Hebreu 7:5 - ꞌRe Ihâimana Uꞌâsi Mono Zadawa Wasuꞌu

⁵ Levita norĩ hã sasedoti na dama 're ihâimana za'ra mono hã, 'Re ihâimana u'âsi mono nhimiroti na Mozési te te ãma irob'ui'éré zarina, te za danhibro hã te te dawi 're waibu, tisiré a'uwẽ norĩ wi, tô Izaraéu nhihudu norĩ wi. Danhibro hã danhiptõmo hi mono bâ da te 're po'o za'ra mono parip si, misi te za da te tãma 're sõmri za'ra, levita norĩ ma hã. Abra'ãhã nhihudu si, siré 're hâimana za'ra mono nherẽ, te za te te tãma 're sõmri za'ra, levita norĩ ma hã.

Hebreu 7:5 ပူးပေါင်းရင်းမြစ်များ

Zenezi 35:11

Tawamhã ãne na zama te duré sina tãma tinha: “Wa hã 'Re ihâimana u'âsi mono, danhipai u pese ĩwaihu'u pese uptabi. Ma'ãpé atébré za, ai'ra ahâ da, duré asihudu ahâ da. Aihawimhã te za a'uwẽ misi ãma isitom na dasipu'u pese na daro mono bâ 're dasitébré. Duré asihudu norĩ 'remhã te za dama 're si'apito za'ra za.

Zenezi 46:26

Tawamhã Ezitu u Zacoho nhihudu isiré isi'aba'ré norĩ hã 66 na ihâiba za'ra hã, pi'õ norĩ hâiba za'rata ana hã.

Neemia 13:10

Tawamhã 'Re ihâimana u'âsi mono nhorõwa 'ri 're, dama 're isõ're za'ra mono, duré Zeruzalẽ hawi levita norĩ iwairébézém na, apâ rom na te te 're irobzuri mono u, isi'aba'rézém na zama wa tô waihu'u. E marĩ wa, ma tô apâ ai'aba'ré. A'uwẽ norĩ, õ norĩ uparizé, ibâ na te te tãma 're sõmri za'ra mono õ wa, ihâimana za'ra zéb da hã.

Ezodu 1:5

Zacoho hâiba hawimhã i'ra norĩ isihudu norĩ me hã 70 na ihâiba za'ra hã. Tawamhã Zacoho 'ra, imro dub amoi wamhã, Zuzé na isisi ma tô Ezitu ãma tisisãnawã norĩ wana tihâiba.

Hebreu 5:4

E ma tô tawamhã ni'wam norĩ hã 'râwi 're sipisutu za'ra si'uihâ na, sasedoti ipire uptabi na dama 're ihâimana za'ra mono da hã. Mare di. Dasi'uihâ na 're dasipisutu za'ra mono õ di, dapire da hã. 'Re ihâimana u'âsi mono nhimipisutu zarina si, ma tô sasedoti ipire uptabi na hã 're hâimana za'ra. Duréihã Arã hã sasedoti ipire uptabi na tisiré norĩ ma, 're hâimana mono da, 'Re ihâimana u'âsi mono te te ipisutu ne, ma tô ta norĩ hã te te 're apisutu, tô õhõ si dapisutu'wai wa.