satõ, tizadawa wasu'u'wa hã. Mreme pire uptabi di.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

Éfézu 1:7

Cristu hã wedepo'o nhonhi'rãmi na wazada dâ'â wamhã, ma tô tidâ'âzém na wa'awa'â. Marĩ, wa te 're i'manharĩ wasété za'ra mono zé hã ma tô duré te te wama 're apari, wawasédé hã te te wa'ãma 're ab'madâ'â tõ mono da oto. Ãne wamhã, ma tô Wamama hã wa'ãma uwaimrami wẽ, sa'ẽtẽ na tãma 're hâimana mono wa, te te 're iwa'azawi pese mono zé hã.

Hebreu 9:12

Tawamhã Cristu hã hâiwa ãma 'ri 're wa'wa u sébré wamhã, misi haré ma tô wanhowab za'ra hã ãzé, 'ri 're wa'wa iwẽ uptabi u, 'Re ihâimana u'âsi mono, iwa 're isãmra mono zéb u hã. Tamomo itẽme sébré wamhã, e pone'ẽrebâi waprui ré ma tô ãzé. Duré e powawẽ 'ra waprui ré zama, ma tô ãzé, te te tãma isõmri da ré, duréihã sasedoti norĩ te te tãma 're isõmri za'ra mono ne ré. Mare di. Tiwaprui ré si ma tô itẽme ãzé Timama u hã, te te tãma sõmri da, taha na si wawasété hawi te te 're wa'anho'reptui mono da, misi haré.

1 Pedru 1:3

'Re ihâimana u'âsi mono ãma si oto 're wawata u'âsi za'ra wa'aba mono, Wanhib'apito Zezu Cristuhu mama ãma. E marĩ wa. Ipẽ'ẽzézé hã sa'ẽtẽ na tãma 're hâimana mono wa, ma tô wa'apoto té, wapẽ'ẽ 're, wahâimanazép té iwẽ na si oto ãma 're wahâimana za'ra mono da. Zezu Cristu hã dâ'â uptabi nherẽ, ma tô Imama hã ab're hawi hâiwa'utu, tiwaihu'u pese na. Taha zarina, wa za duré wasina sô 're wanhimipari za'ra, 're wadâ'â za'ra mono pari, te te 're iwa'ahâiwa'utu mono zéb zô.

1 Samuéu 25:32

Tawamhã Dawi ma tô ãma sada'â ãne: — Wanhib'apito Izaraéu nhihudu norĩ te 'Re ihâimana u'âsi mono ãma 're wawata za'ra wa'aba mono za, ta hã ã bâtâ na te te we asatõrĩ wa, ĩnhopẽtẽ da hã.