Luca 1:50 - ꞌRe Ihâimana Uꞌâsi Mono Zadawa Wasuꞌu

⁵⁰ Imreme, da te 're 'madâ'â pese za'ra mono wamhã, te za da'ãma 're pẽ'ẽzé u'âsi. Õne u'âsi.

Luca 1:50 ပူးပေါင်းရင်းမြစ်များ

Zenezi 17:7

Ĩnhimiropisutuzé õne u'â aima 're hâimana mono da, duré asihudu norĩ ma zama õne u'â tãma 're hâimana za'ra mono da zama wa aima 'manha ãne: Õne u'â, ate 'Re ihâimana u'âsi mono na, duré asihudu norĩ te 'Re ihâimana u'âsi mono na, wa za tãma 're ĩhâimana za'ra.

Salmu 103:11

Hâiwa, ti'a nhisiwi romhâ uptabi na 're isa'wari mono ne, te isimizawizé hã sa'ẽtẽ na 're hâimana, te te 're iwazéb za'ra mono norĩ ãma hã.

Salmu 118:4

Uburé Danhib'apito, uburé asiwi 're iwazéb za'ra wa'aba mono norĩ, ma'ãpé a norĩ wa'aba zama 're nharĩ za'ra wa'aba mono, ãne: “Asimizawizé hã te õne u'â 're hâimana!”

Ezodu 20:6

Tane nherẽ, wa hã te te 're ĩzawi pese za'ra mono norĩ ma hã, duré ĩnhimiroti te te 're iwapari pese za'ra mono norĩ ma hã, wa iwẽ na hã tãma 're ĩhâimana za'ra. Duré ta norĩ u'âbâ isihudu mono sidâpâsi, wa iwẽ hã te tãma 're 'manharĩ u'âsi za'ra.

Apocalipsi 19:5

Tawamhã danhib'apito simasisizém hawi te ni'wa hã tinha, ãne: — Ma'ãpé, Wanhib'apito 'Re ihâimana u'âsi mono ãma si 're aiwata u'âsi za'ra wa'aba mono, uburé isib'a'uwẽ norĩ hã, duré dama aipire za'ra wa'aba norĩ hã, duré dama aiwapu na 're i'aihâimana za'ra wa'aba norĩ hã, duré uburé 'Re ihâimana u'âsi mono 're ihâimana wazéb za'ra wa'aba mono norĩ zama hã.