Hebreu 7:14 - ꞌRe Ihâimana Uꞌâsi Mono Zadawa Wasuꞌu

¹⁴ Wanhib'apito hã Zudaha nhihudu, te 're hâimana. Ãne hã dama waihu'u pese uptabi di, iwasu'u na hã. Mozési hã, Zudaha nhihudu norĩ ãma te te dama ãma rowasu'u õ di, sasedoti na te te da'ãma 're i'mairomhuri mono da hã.

Hebreu 7:14 ပူးပေါင်းရင်းမြစ်များ

Zenezi 46:12

Zuda, ti'ra norĩ ãne isisi za'ra norĩ me: Sela, Peresi, duré Zera. (Duré maparane i'ra hâiba amo norĩ hã, Er, duré Ona, Cana'ã ãma tiwi isi'ré zahuré hã.) Duré Peresihi 'ra norĩ hã, Hezirõ, duré Hamul.

Zenezi 49:10

Zuda, apito siwazusizé hã te za te te 're tété. Duré isihudu norĩ hã te za õne u'â dama i'rãnho'õmo na dama 're hâimana za'ra. Te za danhoprubzé hã da te tãma 're 'wasari, daro mono bâ. Tawamhã te za duré isimiroti hã da te 're wapari pese za'ra.

Mateu 2:6

“A norĩ wa'wa hã Belẽ ãma 're aihâimana za'ra wa'aba mono norĩ Zudaha nhihudu norĩ nhipti'ai ãma 're aihâimana za'ra wa'aba mono norĩ hã dama aiwapu na 're aihâimana za'ra wa'aba mono newa, te za oto dama asisi za'ẽtẽ na dama 're aihâimana u'âsi za'ra wa'aba mo. E marĩ wa. Tame danhib'apito da hã za poto wa, ĩnhib'a'uwẽ norĩ hã te te 're ab'madâ'â pese mono da, Izaraéu nhihudu norĩ hã.”

Luca 1:43

Duré a hã Wanhib'apito na te za 're aimo. Tahawa, ĩma aipire di. Tane nherẽ, asisawi õ di, we ĩtẽme aimorĩ tõ da. Tahawa, ĩma rowẽ di.

Luca 3:33

Nasõhõ poto'wa nhisi hã, Aminadabe na isisi hã. Aminadabehe poto'wa nhisi hã, Ademi na isisi hã. Ademihĩ poto'wa nhisi hã, Arini na isisi hã. Arinihi poto'wa nhisi hã, Esrõ na isisi hã. Esrõhõ poto'wa nhisi hã, Peresi na isisi hã. Peresihi poto'wa nhisi hã, Zuda na isisi hã.

Zuwã 20:13

Tawamhã hâiwa hawi romhuri'wa norĩ hã te Maria Madaréna sadanharĩ zahuré, ãne: — Pi'õ. E marĩ wa, te aiwawa. — Wanhib'apito, da te dasiwi wazere wa, da te dasiwi ihirizé hã te waihu'u õ wa, wa ĩwawa.

Zuwã 20:28

Tawamhã Tome te asa tãma tinha, ãne: — A hã, Ĩnhib'apito uptabi. A hã, 'Re ihâimana u'âsi mono. Ai'ãma si, wa za 're ĩwata u'âsi.

Roma 1:3

E 'wai wasu'uwẽ, ã hã. 'Re ihâimana u'âsi mono 'ra, Wanhib'apito Zezu Cristuhu wasu'uwẽ. Ta hã Zezusi hã ti'ai ãma dahâiba na dasine 're ihâimana mono na, wama waihu'u pese za'ra di, apito Dawihi nhihudu 're morĩ wa.

Roma 2:3

Tane nherẽ, a norĩ wa'wa hã dawasédé hã da'ãma 're isa'ra za'ra wa'aba mono na, te aiwasédé hã 're i'manharĩ za'ra wa'aba mo. E 'Re ihâimana u'âsi mono nhimihâzé wi, 'râwi 're asisõ'reptu za'ra wa'aba mono da bâ, te ãne 're i'manharĩ za'ra wa'aba mo.

