Luca 1:25 - ꞌRe Ihâimana Uꞌâsi Mono Zadawa Wasuꞌu

²⁵ Tawamhã te sima tinha, ãne: — Ãhã na ma tô Wanhib'apito hã ĩpawapto. Da te oto ĩma 're nharĩ za'ra mono õ di za, ĩ'ra õ na hã.

Luca 1:25 ပူးပေါင်းရင်းမြစ်များ

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Luca 1:13

Tawamhã te tãma tinha, ãne: — Zacaria, aipahi tõ. 'Re ihâimana u'âsi mono, ma tô aimreme hã wapa, tiwi irowaptẽrẽzém na hã. Aimro te za oto ti'ra. Tawamhã ai'ra aima waptã'ã wamhã, te za isisi, Zuwã na.

Luca 1:24

Suru na ãma ronomro wi, ma tô tiwasã, Izabé hã. Tawamhã a'amo imrotõ na ãma isi'utõrĩzém na hã watobro õ di, tinhorõwa hawimhã.

Hebreu 11:11

Abra'ã hã 'Re ihâimana u'âsi mono si te te sina 're i'umnhasi mono zéb zarina, ma tô duré i'ra hã tãma podo, si'ihi pese nherẽ, duré imro hã Sara hã préduptéb ré, 'ra waihu'u õ nherẽ. 'Re ihâimana u'âsi mono te te tãma iropisutuzém na te te ãma sazei pese wa, ma tô i'ra hã tãma podo tô.

Zuize 11:37

Te duré tawamhã zahadu tãma tinha ãne: — Misi tiha hã wa za aiwi waptẽ ãne: Ma'ãpé ĩsiwaihu'u norĩ me, ẽtẽ 'rãihâ norĩ u ĩmorĩ da hã ĩma rowairébé, tame maparane a'amo na ĩsiwa'õ sina a'â ĩhâimana da. E tihai wa. Niwamhã za dana na hã ĩhâimana õ wa.

1 Samuéu 1:6

Tawamhã Penina ma tô nasi ãma tinhitob'ru. Duré ma tô nasi ãma tito, Ãnahã ãma. Tahawa, ma tô nasi ãma sisém no, nasi ãma itozém na hã. E marĩ wa. Zahadu Uburé Danhib'apito hã te te tãma pisutu õ wa, i'ra da hã. Tane nherẽ te nasi tô ãma tito.