Luca 1:65 - ꞌRe Ihâimana Uꞌâsi Mono Zadawa Wasuꞌu

⁶⁵ Tawamhã 'ri 'rata 're isi'ubumroi mono norĩ hã iwasu'u te te wapari za'ra wamhã, ma tô tãma tipahi za'ra, õne hã tãma sa'rese za'ra õ wa. Tawamhã sa'a ãma, ma tô iwasu'u wapari za'ra ni, daro mono bâ, Zudéa ãma.

Luca 1:65 ပူးပေါင်းရင်းမြစ်များ

Mateu 2:1

Tawamhã Zezusi hã ma tô podo, Belẽ na 'ri nho'õmo nhisi ãma, Zudéa na danhipti'a nho'õmo nhisi ãma. Apito Erodi hã, Izaraéu nhihudu norĩ te te 're 'madâ'â za'ra mono ré, ma waptãrã. Waptã'ã parip si, ma tô wasi na romnhoré'wa norĩ hã aihutu Zeruzalẽ u, bâtâ pusizém hawi, rowaihu'u pese 'wa norĩ hã.

Luca 1:39

Tawamhã bâdâ umro na ãma si'utõrĩ pari, ma tô Maria hã sima robza'ra pese, tina waptéb u morĩ da, Izabéhé u. Tawamhã Zudéa na danhipti'a nho'õmo nhisi u, te itẽme mo si'aba'ré na, 'ri ahâ sa'a na 're ihâimana mono u. Tawamhã ma tô oto wi, Zacariaha nhorõwa u. 'Ri para u sébré wamhã, ma tô tina wapté hã sawi.

Luca 2:18

Uburé da te wapari za'ra wamhã, ma tô ãma tatob'uzu za'ra ni, pone'ẽrebâ 'madâ'â'wa norĩ nhimirowasu'u na.

Luca 5:26

Tawamhã uburé ma tô ãma tatob'uzu za'ra ni. 'Re ihâimana u'âsi mono ãma, te duré ãhã wamhã tawata za'ra ni. Ãne te dasima nharĩ za'ra ni: — Aibâ te te ipesezé hã, wẽ uptabi di. Ãhã na, wa tô wasiwi 'madâ'â za'ra ni.

Luca 7:16

Dâ'â zahã, oto sahâ na sãmra wa, ma tãma tapẽ'ẽwara za'ra ni. Ãne te dasima nharĩ za'ra ni: — Tinhib'a'uwẽ norĩ hã te za we te te 're wa'apawapto, 'Re ihâimana u'âsi mono hã. Ma tô we watẽme satõ, tizadawa wasu'u'wa hã. Mreme pire uptabi di.

Zezusihi zadawa wasuꞌuꞌwa norĩ nhimiromhuri na robꞌuiꞌéré 19:17

Tawamhã taha wasu'u hã da te wapari za'ra wamhã, ma tô tapahi za'ra ni, Zezusihi zadawa para newa, marĩ hã duré da te 're 'manharĩ za'ra mono tõ da. Aihĩni, ma tô iwasu'u hã wapari za'ra ni, Éfézu ãma 're isi'ubumroi mono norĩ hã, zudeu norĩ hã, duré zudeu'õ norĩ hã. Tawamhã da te sazei uptabi za'ra õ nherẽ, ma tô aihĩni ãma tawata za'ra ni, Wanhib'apito Zezusihi ãma.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:43

Zezusihi zadawa wasu'u'wa norĩ hã marĩ iwẽ hã ahâ na ma tô te te dama 're 'manharĩ za'ra, dama i'manharĩ waihu'u'õ hã. Tahawa, ma tô ãma 're datob'uzu za'ra.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:11

Tawamhã uburé pese, ma tô tapẽ'ẽwara za'ra ni oto, isazei'wa norĩ, siré 're isi'rã'õtõ mono norĩ hã. Duré iwasu'u hã da te wapari za'ra wamhã, aihĩni ma tô tapahi za'ra ni.

Zezusihi zadawa wasuꞌuꞌwa norĩ nhimiromhuri na robꞌuiꞌéré 5:5

Tawamhã Pedruhu mreme te te wapari wi, ma tô waptãrã ti'ai wa, Anania hã. Waptã'ã wamhã, ma tô dârâ. Tawamhã ipréduptém norĩ hã ma tô sô tiwahutu za'ra, te te siwi ubu da hã. Taha pari, ma tô duré oto siwi ti'â, te te siwi sẽrẽ da. Tawamhã taha wasu'u hã da te wapari za'ra wamhã, aihĩni pese ma tô tãma tapẽ'ẽwara za'ra ni.

Zozué 10:40

Ãne ma tô Zozué hã uburé ti'a norĩ ãmamhã ai'uté za'ra, ẽtẽ ãma apito norĩ 're ihâimana za'ra mono ãmamhã, duré hâiwa nhimire niwĩ norĩ ãmamhã, romharé norĩ ãmamhã, duré ẽtẽ zahâpâm na'rata norĩ ãmamhã. Ni'wa te te rẽme õ di. Uburé pese ma tô uprosi pese a'uwẽ hã, Uburé Danhib'apito, Izaraéu nhihudu norĩ te, 'Re ihâimana u'âsi mono hã te te tãma i'ru za'ra zéb zarina.

Zozué 10:6

Tawamhã ma tô Gibiã norĩ, Zozuéhé ma Gilga ãma 'ri nhoré u ãne romreme hã tãma sõmri za'ra: — Warẽme za'ra tõ! We aimorĩ ai'aba'ré na, wapawaptob za'ra da, duré wanho'reptu za'ra da! Uburé apito amoreu norĩ hã ẽtẽ ãma 're ihâimana za'ra mono hã ma tô wazada si'rã'õtõ!

Apocalipsi 11:11

Tawamhã si'ubdatõ bâdâ, ãma ineb zahuré zé wãiwa pari, te za 'Re ihâimana u'âsi mono hã ipẽ'ẽzani hã apâ tãma sõmri zahuré, hâiba ré 're neb zahuré da apâ. Taha pari, te za oto hâiwi aima'wara zahuré. Sima'wara zahuré wamhã, te za tãma tapẽ'ẽwara za'ra ni, da te i'madâ'â za'ra norĩ hã.