Luca 1:29 - ꞌRe Ihâimana Uꞌâsi Mono Zadawa Wasuꞌu

²⁹ Tane nherẽ, Maria hã te te waihu'u õ di, isimirowasu'u hã. Tahawa, te tipẽ'ẽ na hã, sima tinha, ãne: — E niha bâ, te õne ĩma tinha.

Luca 1:29 ပူးပေါင်းရင်းမြစ်များ

Mateu 16:7

Tawamhã isiré 're inomro mono norĩ hã ma tô sima nharĩ za'ra, ãne: — Ãté õ hã i'u'ẽtẽ wapu hã wa te wei wasiré 'mai'âri za'ra õ wa, ma tô ãne wama nharĩ za'ra.

Luca 1:12

Tawamhã te te sãmri wamhã, ma tãma pẽ'ẽwara, Zacaria hã. Te te rosa'rata waihu'u õ di.

Luca 1:28

Tawamhã ma tô we itẽme wi, Mariaha u, hâiwa ãma romhuri'wa hã. Itẽme wisi wamhã, te tãma tinha, ãne: — Maria, rowẽ na 're aihâimana mono. 'Re ihâimana u'âsi mono, ma tô aiwẽsã, Wanhib'apito hã. Tahawa, te za aima tinhopru, iwẽ uptabi na.

Luca 1:66

Tawamhã da te wapari za'ra wamhã, iwasu'u hã wẽ wa, te ãma rosa'rata u'âsi za'ra ni. Te duré ãma tasisadanharĩ za'ra ni, ãne: — Prédu wamhã, e marĩ na te za 're hâimana, 'watébrémi hã. — Ãne te dasima nharĩ za'ra ni, iwẽ na te te sada 'manharĩ wa, Zuwãhã zada, 'Re ihâimana u'âsi mono hã.

Luca 2:19

Taha wamhã, duré Maria te isimirowasu'u za'ra na tipẽ'ẽ na hã te te 're rosa'rata u'âsi.

Luca 2:51

Tawamhã Zezusi te ime timorĩ zahuré apâ, Nazaré u. Tame timama norĩ mreme, te te 're wapari pese. Ina hã i'ra tãma isiwasu'uzéb zahuré na, te te 're rosa'rata u'âsi, tipẽ'ẽ na.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:17

Tawamhã Pedru te zahadu ãma rosa'rata, te te i'madâ'âzém na hã marĩ te te tãma iwasu'u hã te te waihu'u õ wa. Te te ãma rosa'rata ré, Coneliu te te isatõrĩ za'ra norĩ hã ma tô aihutu, 'ri nho'õmo u. Tawamhã Simahã nhorõwa zô ma tô dazadanharĩ za'ra. Ãhã wa, te 'ridawa aimasa oto.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:4

Tawamhã tãma pẽ'ẽwara nherẽ, te te 'madâ'â pese sina, ma sada'â, ãne asa: — E marĩ na te we ĩ'mahâ. Tawamhã asa te tãma tinha, hâiwa ãma romhuri'wa hã: — 'Re ihâimana u'âsi mono hã ma tô te te 're aiwapari ze, tiwi 're irowaptẽrẽ mono zém na hã. Duré da'ãma 're aiwãrĩ pese mono na zama ma tô aiwaihu'u. Tahawa, te ai'ãma 're po're pu'u u'âsi.