Duréihã 'Re ihâimana u'âsi mono hã ãma 're dahâimana wẽ za'ra mono da, tinhimiroti te te dama 're anhomri mono wamhã, ma tô duré sasedoti norĩ te te da'ãma 're iromhuri za'ra mono zéb da hã, te te dama 're awaihu'u. Sasedoti norĩ hã levita norĩ tinhimiromhuri na 'Re ihâimana u'âsi mono ma, te te ãma 're uwaimrami uptabi za'ra mono 'wa'âhã, taha zarina te aré 'Re ihâimana u'âsi mono hã te te 're da'awẽsãmri, dawasédé hã taha zarina te te da'ãma 're ab'madâ'â mono õ wa aré. Tane nherẽ, ta norĩ hã tinhimiromhuri na te te ãma 're uwaimrami uptabi za'ra mono õ di, 'Re ihâimana u'âsi mono ma hã. Tahawa, sasedoti ihâiba amo hã levita norĩ nhibrob're isébré hã te oto dama 're hâimana, Levihi nhihudu na 're hâimana mono õ nherẽ, duré Arãhã nhihudu na hã 're hâimana mono õ nherẽ. Mequizédéqui hã sasedoti na pire na dama 're ihâimana mono ne, te ta hã dama pire uptabi na 're hâimana oto.
Hebreu 7:12 - ꞌRe Ihâimana Uꞌâsi Mono Zadawa Wasuꞌu12 Duréihã sasedoti norĩ hã 'Re ihâimana u'âsi mono ma da'ãma romhuri'wa norĩ hã tinhimiromhuri na te te tãma ãma 're uwaimrami uptabi za'ra mono õ wa, ta norĩ nhibrob're sasedoti ihâiba amo hã ma tô duré ãzé. Sébré wamhã, ma tô duré 'Re ihâimana u'âsi mono hã tinhimiroti té hã isu dama tisõ, sasedoti norĩ hâimanazém na isimiroti 'rata na Mozési te te ãma irob'ui'éré nhowa're're. အခန်းကိုကြည့်ပါ။ |
Hebreu 7:12
7 ပူးပေါင်းရင်းမြစ်များ
Ta hã sasedoti ihâiba amo hã danhowa're're isébré té hã, Wanhib'apito, te wasu'u. Ta hã Levihi nhihudu na hã 're hâimana mono õ di. Izaraéu 'ra hâiba amo nhihudu te 're hâimana. Niwamhã ni'wa hã isiré Izaraéu 'ra hâiba amo nhihudu hã sasedoti na dama 're hâimana mono õ di, isine da hã. Mare uptabi di.
'Re ihâimana u'âsi mono ma, danhoprubzé, da te 're isõmri za'ra mono zé hã dapẽ'ẽ 're, da te dasima 're irosa'rata za'ra mono zém na te te wama rowasu'u õ di. Taré dasa hã marĩ, da te 're ihuri mono zém na roti te wasu'u. Duré marĩ wa'u, da te 're i'âhuri mono zém na rowasu'u zama hã te wasu'u. Duré 're dasihâiba wasété za'ra mono tõ da, 're idasi'upsõi pese za'ra mono zém na zama roti hã te wasu'u. Ã norĩ na roti hã taré sõ'awi dahâiba na roti, ma tô dama 're hâimana za'ra. Tane nherẽ, 'Re ihâimana u'âsi mono hã 're idanomro mono zép té hã, te te dama ipisutuzép téb ãma, ma tô oto dawi ai'utõ, ã norĩ na roti 'rada hã.