Éfézu 1:3

'Re ihâimana u'âsi mono hã sõpru uptabi di, Wanhib'apito Zezu Cristuhu mama hã. Ta hã Cristuhu ãma 're wanomro mono wa, ma tô marĩ mono bâ wama ãma 're sõpru, uburé marĩ iwẽ na, hâiwa hawi. Tahawa, wama 're sõprub za'ra mono wa, ãma 're wawata u'âsi za'ra wa'aba mono za.

Filipu 3:8

'Re ihâimana u'âsi mono te te ĩwẽsãmri da, uburé marĩ hã ĩsihawim na te 're i'ab'manharĩ mono zé hã taré uptabi oto ĩma hã. Misi te ipire uptabi hã ĩma 're hâimana oto. Ĩnhib'apito, Cristu Zezusi hã 'râwi te iwaihu'u pese da si, te ĩma 're hâimana oto, taha si. Marĩ zô 're ĩnhimipari mono õ di oto, ta hã ĩma tarére wa. Roprum ne, te ta hã ĩma 're hâimana oto, 're ĩhâimana 'rata mono zé hã. Tahawa, Cristuhu niwĩ ĩhâiba na te isaprĩ wẽ da si, wa 're ĩsi'madâ'â wẽ u'âsi.

Hebreu 7:13

Ta hã sasedoti ihâiba amo hã danhowa're're isébré té hã, Wanhib'apito, te wasu'u. Ta hã Levihi nhihudu na hã 're hâimana mono õ di. Izaraéu 'ra hâiba amo nhihudu te 're hâimana. Niwamhã ni'wa hã isiré Izaraéu 'ra hâiba amo nhihudu hã sasedoti na dama 're hâimana mono õ di, isine da hã. Mare uptabi di.

Hebreu 7:15

Ãhã wasu'u hã wama waihu'u pese za'ra di oto. E marĩ wa. Sasedoti ihâiba amo hã oto danhowa're're wama sébré za'ra wa, Mequizédéqui hã sasedoti na dama 're ihâimana mono ne, 'Re ihâimana u'âsi mono ma da'ãma romhuri uptabi 'wa da hã oto.

Apocalipsi 22:16

Tawamhã Zezusihi mreme hã wa tô duré wapa. Ãne te ĩma tinha: — Wa hã Zezusi, wa tô hâiwa ãma ĩma romhuri'wa hã we atẽme satõ, ã hã te i'awaihu'u mono hã te te aima awaihu'u mono da, 'ri nho'õmo mono bâ ĩzazei'wa norĩ, siré 're isi'rã'õtõ u'âsi mono norĩ ma, awaihu'u mono da, isipai u. Wa hã apito Dawihi nhihudu, za isine ĩpire na te 're ida'ab'madâ'â mono. Wa hã awẽ u, wasi wawẽ 're ro'o pese mono ré, da'ãma 're i'awẽ za'ra mono ne, wa za romhâimanazép té, te dama 're apisutu, Ĩmama nhib'a'uwẽ norĩ ma.

Apocalipsi 5:5

Tawamhã 24 na dama ipire norĩ te misi ĩma tinha, ãne: — Aiwa'õ tõ. Ma'ãpé 'madâ'â. Õhõta te za, hu'u zérépa, Zudaha nhihudu. Ta hã apito Dawihi nhihudu, za isine pire na te te 're ida'ab'madâ'â mono da hã. Ta hã uburé dama waihu'u pese uptabi di. Ta hã tinhitob'ru norĩ nhimiromhuri wasété nhiptetezé hã ma tô tiwi uprosi za'ra. Tahawa, te õhõ si sada tihâiba, 7 na i'uptobzé hã te te i'aprub da hã, duré ibaihâ isinhai ré te te isõ'a da hã.