Luca 1:59 - ꞌRe Ihâimana Uꞌâsi Mono Zadawa Wasuꞌu

⁵⁹ Tawamhã bâdâ hã iwaptã'ãzém na hã, 7 na ma tô ãma ai'utõ. Tahawa, awẽm na ma oto sihâiwata nhizâri ni. 'Re ihâimana u'âsi mono nhib'a'uwẽ 're morĩ da, ipibui pese zéb da, ma sihâiwata nhizâri ni. Tawamhã imama nhisi na, te aré sisi za'ra ai'uté hã, Zacaria na, isisãnawã norĩ hã.

Luca 1:59 ပူးပေါင်းရင်းမြစ်များ

Zenezi 17:12

Tahawa ã hawim haré te za oto uburé 'watébrémi na ai'uté 're ipoto za'ra mono ãma 8 na bâdâ ipotozém na ãma 're isi'utõrĩ za'ra mono ãma 're i'anhihâiwata nhihâri mo. Asõrõwa 're, 're ipoto za'ra mono pawa'âbâ ãna aima romhuri'wa norĩ, asiré a'uwẽ'õ norĩ wi i'uipra za'ra norĩ zama te za 're i'anhihâiwata nhihâri mo.

Luca 2:21

Romhuri misi ãma si'utõrĩ pari, ai'uté iwaptã'ãzém na hã, ma tô oto sihâiwata nhizâri ni. Ma tô duré sisi zahuré ina norĩ hã, Zezusi na. Ã hã isisi hã waptã'ã õ ré, hâiwa ãma romhuri'wa te te tãma iwaihu'uzéb zarina, ma sisi zahuré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 7:8

— Te duré tãma roti, ãne: “Te za 're asisihâiwata nhihâri za'ra wa'aba mo, ĩzazei'wa na aipibui pese aba zéb da hã.” Ãne ma tô tãma roti. Tahawa, Izaqui hã waptã'ã wamhã, ma tô sihâiwata nhizâ, imama hã, Abra'ã hã. 8 na ãma mara wapsi, ma tô sihâiwata nhizâ. Izaqui hã ma duré ti'ra hã sihâiwata nhizâ, Zaco hã. Zaco hã isarina ma duré ti'ra hã te te 're anhihâiwata nhihâri, poto sidâpâsi, 12 na ihâiba norĩ hã. Ta norĩ hã Zacoho 'ra norĩ hã, wahi'rata na'rata uptabi.

Filipu 3:5

E marĩ wa. Ĩwaptã'ãzém na 8 na bâdâ hã ĩ'ãma ne parimhã, ma tô ĩnhihâiwata nhizâri ni, zudeu norĩ 're ihâimana za'ra mono zéb zarina. Wa hã Izaraéu nhihudu 're ĩhâimana mono. Duré i'ra Bẽzamihĩ nhihudu 're ĩhâimana mono. Wa hã duré hebreu uptabi. E marĩ wa. Ĩhi'rata norĩ hã uburé hebreu uptabi 're hâimana za'ra mono wa, da te 're wa'ru za'ra mono ãna. Duré farizeu na dame 're ĩhâimana mono wa, wa tô 'Re ihâimana u'âsi mono nhimiroti 'rada hã te 're 'madâ'â pese, Mozési te te ãma irob'ui'éré hã, isimiroti na hã.