Luca 1:6 - ꞌRe Ihâimana Uꞌâsi Mono Zadawa Wasuꞌu

⁶ Zacaria norĩ hã ma tô 're hâimana wẽ zahuré. 'Re ihâimana u'âsi mono nhimiroti te te 're 'madâ'â pese zahuré. Tahawa, tãma wẽ zahuré di, 'Re ihâimana u'âsi mono ma.

Luca 1:6 ပူးပေါင်းရင်းမြစ်များ

Zenezi 17:1

Tawamhã Abrãhã ãma 99 na iwahub ãma, ma tô Uburé Danhib'apito tãma sihâi'ré. Tahawa, ma tô ãne tãma tinha: — Wa hã 'Re ihâimana u'âsi mono, ĩwaihu'u pese uptabi. Aipẽ'ẽ na te za ĩ'ãmap si 're aimo. Te za duré ĩmreme 're iwapari pese mo.

Zenezi 6:9

à hã Nowéhé wasu'u. Ta hã ãne si'ubdatõ i'ra norĩ nhisi mama na ma tô 're hâimana: Sẽ, Cã, Zafé. Nowé, sena na i'uwaibaba na si, duré õne u'â 'Re ihâimana u'âsi mono mreme te te 're iwapari pese mono na si ma tô 're hâimana. Duré isiré 're idahâimana za'ra mono norĩ nhimi'manharĩ siwaprã, ma tô siwaprosi 'Re ihâimana u'âsi mono ãma si 're mo.

Zenezi 7:1

Tawamhã Uburé Danhib'apito te Nowéhé ma tinha ãne: — Te za oto uba're wa aimro me, ai'ra si'aibâ norĩ me duré asani aba norĩ me uburé asisisi 'wa. E marĩ wa. Aiwétési te i'uwaibaba na si 're aimo, ti'ai ãma asiré 're ihâimana za'ra mono norĩ upana.

Salmu 119:6

'Re ĩnhimipari pese mono na, uburé asimiroti te 're wapari pese mono wamhã, niwamhã 're ĩnhisé mono da hã mare di.

Luca 1:7

Tane nherẽ, 'ra zahuré õ di. Izabé hã 'ra waihu'u õ wa, ma tô 'ra ãna si'ihi zahuré.

Luca 16:15

Tahawa, te Zezusi hã tãma nharĩ za'ra, ãne: — A norĩ wa'wa hã aiwẽ newa, te ai'ãma 're dawata za'ra wa'wa. Tazahã asimirosa'rata 'wa hã, 'Re ihâimana u'âsi mono ma, waihu'u pese di. Ãté, marĩ na te za dasima ãma 're dawata za'ra, iwẽ newa. Tazahã tãma wẽ õ wamhã, te za te te 're awẽ'õ, 'Re ihâimana u'âsi mono hã.

Luca 2:25

Tawamhã aibâ hã te 're sãmra Zeruzalẽ ãma, Simiã na isisi hã. Wẽ na te 're mo, Simiã hã. 'Re ihâimana u'âsi mono nhimiroti hã te te 're 'madâ'â pese. Danho'reptui'wa zô, te 're simipari u'âsi, Izaraéu nhihudu norĩ te te sõ'reptu za'ra da.

Zezusihi zadawa wasuꞌuꞌwa norĩ nhimiromhuri na robꞌuiꞌéré 2:25

Tahawa, wahi'rada Dawi hã ma tô Zezusi wasu'u duréihã, ãne: “Wanhib'apito, te ĩnho're 're hâimana u'âsi. Ta hã ĩnhimire niwĩ 're hâimana u'âsi mono wa, marĩ mono ipipa ma hã 're ĩpahi mono õ di za.

Zezusihi zadawa wasuꞌuꞌwa norĩ nhimiromhuri na robꞌuiꞌéré 23:1

Tawamhã zudeu norĩ ma roti'wa norĩ tẽme, te rob'madâ'â pese, Paulu hã. Tahawa te tãma nharĩ za'ra, ãne: — Wasiré Izaraéu nhihudu norĩ, wa hã wa tô 're ĩsi'madâ'â u'âsi, 're ĩmorĩ wẽ u'âsi da, 'Re ihâimana u'âsi mono nho'a. Tahawa, ĩpẽ'ẽ wapu na wa 'râwi ĩsi'remhã 're ĩsi'madâ'â u'âsi.

Zezusihi zadawa wasuꞌuꞌwa norĩ nhimiromhuri na robꞌuiꞌéré 24:16

Tahawa, iwẽ hã te 'manharĩ tõ da hã, ĩwa'a õ di, ĩpẽ'ẽ wapu na 're ĩsi'madâ'â u'âsi mono da si, 'Re ihâimana u'âsi mono nho'a, duré danho'a zama.

Zezusihi zadawa wasuꞌuꞌwa norĩ nhimiromhuri na robꞌuiꞌéré 8:21

'Re ihâimana u'âsi mono, ma tô aiwaihu'u, asima asimirosa'rata wasété na. Tahawa, a hã wanhimiromhuri zarina, romhuri waihu'u õ di za, ta hã atei õ wa.

Roma 8:4

Ãne ma tô 'Re ihâimana u'âsi mono hã 'manha, isimiroti na rob'ui'éré hã wa te wasina 're i'uwaimrami za'ra mono zéb da hã, Ipẽ'ẽzani, wa te 're i'madâ'â pese za'ra mono zéb zarina, wapẽ'ẽ 're wanhimirosa'rata wasété na 're wahâimana za'ra mono õ wamhã.

