Luca 1:15 - ꞌRe Ihâimana Uꞌâsi Mono Zadawa Wasuꞌu

^15-16 Prédu wapsi, isimiroti hã pire di za. Tahawa, te za isimiroti pire na waihu'u, 'Re ihâimana u'âsi mono hã. Uwa 'rãi wa'u isé hã te te 're hâsi mono õ di za, duré âzé hã. Waptã'ã hawim haré, te za 'Re ihâimana u'âsi mono pẽ'ẽzani ré 're mo. Taha si, te za te te 're wapari pese. Tahawa, te za tisiré Izaraéu nhihudu norĩ hã te te 're apawapto tinhimiroti na, 'Re ihâimana u'âsi mono nhimiroti si, da te 're 'madâ'â pese za'ra mono da oto.

Luca 1:15 ပူးပေါင်းရင်းမြစ်များ

Zenezi 12:2

Tawamhã asihudu sidâpâsi ahâ uptabi na 're hâimana za'ra mono da hã, wa hã wa za pisutu, a'uwẽ misi ãma isitom na dama siptete na 're hâimana za'ra mono da. Duré iwẽ uptabi hã wa za te aima 're anhomri u'âsi. Duré uburé dama hã asisi wasu'u za'ẽtẽ di za. Tawamhã iwẽ hã te aima 're i'apisutu mono zéb u'âbâ, te za duré a hã iwẽ na hã 're ida'apawapto mo.

Zenezi 48:19

Tane nherẽ, Zaco te te sima wẽ'õ di. Tahawa te ãne tãma tinha: — Ĩ'ra, ĩma waihu'u pese di tô. Manaséhé nhihudu norĩ zama te za dama pire na 're hâimana za'ra. Tane nherẽ, ino hã te za pire na isipai u tãma 're hâimana. Duré isihudu norĩ hã te za a'uwẽ mono bâ sipu'u pese na 're sitébré ahâ za'ra.

Salmu 22:9

Tane nherẽ, aiwétési ma tô ĩna dub're hawimhã ĩwaze. Ĩna hâ te duré 're wapsõmri mono ré, ma tô 're ĩ'madâ'â wẽ mo.

Luca 1:14

Tawamhã duré iwaptã'ãzé hã te za rowẽ aima sina waze. Te za duré uburé isabâdâ 're dato za'ra.

Luca 7:28

— Uburé iwana 're inomro mono norĩ hã te te siwi ãma wabzu za'ra õ di Zuwã hã, isimiromhuri pire na hã. Tane nherẽ, 'Re ihâimana u'âsi mono te te 're ida'azawi mono zéb zarina, te te 're ida'apawapto mono zé hã, hâiba ré, te te waihu'u õ di za, Zuwã hã. Ni'wam norĩ si, 'Re ihâimana u'âsi mono nhib'a'uwẽ norĩ si te za te te sina 're waihu'u za'ra, i'uirĩ na. Tahawa, ta norĩ hã te za pire na 're hâimana za'ra, Zuwã Batistaha nhipai u. Duré ni'wam norĩ hã 'Re ihâimana u'âsi mono nhib'a'uwẽ norĩ hã, tisiré norĩ ma, wapu na 're hâimana za'ra mono nherẽ, te za pire na 're hâimana za'ra, Zuwã Batistaha nhipai u, ta norĩ si i'uirĩ na te te sina 're waihu'u za'ra mono wa, 'Re ihâimana u'âsi mono te te 're ida'apawapto mono zé hã.

Luca 7:33

Tane a norĩ wa'wa hã. Zuwã Batista hã te sai ãna nasi aimasisi. Duré uwa 'rãi wa'u isé hã te te 're hâsi mono õ di. Tazahã, ãne 're hâimana mono wa, ma tô tãma 're inharĩ wasété za'ra wa'aba mo, wa'uburé ré 're imorĩ na.

Galata 1:15

Tawamhã bâdâ ma tô oto iwa waptãrã, 'Re ihâimana u'âsi mono ti'ra te te ĩma iwaihu'uzém na, i'ra wasu'uwẽ na si, zudeu'õ norĩ ma, te 're wasu'u mono da. Taha da, ĩpoto õ ré, ma tô sima ĩpisutu siro, 'Re ihâimana u'âsi mono hã. Tahawa, tãma ĩzawi uptabi wa, ma tô oto ĩzô hâ, tãma iromhuri'wa na oto 're ĩhâimana mono da. Tawamhã e 'wa hã wa tô sadawa pibu, ãne zarina te dama 're isadawa wasu'u mono da hã. Mare di. Ni'wa hã ãne na te sadawa pibui õ uptabi di wa hã.

Éfézu 5:18

Âzé na 're asi'rãiwamnarĩ za'ra wa'aba mono õ di za oto, taha zarina siwa'ru 're anomro wasété aba mono tõ da. Wanhib'apito pẽ'ẽzani nhimiwada'uri na si te za oto 're aihâimana za'ra wa'aba mo, robze sina ãma 're anomro aba mono da oto.

Zozué 3:7

Tawamhã Uburé Danhib'apito, te Zozuéhé ma tinha, ãne: — Ã bâtâ na za marĩ te i'manharĩzéb zarina, uburé Izaraéu nhihudu norĩ hã te za siwi aiwaihu'u, aibâ dama i'asa'ẽtẽ na hã. Te za tawamhã duré siwi ĩwaihu'u, Mozésihi siré 're ĩhâimana mono ne, duré asiré zama 're ĩhâimana mono na hã.

Zozué 4:14

Tawamhã taha bâtâ na hã Izaraéu nhihudu norĩ, Zozué aibâ dama isa'ẽtẽ na te te waihu'u za'ra da hã, ma tô Uburé Danhib'apito hã tãma 'manharĩ za'ra. Tahawa Mozési te te siwi 're iwazéb za'ra mono ne, ma tô duré Zozué hã te te siwi 're wazé pese.