Hebreu 7:2 - ꞌRe Ihâimana Uꞌâsi Mono Zadawa Wasuꞌu

² Tawamhã Abra'ã norĩ hã te te da'ãma ai'uté za'ra pari, danhibro te te i'wasari hã ma tô Abra'ã hã tinhiptõmo hi za'ratazém hawimhã misi waze, te te ipo hã. Taha parimhã, ma tô misi tãma tisõ, Mequizédéquihi ma. Mequizédéquihi nhisi hã: “Danhib'apito, sena na si da'madâ'â'wa” te wasu'u. Duré iwaptẽrẽzéb amo hã “Salẽ ãma danhib'apito”, iwaptẽrẽzéb amo hã. Salẽ hã “rowẽ” te wasu'u. Taha zarina, Salẽ ãma danhib'apito na iwaptẽrẽzé hã, “Danhib'apito, dama rowẽ nhomri'wa” te wasu'u.

Hebreu 7:2 ပူးပေါင်းရင်းမြစ်များ

Zenezi 28:22

à hã ẽne hâiwi te isãrĩ asõrõwa da hã, 'Re ihâimana u'âsi mono. Duré uburé marĩ ĩma 're i'anhomri mono hã, wa za aima te 're sõmri apâ, 10 na isa'rata ãma.”

Salmu 72:7

Apito 're sa mono ré, sena na 're inomro wẽ mono norĩ tihâimanazém na te te sina 're ihâimo za'ra mono da si. Duré a'amo, wahup sidâpâsi te te 're irob'uiwẽ hâ u'âsi mono ne, rowẽzé isa'ẽne dama 're ihâimana mono da si!

Luca 2:14

— 'Re ihâimana u'âsi mono hã sõprub di, hâiwa ãma 're isãmra mono hã. Ma tô sima dawẽ, iwẽ hã te te dama 're anhomri mono da, rowẽ na 're danomro mono da oto, ti'ai ãma hã.

Roma 3:26

Tane nherẽ, ãhã na hã dawasédé hã da te 're i'manharĩ za'ra mono zém na, te te da'ãma 're ab'madâ'â mono ãna 're hâimana mono õ di oto. Te oto te te da'ãma 're ab'madâ'â u'âsi, uburé marĩ hã i'uwaibaba si te te 're i'ab'manharĩ wẽ mono na, da te dasina 're waihu'u za'ra mono da, duré uburé Zezusi hã da te 're isazei pese za'ra mono norĩ hã te te 're ida'awẽsãmri mono na, da te dasina 're waihu'u za'ra mono da.

Hebreu 7:1

Ta hã Mequizédéqui hã Salẽ na 'ri nho'õmo nhisi ãma danhib'apito, ma tô dama 're hâimana. Sasedoti na te duré dama 're hâimana, 'Re ihâimana u'âsi mono ma, da'ãma romhuri'wa na. Danhipai u dama pire uptabi na 're ihâimana mono ma, romhuri'wa na te 're hâimana. Duréihã Abra'ã norĩ hã, danhib'apito norĩ, maparane si'uiwa na te te ãma ai'uté za'ra pari, apâ si'aba'réi ré, ma tô sõpẽtẽ Mequizédéqui hã, Abra'ã hã. Tahawa, ma tô mreme pire na Mequizédéqui hã ãma mre, 'Re ihâimana u'âsi mono ma, marĩ hã iwẽ si te te tãma 're apisutu mono da, Abra'ãhã ma hã.

Hebreu 7:3

Taha mama nhisi ui'éré hã hâimana õ di, ibaihâ na hã, ina nhisi me. Ihi'rata norĩ nhisi ui'éré zama, hâimana õ di duré. Iwaptã'ãzém na ãma irob'ui'éré hã hâimana õ di duré, idâ'âzém na irob'ui'éré na zama. 'Re ihâimana u'âsi mono 'ra ne, te pire na dama 're hâimana u'âsi ta hã, Wanhib'apito ne, sasedoti na da'ãma romhuri'wa 're hâimana u'âsi mono wa.

1 Samuéu 8:15

Tawamhã ta norĩ hã amnho 10 na te te itehâri za'ra mono wasi hã tãma 're isimi'wara mono hã duré uwa'ru 'rã norĩ hã te za te te tãma 're sõmri za'ra, misi iwasisi na amnho teihi wasi hã, uwa'ru rã hã, tite da'madâ'â'wa norĩ ma hã, duré ihâiba amo tite romhuri'wa norĩ ma hã.

1 Samuéu 8:17

Tawamhã te za duré awaibu, asimizama za'ra wa'wa, 10 na simasa wamhã, misi si hã te za te te awaibu. Tawamhã tô a norĩ wa'wa hã te za aipawa'âbâ ãna tãma 're iromhuri za'ra wa'aba mo.