1 Corĩtu 11:2

A norĩ wa'wa hã te oto ĩ'ãma 're aipo're pu'u u'âsi za'ra wa'aba mo, 're ĩhâimana mono zém na hã, duré uburé te aima ãma 're irowasu'u za'ra wa'aba mono zém na zama. Isazei'wa norĩ 're ihâimana za'ra mono zém na roti hã da te ĩma 're iwaihu'u za'ra mono zéb zarina, te oto 're anomro u'âsi aba mo, te aima ãma 're iroti za'ra wa'aba mono zéb zarina si. Tahawa, wa ai'ãma 're ĩwata u'âsi za'ra wa'wa.

2 Corĩtu 1:12

Ni'wam norĩ hã asiré 're hâimana za'ra wa'aba mono nherẽ, ma tô wahâimana nhipese na hã wa'ãma siwi tihi. Tane nherẽ, senai õ di ta hã. Wa norĩ hã 'râwi wapẽ'ẽ na 're wasiwẽ'õ mono õ di. E marĩ wa. Marĩ hã wa te ai'ãma 're 'manharĩ za'ra wa'aba mono õ wa, 're iwahâimana wẽ u'âsi mono zarina. Pi'uriwi aiwi 're wahâimana za'ra wa'aba mono õ di. Marĩ iwẽ si, wa tô wa te aima 're 'manharĩ za'ra wa'wa. Ti'ai ãma isazei'õ'wa norĩ nhimirowaihu'u pese zarina, 're wahâimana mono õ di. 'Re ihâimana u'âsi mono nhimizawi pese zéb zarina si, wa ãne na hã 're wahâimana oto.

Filipu 2:15

Ãne na te za tô 're aihâimana wẽ za'ra wa'aba mo, aiwasédé hã sena na da te ai'ãma 're sa'ra wa'aba mono tõ da, duré marĩ 're 'manharĩ wasété za'ra wa'aba mono õ wa, aiwẽ na 're anomro aba mono da. A norĩ wa'wa hã 'Re ihâimana u'âsi mono 'ra, 're i'anomro wẽ wa'aba mono norĩ hã, wasété uptabi na 're ihâimana za'ra mono norĩ wazari, duré tiwasété na 're isiwamnarĩ pese za'ra mono norĩ wazari, 're aihâimana za'ra wa'aba mono nherẽ, te za dama 're irowa'a za'ra wa'aba mo, 're anomro wẽ wa'aba mono zém na, wasi hã hâiwa na te te dama 're irowa'a za'ra mono ne.

Colosu 1:22

Tane nherẽ, i'ra hã dasiré a'uwẽ hâiba na dazada idâ'âzéb zarina, te oto ai'ãma 're siwadi za'ra wa'wa, romhutu'õmhã sisõ're te te asõré wa'aba da, aiwasédé hã da te ai'ãma sa'ra waihu'u aba õ wa za tamemhã oto, Cristu hã tidâ'âzém na aiwasédé te te aima 're i'apari aba mono zéb zarina.

1 Tesalonita 3:13

Tawamhã taha na te za te te 're aipawaptob u'âsi za'ra wa'wa, aihâimana nhiptete za'ra wa'aba sina, iwẽ uptabi na si ãma 're anomro aba mono da. Tawamhã Wanhib'apito Zezusi hã, uburé tinhib'a'uwẽ norĩ me, wei wazô si'aba'réi wapsi, asi'wa'rutu za'ra wa'aba ãna te za isõ'a aimasa wa'wa, Wamama 'Re ihâimana u'âsi mono nho'a.

2 Pedru 3:14

Tahawa, ĩsiwadi norĩ, ĩma asawi pese za'ra wa'aba norĩ hã, rowẽ zô 're asimipari za'ra wa'aba mono sina, te za sada 're asiptete za'ra wa'aba mo, aihâimana wẽ na 're aihâimana za'ra wa'aba mono da, 'Re ihâimana u'âsi mono hã aihâimana wẽ uptabi na, te te 're aiwaihu'u za'ra wa'aba mono da, rowẽ u'âsi ãma 're anomro aba mono da.

1 Zuwã 2:29

Cristu hã 're imorĩ wẽ uptabi na hã aima waihu'u pese za'ra wa'aba di oto, marĩ na 're isiwasété mono õ na hã. Tahawa, ni'wam norĩ hã 'Re ihâimana u'âsi mono te te dama 're i'apisutu mono zéb zarina si 're nomro wẽ mono wamhã, tawapsi te za oto iwaihu'u za'ra wa'wa, ta norĩ hã 'Re ihâimana u'âsi mono nhib'a'uwẽ, sena na 're inomro mono na hã.

1 Zuwã 2:3

E niha, wa za tawamhã wasina waihu'u pese za'ra ni, 'râwi isiré 're iwahâimana za'ra mono na hã. 'Re ihâimana u'âsi mono nhimiroti hã wa te 're 'madâ'â pese za'ra mono wapsi, wa za wasina wa te 're waihu'u za'ra, 'râwi isiré 're iwahâimana za'ra mono na.

1 Zuwã 3:7

Ĩ'ra norĩ, dahâimana wasété na 're idanomro mono na, da'ãma 're sasõmri za'ra wa'aba mono õ di za, danhimiroti senai'õ na dama 're ihâimana za'ra mono na zama. Ma'ãpé 'râwi asina 're asõpré pese aba mono. Ni'wam norĩ hã 're nomro wẽ mono wamhã, 'Re ihâimana u'âsi mono nhimiroti na sima ãma 're sipa za'ra mono õ wamhã, ta norĩ si hã 're hâimana wẽ za'ra mono di, Cristu hã 're imorĩ ne.