Luca 1:37 - ꞌRe Ihâimana Uꞌâsi Mono Zadawa Wasuꞌu

³⁷ Uburé marĩ hã tãma waihu'u pese di, 'Re ihâimana u'âsi mono ma. Tahawa, ma tô tiwasã.

Luca 1:37 ပူးပေါင်းရင်းမြစ်များ

Zenezi 18:14

E Uburé Danhib'apito ma, marĩ hã ĩma waihu'u prã pâ. Uburé marĩ hã ĩma waihu'u pese di. Tahawa, te inharĩzéb zarina wahup tém na wa za we atẽme mo apâ. Tawamhã taha na te za i'ra hã tãma podo, Saraha ma.

Mateu 19:26

Tawamhã Zezusi hã te 'madâ'â pese za'ra, tisiré 're inomro mono norĩ hã. Tawamhã te te 'madâ'â pese za'ra wamhã, te duré asa tãma nharĩ za'ra, ãne: — Dasi'uihâ na danho'reptuzé hã da te dasina 're uwaimrami za'ra mono õ di za. Dama hã waihu'u õ di. 'Re ihâimana u'âsi mono si siminho'reptu waihu'u pese di. Taha ma si waihu'u pese di, uburé marĩ te te 're i'ab'manharĩ mono zéb da hã.

Marcu 10:27

Tawamhã Zezusi hã te 'madâ'â za'ra. Ãne ma tô tãma waihu'u za'ra: — Dasi'uihâ na danho'reptuzé hã, da te dasina 're uwaimrami za'ra mono õ di za. Dama waihu'u õ di. 'Re ihâimana u'âsi mono si siminho'reptu waihu'u pese di. Taha ma si, uburé marĩ hã 'manharĩ waihu'u pese uptabi di.

Luca 1:36

Te duré tãma tinha, ãne: — Ana wapté hã wa za duré aima wasu'u, Izabé hã. Si'ihi uptabi nherẽ, ma tô tiwasã. 'Ra waihu'u õ na, ma tô aré da te 're wasu'u za'ra. Tazahã, wasã ré sãmra ré hã, 6 na ma tô oto ãma ai'utõ, a'amo hã.

Luca 1:38

Tawamhã Maria te asa tãma tinha, ãne: — Wa hã, Wanhib'apito ma, romhuri'wa. Ta hã te te ĩma pisutu wa, wa tô ĩsima wẽ, imreme hã. Tawamhã te te tãma rowasu'u pari, ma tô oto mo apâ hâiwa u, romhuri'wa hã.

Luca 18:27

Tawamhã Zezusi hã ma tô asa tãma nharĩ za'ra, ãne: — Dasi'uihâ na danho'reptuzé hã da te dasina 're uwaimrami za'ra mono õ di za. Dama waihu'u õ di. 'Re ihâimana u'âsi mono si siminho'reptu waihu'u pese di.

Filipu 3:21

Taha si te uburé marĩ hã tiwaihu'u pese na te te 're ab'madâ'â, siptete uptabi wa. Tahawa, tiwaihu'u pese na te za wahâiba itém na wama ãma saprĩ za'ra, wahâiba isib'uware ré 're iwanomro 'rata mono zém hawi, isi'utõrĩ pese hawimhã. Tawamhã wahâiba itéb ré, Cristuhu hâiba ne iwẽ uptabi ré, wa za oto 're wahâimana u'âsi za'ra, i'rata.