Luca 1:67 - ꞌRe Ihâimana Uꞌâsi Mono Zadawa Wasuꞌu

⁶⁷ Tawamhã Zacaria hã 'Re ihâimana u'âsi mono pẽ'ẽzani nhimipawaptom na, ma tô mre, 'Re ihâimana u'âsi mono zadawa wasu'u na, ãne:

Luca 1:67 ပူးပေါင်းရင်းမြစ်များ

Zuéu 2:28

Uburé Danhib'apito te tinha ãne, tinhib'a'uwẽ norĩ ma: “Ãhã parimhã, wa hã wa za ãma ropé Ĩpẽ'ẽzani na, uburé pese dama. Ai'ra si'aibâ norĩ hã duré ai'ra sipi'õ norĩ hã te za te te dama 're ĩzadawa wasu'u za'ra. Duré ihi norĩ hã te za te te 're rosawẽrẽ za'ra. Ipréduptém norĩ hã te za duré marĩ hã sõ'awi te te 're 'madâ'â za'ra, sõtõ 'rowim ne.

Luca 1:15

Prédu wapsi, isimiroti hã pire di za. Tahawa, te za isimiroti pire na waihu'u, 'Re ihâimana u'âsi mono hã. Uwa 'rãi wa'u isé hã te te 're hâsi mono õ di za, duré âzé hã. Waptã'ã hawim haré, te za 'Re ihâimana u'âsi mono pẽ'ẽzani ré 're mo. Taha si, te za te te 're wapari pese. Tahawa, te za tisiré Izaraéu nhihudu norĩ hã te te 're apawapto tinhimiroti na, 'Re ihâimana u'âsi mono nhimiroti si, da te 're 'madâ'â pese za'ra mono da oto.

Luca 1:41

Tawamhã Izabé hã, Maria te te isawizém na te te wapari wamhã, ma tô ai'uté hã idi'i 'remhã 're sirési. Tawamhã ma tô ti'ra wapté ma rowasu'u, Izabé hã.

Zezusihi zadawa wasuꞌuꞌwa norĩ nhimiromhuri na robꞌuiꞌéré 9:17

Taha pari, ma tô mo Anania hã, Zudaha nhorõwa u. Tawamhã ma tô 'ri para u ãzé. Sébré wamhã, ma tô tinhib'rada hã tino, i'rã nhisiwi, Saruhu 'rãi ãma. Ãne te tãma tinha: — Ĩsisãnawã Saulu, Wanhib'apito hã ma tô we atẽme ĩzatõ, tô õ hã Zezusi hã, Damascu u we aimorĩ ré, bâdâdi wa, aima isihâi'ré hã. Ta hã ma tô we atẽme ĩzatõ, atõmo wẽ da, apâ rob'madâ'â hâ, duré Ipẽ'ẽzani ré si 're aihâimana mono da, aipẽ'ẽ wẽ na si.