à hã ĩwapru, te wasu'u. Rob'rãi wa'u za'wari ne, te za ĩwapru hã ĩwi asa'wa, da'ahâ zada ĩdâ'â wamhã, 'Re ihâimana u'âsi mono hã dawasédé hã te te oto 're ab'madâ'â tõ mono da, da'ãma. à hã ĩwapru, ĩwi sisa'wari wamhã, 'Re ihâimana u'âsi mono hã tinhib'a'uwẽ ma, te te tãma iropisutuzé hã tô sena za te te tãma ãma 're i'uwaimrami mono zé, te wasu'u.
Hebreu 8:8 - ꞌRe Ihâimana Uꞌâsi Mono Zadawa Wasuꞌu8 Tane nherẽ, 'Re ihâimana u'âsi mono hã te te dama iropisutuzéb 'rada hã ma tô 'râwi siwi wẽ'õ. Ãne na ma tô dama ãma rowasu'u, duréihã: “Wa hã Danhib'apito uptabi, wa za oto aima rowasu'u za'ra wa'wa, ãne: Nimahã na hã Izaraéu nhihudu norĩ ma, wa za ĩnhimiroti té hã tãma pisutu za'ra, Zudaha nhihudu norĩ ma zama. အခန်းကိုကြည့်ပါ။ |
Hebreu 8:8
25 ပူးပေါင်းရင်းမြစ်များ
Ãne ma duré tãma sina waihu'u za'ra, Zezusi hã: — Ã hã ĩwapru, te wasu'u. Rob'rãi wa'u za'wari ne, te za ĩwapru hã ĩwi asa'wa, da'ahâ zada ĩdâ'â wamhã. Ã hã ĩwapru hã ĩwi sisa'wari wamhã, 'Re ihâimana u'âsi mono hã tinhib'a'uwẽ ma, te te tãma iropisutuzé hã tô sena za te te tãma ãma 're i'uwaimrami mono zé, te wasu'u.
Tawamhã te tãma nharĩ za'ra, tisiré 're inomro mono norĩ ma, ãne: — Niwapsi te za asima iwẽ za'ra wa'wa, bâdâ iwa waptã'ã da, ti'ai ãma dasiré ipodo hã te te dama 're iroti mono zé hã. Ãté ãne te za asima inharĩ za'ra wa'wa: “Misi bâtâ na nherẽ, Wanhib'apito na, wa te wasina waihu'u za'ra neza.” Ãne te za asima inharĩ za'ra wa'wa. Tawamhã a'â asina waihu'u za'ra wa'aba õ di za.
Tawamhã saihuri pari, ma duré hâsizé hã ti'â, uwa 'rãi wa'u isé ré hã. Te duré ãhã wamhã tãma nharĩ za'ra, ãne: — 'Re ihâimana u'âsi mono te te dama iropisutuzép té, te wasu'u, rob'rãi wa'u hã. Rob'rãi wa'u za'wari ne, asada ĩdâ'â za'ra wa'aba wamhã, te za ĩwi puru, ĩwapru hã. Tô sena, te za te te dama ãma 're a'uwaimrami, te te dama iropisutuzép té hã. Ãne na waihu'u za'ra wa'aba da, te za ĩwi puru, ĩwapru hã.
Tawamhã saihuri pari, tô õne ma tô duré hâsizé hã ti'â, uwa 'rãi wa'ui ré hã. Ãne te duré tãma nharĩ za'ra: “Ã hã rob'rãi wa'u hã, ĩwapru asada za'ra wa'aba ĩwi pu'u wa, 'Re ihâimana u'âsi mono te te dama iropisutuzép té, tô sena za te te dama ãma 're i'a'uwaimrami mono zé, te wasu'u. Ã hã 're âhuri aba mono sidâpâsi, te za ĩ'ãma 're asipo're pu'u u'âsi za'ra wa'aba mono zéb da, 're i'manharĩ za'ra wa'aba mo, õne u'âsi.” Ãne ma tô duré sina tãma nharĩ za'ra, Zezusi hã.
Taha si ma tô te te 're wapawapto, te te dama iropisutuzép téb zarina, wa te dama 're romhuri wẽ mono da. E niha tawamhã, 'Re ihâimana u'âsi mono te te dama iropisutuzép té hã. E 'Re ihâimana u'âsi mono nhimiroti 'rata na Mozésihi nhimi'ui'éré, te wasu'u, ã hã. Mare di. 'Re ihâimana u'âsi mono pẽ'ẽzani nhimipawaptobzéb zarina 're idanomro mono zép té, te wasu'u, ã hã. Mozésihi nhimi'ui'éré zarina 're danomro mono nherẽ, e taha zarina te za 're dasisõ'reptu za'ra, ropipa hawimhã. Mare di. Ni'wa hã te te sina uwaimrami waihu'u õ di, Mozésihi nhimi'ui'éré hã. 'Re ihâimana u'âsi mono te te dama iropisutuzép té hã da te 're saze za'ra mono wapsi, te za Ipẽ'ẽzani hã te te 're da'anho'reptu ropipa hawimhã, rowẽ na isiré 're dahâimana u'âsi za'ra mono da oto.
Zezusihi u ma tô duré asina 're irob'umhutu za'ra wa'aba mo. Ta hã te oto 'Re ihâimana u'âsi mono te te dama iropisutuzép té hã te te wa'ãma 're ab'madâ'â u'âsi. Duréihã Caĩ hã tino te te wĩrĩ wa, iwapru hã tiwi pu'u wamhã, 'Re ihâimana u'âsi mono te te i'ruiwa'âbâzé, te wasu'u, Abéu wapru hã. Tanei õ di, Zezusihi wapru hã. Dazada dâ'â wa, iwapru hã tiwi pu'u wamhã, 'Re ihâimana u'âsi mono hã dawasédé te te dama 're i'apari mono zé, te wasu'u.
Tane nherẽ, 'Re ihâimana u'âsi mono hã ma tô oto tãma pisutu Zezusihi ma, taha si te te oto da'ãma tãma 're romhuri mono da, pire uptabi na, sasedoti norĩ te te da'ãma 're iromhuri za'ra mono zém nhipai u. Tane duré, 'Re ihâimana u'âsi mono te te dama iropisutuzép té hã, Cristu hã 'Re ihâimana u'âsi mono ma, te te wa'ãma 're i'ab'madâ'â mono hã. Wẽ uptabi di ta hã, duréihã 'Re ihâimana u'âsi mono te te dama iropisutuzéb 'rata ma hã. Danhipai u uptabi hã, marĩ iwẽ uptabi na te te dama 're aropisutu mono wa, te wẽ uptabi na dama 're hâimana, te te dama iropisutuzép té hã.
Tahawa, te oto Cristuhu si te te da'ãma 're ab'madâ'â, 'Re ihâimana u'âsi mono te te dama iropisutuzép té hã. Tidâ'âzém na ma tô da'awa'â Cristu hã, dawasété na 're idanomro mono zém hawi te te oto 're da'anho'reptui mono da, zahadu 'Re ihâimana u'âsi mono te te dama iropisutuzéb 'rada hã dama 're hâimana mono ré. Taha zarina te za oto 'Re ihâimana u'âsi mono hã tinhib'a'uwẽ da, te te 're i'apisutu mono norĩ hã te te sima 're awaibu, iwẽ uptabi na te te tãma 're i'aropisutu mono zéb ré si, 're hâimana u'âsi za'ra mono da iré, ta norĩ hã.
ကြော်ငြာတွေ