Luca 1:63 - ꞌRe Ihâimana Uꞌâsi Mono Zadawa Wasuꞌu

⁶³ Tawamhã tinhiptõmo na si, ma tô dama ti'ru, ibaihâ te te tãma âri za'ra da, ti'ra nhisi na te te rob'ui'éré da. Tawamhã wedepo'ore hã ma tô tãma âri ni, isurure hã. Tawamhã ãne ma tô rob'ui'éré: “Zuwã na isisi hã za.” Ãne ma tô tãma waihu'u za'ra. Tawamhã isisãnawã norĩ hã ma te ãma titob'uzu za'ra, tinhisi na te te sisi õ wa.

Luca 1:63 ပူးပေါင်းရင်းမြစ်များ

Provébiu 3:3

Asimizawizé hã, duré dama ai'umnhasizé hã 're rẽme mono õ di za. Te za õne u'â aipẽ'ẽ na asima 're itété u'âsi mo.

Mateu 8:10

Tawamhã Zezusi ãne hã te te wapari wamhã, ma tô ãma titob'uzu, isiwasu'uzém na. Tahawa, isarina idasi'aba'ré norĩ ma, ma tô tãma nharĩ za'ra ãne: — Tô sena wa aima waihu'u za'ra wa'wa. Ã hã te te sina ĩ'umnhasi hã niwa te i'madâ'â õ, Izaraéu nhihudu norĩ nhipti'ai ãma hã. Ta norĩ hã te te ãma siwi wabzu õ di, te te sina ĩ'umnhasizém na hã.

Luca 1:13

Tawamhã te tãma tinha, ãne: — Zacaria, aipahi tõ. 'Re ihâimana u'âsi mono, ma tô aimreme hã wapa, tiwi irowaptẽrẽzém na hã. Aimro te za oto ti'ra. Tawamhã ai'ra aima waptã'ã wamhã, te za isisi, Zuwã na.

Luca 1:60

Tazahã, te ina hã tãma nharĩ za'ra, ãne: — Maze di. Zuwã na, te za tinhisi.