Luca 1:12 - ꞌRe Ihâimana Uꞌâsi Mono Zadawa Wasuꞌu

¹² Tawamhã te te sãmri wamhã, ma tãma pẽ'ẽwara, Zacaria hã. Te te rosa'rata waihu'u õ di.

Luca 1:12 ပူးပေါင်းရင်းမြစ်များ

Daniéu 10:7

Wa hã Daniéu, ĩsiwaprosi wa tô ã hã 'madâ. Ĩsiré norĩ te te 'madâ'â za'ra õ di. Tane nherẽ, ma tô tãma tipẽ'ẽwara za'ra. Tahawa, ma tô sisa're. Ma tô duré aima'uri za'ra.

Marcu 16:5

Tawamhã ab're 're, sisisi wamhã, ma tô aibâ hã siwi sõpẽtẽ iprédupté hã, uza hâirã ré isãmra hã. Inomrozé nhimire niwĩ te nhamra. Tahawa, pi'õ norĩ hã ma tãma tipẽ'ẽwara za'ra.

Luca 1:29

Tane nherẽ, Maria hã te te waihu'u õ di, isimirowasu'u hã. Tahawa, te tipẽ'ẽ na hã, sima tinha, ãne: — E niha bâ, te õne ĩma tinha.

Zezusihi zadawa wasuꞌuꞌwa norĩ nhimiromhuri na robꞌuiꞌéré 10:4

Tawamhã tãma pẽ'ẽwara nherẽ, te te 'madâ'â pese sina, ma sada'â, ãne asa: — E marĩ na te we ĩ'mahâ. Tawamhã asa te tãma tinha, hâiwa ãma romhuri'wa hã: — 'Re ihâimana u'âsi mono hã ma tô te te 're aiwapari ze, tiwi 're irowaptẽrẽ mono zém na hã. Duré da'ãma 're aiwãrĩ pese mono na zama ma tô aiwaihu'u. Tahawa, te ai'ãma 're po're pu'u u'âsi.

Apocalipsi 1:17

Tawamhã õ hã te 'madâ'â wamhã, wa tô ipapara aime sa'ẽtẽ, ĩdâ'â ne, ĩpahi te. Tane nherẽ, ma tinhib'rata nhimire niwĩ ĩ'upi, ĩpahi tõ da. Ãne te ãhã wamhã ĩma tinha: — Ĩma aipahi tõ. Wa hã romna'rada duré rob'rãsudu.

Zuize 13:22

Tahawa Manoa te timro ma tinha ãne: — Wa za tô wadâ'â ni. E marĩ wa. 'Re ihâimana u'âsi mono hã wa te 'madâ'â wa, watõmo na.

Zuize 6:22

Tawamhã Gidiã Hâiwa ãma Romhuri'wa na te te i'madâ'âzém na hã ma tô waihu'u. Tawamhã pẽ'ẽwara wa, te ãne 're sadari: — Uburé Danhib'apito, ite 'Re ihâimana u'âsi mono! Wa hã wa tô Hâiwa ãma Romhuri'wa hã 'madâ, 'râwi pesere!