Luca 1:13 - ꞌRe Ihâimana Uꞌâsi Mono Zadawa Wasuꞌu

¹³ Tawamhã te tãma tinha, ãne: — Zacaria, aipahi tõ. 'Re ihâimana u'âsi mono, ma tô aimreme hã wapa, tiwi irowaptẽrẽzém na hã. Aimro te za oto ti'ra. Tawamhã ai'ra aima waptã'ã wamhã, te za isisi, Zuwã na.

Luca 1:13 ပူးပေါင်းရင်းမြစ်များ

Zenezi 17:10

Ĩnhimiropisutuzé aima, duré asihudu norĩ ma, te i'manharĩzéb zarina, te za uburé ai'reb za'ra wa'aba aibâ norĩ tinhihâiwata nhihârizé te te sima 're 'manharĩ za'ra.

Zenezi 17:19

Tane nherẽ, 'Re ihâimana u'âsi mono, ma te ãne asa ãma tãma wa'rã: — Te inharĩzéb zarina te za tô aimro Sara aima ti'ra. Tawamhã a hã te za isisi, Izaqui na. Tawamhã taha ma, wa za ĩnhimiropisutu zahi isi'utõrĩ'õ õne u'â te tãma 're 'manharĩ, isihudu norĩ ma ropibu ma.

Zenezi 18:14

E Uburé Danhib'apito ma, marĩ hã ĩma waihu'u prã pâ. Uburé marĩ hã ĩma waihu'u pese di. Tahawa, te inharĩzéb zarina wahup tém na wa za we atẽme mo apâ. Tawamhã taha na te za i'ra hã tãma podo, Saraha ma.

Zenezi 25:21

Rebeca hã 'razéb 'ré wa, te 'ra ãna 're hâimana. Tahawa te Izaqui, Uburé Danhib'apito ma ãma mre. Tawamhã Uburé Danhib'apito te te tiwi irowaptẽrẽzém na te te wapari wa, ma tô Rebeca hã oto tiwasã.

Salmu 118:21

'Re ihâimana u'âsi mono, wa ai'ãma hã ĩwata, te ãma aiwi irowaptẽrẽzém na we ãma ĩzada'âbâ wa, duré taha zarina ĩnho'reptui wa.

Daniéu 10:12

Ãne te ĩma tinha: — Daniéu, aipahi tõ. 'Re ihâimana u'âsi mono ma tô aimreme hã wapa, tiwi irowaptẽrẽzé hã, imorĩ'rata na asina tãma ti'awi wa, rowaihu iwẽ hã te te aima isõmri zô, isõ're i'aihâimana hawim haré. Tahawa, tiwi irowaptẽrẽzém na te te ãma i'asada'âbâzéb ré wa tô we atẽme mo.

Mateu 1:21

I'ra hã 'watébrémi na te za tãma podo. Tawamhã Zezusi na te za isisi. Danho'reptui'wa te wasu'u, isisi hã. Taha si te za tinhib'a'uwẽ hã te te 're anho'reptu, iwasété hawi, duré 'Re ihâimana u'âsi mono te te 're idahâ za'ra mono zém hawi.

Mateu 14:27

Ãhã wamhã, awa'awi ma tô Zezusi hã tãma si'mahârâ za'ra, ãne: — Wa hã wa we atẽme ĩmorĩ za'ra wa'wa. Ĩma aipahi za'ra wa'aba õ di za.

Mateu 28:5

Tawamhã hâiwa ãma romhuri'wa hã ma tô tãma nharĩ zahuré, pi'õ norĩ ma, ãne: — Ĩma aipahi wa'aba tõ. Zezusi hã da te dasiwi wĩrĩ wa, wedepo'o nhonhi'rãmi na da te dasiwi isasõmri zô robzabui wa'aba da, te we ane wa'wa. Wa hã wa tô aiwaihu'u 'wa, we sô irobzabui wa'aba mono na hã.

Marcu 16:6

Tawamhã ãne te tãma nharĩ za'ra, pi'õ norĩ ma: — Ĩma aipahi za'ra wa'aba tõ. Zezusi hã Nazaré ãma aré iprédu hã wedepo'o nhonhi'rãmi na, da te dasiwi isasõmri zô robzabu za'ra wa'aba da, te we ai'aba'réi wa'wa. Ãne na, wa tô aiwaihu'u za'ra wa'wa. Ãme hâimana õ di oto. Apâ ma tô hâiwa'udu. Ma'ãpé, inomrozé hã sabu za'ra wa'aba. Robaba di.

Luca 1:14

Tawamhã duré iwaptã'ãzé hã te za rowẽ aima sina waze. Te za duré uburé isabâdâ 're dato za'ra.

Luca 1:30

Tawamhã te duré tãma tinha, hâiwa ãma romhuri'wa hã: — Maria, aipahi tõ. 'Re aimorĩ wẽ na, ma tô 'Re ihâimana u'âsi mono hã aiwẽsã.

Luca 2:21

Romhuri misi ãma si'utõrĩ pari, ai'uté iwaptã'ãzém na hã, ma tô oto sihâiwata nhizâri ni. Ma tô duré sisi zahuré ina norĩ hã, Zezusi na. Ã hã isisi hã waptã'ã õ ré, hâiwa ãma romhuri'wa te te tãma iwaihu'uzéb zarina, ma sisi zahuré.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:31

Tawamhã te ĩma tinha, ãne: “Coneliu, 'Re ihâimana u'âsi mono ma, 're aimreme mono ré, ma tô te te 're aiwapari ze. Duré da'ãma 're aiwãrĩ pese mono na ma tô aiwaihu'u.

Zuize 6:23

Tane nherẽ, Uburé Danhib'apito, ma te ãne duré ãma tãma wa'rã: — Aipahi tõ. Aima rowẽ di za. Duré atâ'â õ di za.

1 Samuéu 2:21

Tawamhã Uburé Danhib'apito hã ma tô duré pawapto iwẽ na, Ãna hã. Tahawa, ma tô si'ubdatõ i'ra si'aibâ tãma tipoto za'ra, duré maparane pi'õ hã. Tawamhã taha ré ma tô 'watébrémi Samuéu hã oto tiprédu, Uburé Danhib'apito ma, te te 're romhuri mono ré.