Luca 1:60 - ꞌRe Ihâimana Uꞌâsi Mono Zadawa Wasuꞌu

⁶⁰ Tazahã, te ina hã tãma nharĩ za'ra, ãne: — Maze di. Zuwã na, te za tinhisi.

Luca 1:60 ပူးပေါင်းရင်းမြစ်များ

Mateu 1:25

Tane nherẽ, Zuzé hã te te ãma sima rosa'rata upai õ di, a'â ãma panomro da hã Mariaha ãma, i'ra hã tãma waptã'ã õ ré. Taré te iré pibui wẽ. Tawamhã i'ra tãma waptã'ã wamhã, Zuzé hã ma tô sisi, Zezusi na.

Luca 1:13

Tawamhã te tãma tinha, ãne: — Zacaria, aipahi tõ. 'Re ihâimana u'âsi mono, ma tô aimreme hã wapa, tiwi irowaptẽrẽzém na hã. Aimro te za oto ti'ra. Tawamhã ai'ra aima waptã'ã wamhã, te za isisi, Zuwã na.

Luca 1:61

Tawamhã asa ma te duré ãma tãma hã wa'rãmi ni, ãne: — E mahãta tawamhã imama sisãnawã, ãma isisizéb da hã, isisi na. E Zuwã na hã, ma tô ti'manhisi. Mare di. Imama sisãnawã hã ãma 'manhisi õ di, Zuwã na.

Luca 1:63

Tawamhã tinhiptõmo na si, ma tô dama ti'ru, ibaihâ te te tãma âri za'ra da, ti'ra nhisi na te te rob'ui'éré da. Tawamhã wedepo'ore hã ma tô tãma âri ni, isurure hã. Tawamhã ãne ma tô rob'ui'éré: “Zuwã na isisi hã za.” Ãne ma tô tãma waihu'u za'ra. Tawamhã isisãnawã norĩ hã ma te ãma titob'uzu za'ra, tinhisi na te te sisi õ wa.