Luca 1:36 - ꞌRe Ihâimana Uꞌâsi Mono Zadawa Wasuꞌu

³⁶ Te duré tãma tinha, ãne: — Ana wapté hã wa za duré aima wasu'u, Izabé hã. Si'ihi uptabi nherẽ, ma tô tiwasã. 'Ra waihu'u õ na, ma tô aré da te 're wasu'u za'ra. Tazahã, wasã ré sãmra ré hã, 6 na ma tô oto ãma ai'utõ, a'amo hã.

Luca 1:36 ပူးပေါင်းရင်းမြစ်များ

Zenezi 11:30

Tawamhã Sara'i hã te 'ra waihu'u ãna 're hâimana, 'razé wasété wa.

Zenezi 16:1

Tawamhã Sara'i, Abrãhã mro te zahadu timro ma, 'ra ãna 're hâimana. Tawamhã Sara'ihi ma, romhuri'wa te Aga na isisi tãma 're 'maihâimana, ezipsiu norĩ nhipi'õ hã.

Zenezi 18:11

Abra'ã norĩ Saraha me hã hâiba prédub zahuré di oto. Tahawa Saraha 'razéb da, ãma iwahu hã ma tô oto sa're.

Zenezi 21:2

Tahawa ma oto tiwasã, Abra'ã si'ihi nherẽ. Ma i'ra hã tãma tisõ. Tawamhã 'Re ihâimana u'âsi mono, bâdâ te te tãma ipisutuzéb zarina, ma tô i'ra si'aibâ hã tãma waptãrã.

Luca 1:35

Tawamhã asa te duré tãma tinha, ãne: — 'Re ihâimana u'âsi mono, te za we aipawapto, tiwaihu'u pese na aiwasã da, ai'ra da. Taha da, te za Tipẽ'ẽzani hã we atẽme satõ. Tahawa, 'Re ihâimana u'âsi mono 'ra na, te za ai'ra hã da te 're sisi za'ra.

Luca 1:37

Uburé marĩ hã tãma waihu'u pese di, 'Re ihâimana u'âsi mono ma. Tahawa, ma tô tiwasã.

Luca 1:5

Erodi hã zudeu norĩ nhipti'ai 're, apito na 're hâimana mono ré hã, aibâ hã te 're hâimana, Zacaria na isisi hã. Zacaria hã sasedoti, 'Re ihâimana u'âsi mono ma da'ãma romhuri'wa. Abiasihi nhihudu norĩ me, te te tãma 're romhuri za'ra. Imro nhisi hã, Izabé na. Izabéhé hi'rada hã, Arã na isisi hã. 'Re ihâimana u'âsi mono ma, da'ãma romhuri'wa, Arã hã.

Hebreu 11:11

Abra'ã hã 'Re ihâimana u'âsi mono si te te sina 're i'umnhasi mono zéb zarina, ma tô duré i'ra hã tãma podo, si'ihi pese nherẽ, duré imro hã Sara hã préduptéb ré, 'ra waihu'u õ nherẽ. 'Re ihâimana u'âsi mono te te tãma iropisutuzém na te te ãma sazei pese wa, ma tô i'ra hã tãma podo tô.