Luca 1:66 - ꞌRe Ihâimana Uꞌâsi Mono Zadawa Wasuꞌu

⁶⁶ Tawamhã da te wapari za'ra wamhã, iwasu'u hã wẽ wa, te ãma rosa'rata u'âsi za'ra ni. Te duré ãma tasisadanharĩ za'ra ni, ãne: — Prédu wamhã, e marĩ na te za 're hâimana, 'watébrémi hã. — Ãne te dasima nharĩ za'ra ni, iwẽ na te te sada 'manharĩ wa, Zuwãhã zada, 'Re ihâimana u'âsi mono hã.

Luca 1:66 ပူးပေါင်းရင်းမြစ်များ

Zenezi 37:11

Tawamhã isisãnawã norĩ te duré siwi 'ruiwapa, tino hã. Tane nherẽ, te imama si taré ãma rosa'rata u'âsi, ti'ra nhimirosawẽrẽ na hã.

Zenezi 39:2

Tame Uburé Danhib'apito, Zuzéhé siré 're hâimana u'âsi mono wa, te uburé marĩ hã te te 're ab'manharĩ wẽ u'âsi. Tawamhã te oto tinhib'ihâ'a nhorõwa ãma 're sãmra, ezipsiu nhorõwa ãma.

Salmu 119:11

Aimreme hã wa tô ĩsima te 're tété ĩpẽ'ẽ 'remhã, ĩwasédé te aiwi 're 'manharĩ tõ mono da.

Salmu 89:21

Ĩnhib'rata nhiptede hã te za õne u'â te te 're upari. Duré te za ĩnhiptede hã te te 're siptete u'âsi.

Luca 1:80

Tawamhã 'watébrémi hã ma tô tiprédu. Duré ihâiba hã siptete di, prédu wamhã. Tiwasété wi 're siptete mono wa, 're morĩ wẽ di. A'ubuni wi, te ãhã wamhã oto 're sãmra. Bâdâ iwa waptã'ã wapsi, te za datẽme 're mo, te te dama 're sadawa wasu'u mono da, Izaraéu nhihudu norĩ ma hã.

Luca 2:19

Taha wamhã, duré Maria te isimirowasu'u za'ra na tipẽ'ẽ na hã te te 're rosa'rata u'âsi.

Luca 2:40

Tawamhã ma tô tiprédu, 'watébrémi hã. Hâiba nhiptete di oto. Isimiroti hã wẽ uptabi di duré. 'Re ihâimana u'âsi mono te te 're pawapto mono wa, wẽ uptabi di, isimiroti hã.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

Luca 9:44

— Wa za aima ĩsiwasu'u za'ra wa'wa. Aima ĩsiwasu'u za'ra wa'aba zém na, aipo're si'âri za'ra wa'aba õ di za. Ti'ai ãma Dasiré Ipodo hã te za dasima hâiba nhomri ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 11:21

Tawamhã Wanhib'apito hã ma tô õ norĩ hã pawaptob za'ra, tiwaihu'u pese na. Tahawa, da'ahâ na ma tô saze za'ra ni oto, Wanhib'apito niwĩ 're dahâimana za'ra mono da oto.

Colosu 1:5

Cristuhu wasu'uwẽ hã tô sena uptabi hã imorĩ'rata na da te atẽme ãwisi za'ra wa'aba wamhã, tame ma tô iwapari na'rata za'ra wa'wa, iwẽ uptabi hã hâiwa ãma dazô 're isimi'wara mono zé wasu'u hã, duré taha zô si 're idanhimipari u'âsi za'ra mono zé wasu'u zama. Taha zô asina 're asimipari za'ra wa'aba mono zéb zarina, ma tô Cristuhu si asina 're i'umnhasi pese za'ra wa'aba mo. Taha zarina ma tô duré 'Re ihâimana u'âsi mono nhib'a'uwẽ norĩ hã 're isawi pese za'ra wa'aba mo. Hâiwa ãma, wẽ uptabi na asô 're isimi'wara aba mono hã, te tô 'Re ihâimana u'âsi mono hã te te asô 're 'madâ'â pese za'ra wa'wa. Taha zô si te tô asina 're asimipari u'âsi za'ra wa'aba mo.

1 Samuéu 16:18

Tawamhã tãma romhuri'wa ma tô ãma 'mazada'â ãne: — Wa hã ĩma waihu'u pese di, 'ri'ahâ Belẽ na isisi ãma Zésé 're isãmra mono 'ra hã. Ta hã rowamreme wẽ 'wai uptabi. Ta hã duré ipahi waihu'u õ, isiptede, duré dasi'wapéi 'manharĩ'wa iwẽ, imreme wẽ, duré ihâiba wẽ. Uburé Danhib'apito hã te duré ime 're hâimana.

1 Samuéu 2:18

Tawamhã Samuéu te oto te te 're romhuri, 'Re ihâimana u'âsi mono Uburé Danhib'apito ma hã. Tawamhã zahadu 'watébrémi nherẽ, ma tô 're si'uza, sasedoti norĩ si'uzazé ipanoi'õ abazi 'manharĩ na hã.