Luca 1:14 - ꞌRe Ihâimana Uꞌâsi Mono Zadawa Wasuꞌu

¹⁴ Tawamhã duré iwaptã'ãzé hã te za rowẽ aima sina waze. Te za duré uburé isabâdâ 're dato za'ra.

Luca 1:14 ပူးပေါင်းရင်းမြစ်များ

Zenezi 21:6

Tahawa te Sara tinha ãne: — 'Re ihâimana u'âsi mono, rowẽ te, ĩsihâze ma tô ĩma tisõ. Tahawa, da te wapari za'ra mono wamhã, te za ĩme aihâ za'ra ni, da te dasima rowẽ za'ra wa.

Provébiu 15:20

Da'ra i'rãi waihu'u pe hã te za timama ma, te te ãma tãma 're rowẽ zani. Tane nherẽ, da'ra isimiza'rese'õ hã te za tarére na tina te te 're i'madâ'â mono zarina hã iwazéb õ na 're hâimana.

Provébiu 23:15

Ĩ'ra, ai'rãi waihu'u wẽ na 're aihâimana mono wamhã, ĩma hã 're rowẽ uptabi mono di za.

Provébiu 23:24

Sena na i'uwaibaba na si 're ihâimana mono mama hã te za te te sima ãma 're rowẽ. Te za duré isabâdâ hã te te sima 're romhu'u, 'rã waihu'u wẽ na 're hâimana mono wa.

Luca 1:13

Tawamhã te tãma tinha, ãne: — Zacaria, aipahi tõ. 'Re ihâimana u'âsi mono, ma tô aimreme hã wapa, tiwi irowaptẽrẽzém na hã. Aimro te za oto ti'ra. Tawamhã ai'ra aima waptã'ã wamhã, te za isisi, Zuwã na.

Luca 1:15

Prédu wapsi, isimiroti hã pire di za. Tahawa, te za isimiroti pire na waihu'u, 'Re ihâimana u'âsi mono hã. Uwa 'rãi wa'u isé hã te te 're hâsi mono õ di za, duré âzé hã. Waptã'ã hawim haré, te za 'Re ihâimana u'âsi mono pẽ'ẽzani ré 're mo. Taha si, te za te te 're wapari pese. Tahawa, te za tisiré Izaraéu nhihudu norĩ hã te te 're apawapto tinhimiroti na, 'Re ihâimana u'âsi mono nhimiroti si, da te 're 'madâ'â pese za'ra mono da oto.

Luca 1:58

Poto wamhã, i'rata 're isõrõwa za'ra mono norĩ hã ma tô iwasu'u hã wapari za'ra. Isisãnawã norĩ zama, ma tô iwasu'u hã wapari za'ra, 'Re ihâimana u'âsi mono hã iwẽ te te tãma isõmri na hã. Tahawa, te uburé isabâdâ 're to za'ra.