Luca 1:19 - ꞌRe Ihâimana Uꞌâsi Mono Zadawa Wasuꞌu

¹⁹ Tawamhã te duré asa tãma tinha, ãne: — Wa hã Gabriéu, 'Re ihâimana u'âsi mono ma romhuri'wa. Ta hã ma tô we ĩzatõ, rowasu'uwẽ hã te aima wasu'u da.

Luca 1:19 ပူးပေါင်းရင်းမြစ်များ

Daniéu 8:16

A'uwẽ mreme na panho'u Ulai na isisi hawi we ni'wa te te i'mahârâ, wa tô wapa, ãne: — Gabriéu, ma'ãpé ã hã aibâ ma, marĩ te te i'ab'madâ'â mono zém na hã ãma tãma saprĩ na.

Mateu 18:10

— Ãhãta ai'uté norĩ hã te asimro. Ãma 're rosa'rata wasété za'ra wa'aba mono tõ, dama iwapu newa. Tô sena, wa aima rowasu'u za'ra wa'wa. Hâiwa ãma 'Re ihâimana u'âsi mono ma romhuri'wa norĩ hã te ai'uté mono bâ te te 're 'madâ'â pese za'ra, misi si, tite mono bâ. Ta norĩ hã te Ĩmama nho'a te te 're 'madâ'â pese za'ra, hâiwa ãma 're isãmra mono nho'a.

Luca 1:20

Tazahã, ĩnhimirowasu'u na ĩzazei õ di, sena na. Tahawa, te za aima rob'manha 'Re ihâimana u'âsi mono hã, aimreme õ na, ai'ra hã iwaptã'ãzéb u. Ai'ra waptã'ã wapsi, te za apâ aima tisõ, aimreme hã.

Luca 1:26

Tawamhã a'amo imropâ hã Izabéhé ãma oto si'utõrĩ wamhã, iwasã na hã, 'Re ihâimana u'âsi mono ma we duré satõ ti'ai u, Gabriéu hã, hâiwa ãma tãma iromhuri'wa hã. Nazaré u, ma we satõ, pi'õi ubuni ma, te te duré sadawa wasu'u da. Galiléa ãma, Nazaré hã. Pi'õ nhisi hã, Maria na isisi hã. Ta hã, azarudu. Niwapsi, Zuzéhé me te za sina timro zahuré, apito Dawihi nhihudu me.

Luca 2:10

Tawamhã hâiwa ãma romhuri'wa, te tãma nharĩ za'ra, ãne: — Aipahi za'ra wa'aba tõ. Wa hã wa wei mo, rowasu'uwẽ te aima wasu'u za'ra wa'aba da. Rowasu'uwẽ hã da te wapari za'ra wamhã, dama 're rowẽ uptabi za'ra mono di za.

Luca 21:36

Tahawa, te za asimiza'rese sina 're aihâimana u'âsi za'ra wa'aba mo. Te za duré asima 're irowaptẽrẽ u'âsi za'ra wa'aba mo. E marĩ da. Marĩ hã 're wairébé mono wamhã, asiptete na 're aihâimana za'ra wa'aba mono da, apâ we ĩmorĩ wa, ĩnho're asisép te, ai'rãipo tõ za'ra wa'aba da, ti'ai ãma dasiré ĩpoto nho're.

Hebreu 4:14

Sasedoti ipire uptabi na te tô ni'wa hã te te wa'ãma 're romhuri u'âsi. Ta hã Zezusi, 'Re ihâimana u'âsi mono 'ra. Timama u ma tô mo hâiwa u, 'râwi te te tiwi 're rowaptẽrẽ u'âsi mono da, wama za'ra. Tahawa, Zezusi, wa te 're isaze za'ra mono zém na tô sena dama 're iwasiwasu'u za'ra mono zéb zarina, wa za tô ta hawim haré wanhiptete sina ãma 're wahâimana u'âsi za'ra.