Luca 1:20 - ꞌRe Ihâimana Uꞌâsi Mono Zadawa Wasuꞌu

²⁰ Tazahã, ĩnhimirowasu'u na ĩzazei õ di, sena na. Tahawa, te za aima rob'manha 'Re ihâimana u'âsi mono hã, aimreme õ na, ai'ra hã iwaptã'ãzéb u. Ai'ra waptã'ã wapsi, te za apâ aima tisõ, aimreme hã.

Luca 1:20 ပူးပေါင်းရင်းမြစ်များ

Ezodu 4:11

Tawamhã Uburé Danhib'apito, te ãne tãma tinha: — E 'wa hã ma tô dazadawa ãma 're idamreme zusi mono zéb da hã te te dama 're ab'manharĩ. E 'wa hã dapo'reptõ 'manharĩ'wa, dapo're 're pu'u ãna iré 're idahâimana za'ra mono da hã. E 'wa hã duré damreme'õ 'manhari'wa, damreme õ na 're danomro mono da hã. E 'wa hã datõmo 'manharĩ'wa, da te ãma 're irob'madâ'â za'ra mono zéb da hã. Duré e 'wa hã datõmo wamnarĩ'wa, datob'a na 're danomro mono da hã iré. Wa hã, Uburé Danhib'apito.

Daniéu 10:15

Ãne na te te ĩma nharĩ ré, wa tô ari'iwi ĩhâiba. Ti'ai u si wa tô rob'madâ'â pese.

Marcu 16:14

Tawamhã Zezusi hã tisiré 're inomro mono norĩ u ma duré wi, sai ma, si'ubumroi ré, 11 na ihâiba za'ra u. Tawamhã timreme ma tô tãma pẽtẽ za'ra, siwi isabui'wa norĩ nhimirowasu'u hã te te saze za'ra õ wa, apâ ihâiwa'utuzém na da te iwasu'u na hã.

Marcu 9:19

Tawamhã aibâ mreme te te wapari wamhã, ma tô tisiré 're inomro mono norĩ ma tinha, ãne: — E niha bété ai'rata za'ra wa'aba 're ĩnhamra u'âsi mono nherẽ, asina 're ĩ'umnhasi za'ra wa'aba mono õ di bété, te 're i'aipawaptob za'ra wa'aba mono zéb da hã. E ĩpẽ'ẽzé u'âsi, wa za asiré za'ra wa'aba hã 're mo, asina 're ĩ'umnhasi za'ra wa'aba mono õ wa. Ma'ãpé, ai'repudu hã we ĩtẽme asiwi saprõni aba.

Luca 1:19

Tawamhã te duré asa tãma tinha, ãne: — Wa hã Gabriéu, 'Re ihâimana u'âsi mono ma romhuri'wa. Ta hã ma tô we ĩzatõ, rowasu'uwẽ hã te aima wasu'u da.

Luca 1:21

Zahadu te rowi sô mapari za'ra ni, Zacariaha zô. Sô danhimipari za'ra wamhã, ma ãma tatob'uzu za'ra ni, sô irowaptâ'âzém na hã, 'ri para.

Luca 1:22

Tawamhã Zacaria hã ma tô oto datẽme watobro, rob u. Watobro wamhã, mreme waihu'u õ di. Tahawa, te dasima nharĩ za'ra ni, ãne: — Marĩ hã ma tô sõ'awi sabu Zacaria hã, sõtõ 'rowim ne. Tawamhã mreme waihu'u õ wa, ma tô tinhiptõmo na si dama rowasu'u.

Luca 1:45

A hã aima rowẽ di. E tihai wa. Wanhib'apito hã te te aima inharĩzém na ãma sazei wa, sena na. Tahawa, aima rowẽ di.

Luca 1:64

Tawamhã ti'ra nhisi na te te rob'ui'éré pari, ma oto mreme watobro apâ, Zacaria hã. Tawamhã 'Re ihâimana u'âsi mono ãma te tiwata, sõpru wa.

Roma 3:3

Tane nherẽ, ni'wam norĩ hã zudeu norĩ hã 'Re ihâimana u'âsi mono nhimiroti zarina 're inomro mono na hã te te tãma ãma 're uwaimrami za'ra mono õ di. E tawamhã 'Re ihâimana u'âsi mono hã asa te te tãma ãma 're uwaimrami za'ra mono õ di za, uburé marĩ na te te tãma ãma 're iropisutu za'ra mono zéb zarina.

2 Timotiu 2:13

Wa norĩ hã Cristu hã wa te 're saze za'ra mono nherẽ, tiwi 're wasipizari za'ra mono nherẽ, te tô wama umnhasi u'âsi na 're hâimana, marĩ na te te taré dama ãma 're aropisutu mono õ wa.”

Titu 1:2

'Re ihâimana u'âsi mono hã sadawa nhipese õ di. Marĩ te te apoto mono õ ré, ma tô tizazei'wa norĩ ãma sima roti siro, rowẽ isi'utõrĩ'õ ãma i'rata 're hâimana u'âsi za'ra mono da. Taha zô si, wa wasina 're wanhimipari u'âsi za'ra.

Hebreu 6:18

'Re ihâimana u'âsi mono hã sadawa nhipese waihu'u õ di. Tahawa, te te dama iropisutuzé hã te te ãma saprĩ waihu'u õ di. Tinhisi pire na te te dama iropisutuzém na hã te te ãma saprĩ waihu'u õ di duré. Tahawa, wa norĩ hã 'Re ihâimana u'âsi mono, wa'ãma 're sisaprĩ za'ra mono da, itẽme 're iwasisa'rei mono norĩ hã wa za oto wato sina 're wahâimana za'ra, iwẽ uptabi zô wasina 're iwanhimipari u'âsi za'ra mono zé hã, wanhiptete sina wa te wasima 're tété u'âsi za'ra mono da, 'Re ihâimana u'âsi mono te te wama ipisutu za'ra zé hã.

Apocalipsi 3:19

Wa hã te 're i'azawi pese mono norĩ hã wa tô te tãma 're aroti pese, tiwasété na 're sisãmri za'ra mono da. Wa duré te 're hâ za'ra, apâ 're nomro wẽ mono da. Tahawa, te za aiwasété wi aipizari za'ra wa'wa, sena na ĩ'ãma 're anomro u'âsi aba mono da oto.