Hebreu 6:7 - ꞌRe Ihâimana Uꞌâsi Mono Zadawa Wasuꞌu

⁷ Ãne wa za oto ti'ai wasu'u na aima ãma romnhimiré'é za'ra wa'wa. Ti'a hã wẽ wamhã, tã hã 're ta'a mono sidâpâsi, te za ãma 're ro'wanhipré wẽ za'ra, itede'wa norĩ ma. 'Re ti'ai 'ré su'u mono õ wa, te za ãma 're ro'wanhipré wẽ za'ra, ti'ai wẽ na hã. Ãne wa, te za 'Re ihâimana u'âsi mono hã iwẽ hã tãma pisutu, ti'ai wẽ ma hã.

Hebreu 6:7 ပူးပေါင်းရင်းမြစ်များ

Tiagu 5:7

Ĩsisãnawã norĩ, rowasédé hã 're hâimana mono nherẽ, te za asimi'ẽ na Wanhib'apito zô 're asimipari za'ra wa'aba mo, apâ wei morĩ õ ré. Ma'ãpé rosa'rata za'ra wa'aba, buru tede'wa na. Buru tede'wa norĩ hã te simi'ẽ na, tã zô 're simipari za'ra, a'ẽ ta'a zô, duré ipĩni 'rãsutuzéb zô zama. Simi'ẽ na te sô 're simipari za'ra, ropoto té te te 're i'ubumro za'ra mono zéb zô, tãma sawi za'ra wa, buru nho hã.

Salmu 24:5

Ta norĩ ma si te za tô Uburé Danhib'apito iwẽ hã te te tãma 're apisutu. Te za duré te te 're anho'reptu, wasété õ na te te 're i'awaihu'u mono zéb zarina.

Zenezi 27:27

Tawamhã Zaco, timama u hã ma tô 'râwi pesere oto itẽme ai'ré. Tahawa, ma tô timama hã tob'rata hârâ na sawi. Tawamhã Zaco, ãma isi'uzazé te te hãi waihu'u wamhã, ma tô Izaqui ti'ra ãma hã mre ãne: “Ĩ'ra hâiba zadaze hã, rom na danhib're ma, Uburé Danhib'apito iwẽ te te tãma 're apisutu mono wa, isadaze ne.

Zenezi 1:11

Tahawa te duré ãne tinha: — Ti'a na te za sipu'u pese na rowede norĩ hã oto 're poto za'ra, nima norĩ inhama ré mono hã duré nima norĩ i'rãi ré mono hã. Tahawa ãne hã ma tô oto tiromhâiba.

2 Timotiu 2:6

Tane duré, buru na romhuri pese 'wa hã, amnho hã uburé da te ubumroi pari, imorĩ'rata na te za tite da hã âri 'rata.