Hebreu 5:6 - ꞌRe Ihâimana Uꞌâsi Mono Zadawa Wasuꞌu

⁶ Ãne duré, 'Re ihâimana u'âsi mono mreme na ãma irob'ui'éré amo hã, Cristuhu ãma: “A hã sasedoti norĩ, dama 're ihâimana za'ra mono ne, te za dama 're aihâimana u'âsi mo, duréihã Mequizédéqui hã sasedoti na pire na dama 're ihâimana mono zéb zarina.”

Hebreu 5:6 ပူးပေါင်းရင်းမြစ်များ

Salmu 110:4

Uburé Danhib'apito uptabi, tinhimiropisutu na apâ te te ãma isiri waihu'u õ na, ma tô mreme pire na ropisutu, ãne: “A hã sasedoti norĩ, dama 're ihâimana za'ra mono ne, te za dama 're aihâimana u'âsi mo, duréihã Mequizédéqui hã sasedoti na pire na dama 're ihâimana mono zéb zarina.”

Hebreu 5:10

Duréihã 'Re ihâimana u'âsi mono, ma tô Zezusi hã pisutu, sasedoti ipire uptabi na dama 're hâimana mono da, tãma da'ãma romhuri'wa da, duréihã Mequizédéqui hã sasedoti na pire na dama 're ihâimana mono ne, uburé ma, 're hâimana mono da.

Hebreu 6:20

Zezusi hã wa'udâna ma tô tamomo ãzé, wawana za'ra. Ta hã te oto sasedoti ipire uptabi na dama 're hâimana u'âsi, 'Re ihâimana u'âsi mono ma, da'ãma romhuri'wa na. Duréihã Mequizédéqui hã sasedoti na pire na dama 're ihâimana mono ne, te oto Zezusi hã pire uptabi na dama 're hâimana u'âsi.

Hebreu 7:11

Duréihã 'Re ihâimana u'âsi mono hã ãma 're dahâimana wẽ za'ra mono da, tinhimiroti te te dama 're anhomri mono wamhã, ma tô duré sasedoti norĩ te te da'ãma 're iromhuri za'ra mono zéb da hã, te te dama 're awaihu'u. Sasedoti norĩ hã levita norĩ tinhimiromhuri na 'Re ihâimana u'âsi mono ma, te te ãma 're uwaimrami uptabi za'ra mono 'wa'âhã, taha zarina te aré 'Re ihâimana u'âsi mono hã te te 're da'awẽsãmri, dawasédé hã taha zarina te te da'ãma 're ab'madâ'â mono õ wa aré. Tane nherẽ, ta norĩ hã tinhimiromhuri na te te ãma 're uwaimrami uptabi za'ra mono õ di, 'Re ihâimana u'âsi mono ma hã. Tahawa, sasedoti ihâiba amo hã levita norĩ nhibrob're isébré hã te oto dama 're hâimana, Levihi nhihudu na 're hâimana mono õ nherẽ, duré Arãhã nhihudu na hã 're hâimana mono õ nherẽ. Mequizédéqui hã sasedoti na pire na dama 're ihâimana mono ne, te ta hã dama pire uptabi na 're hâimana oto.

Hebreu 7:15

Ãhã wasu'u hã wama waihu'u pese za'ra di oto. E marĩ wa. Sasedoti ihâiba amo hã oto danhowa're're wama sébré za'ra wa, Mequizédéqui hã sasedoti na dama 're ihâimana mono ne, 'Re ihâimana u'âsi mono ma da'ãma romhuri uptabi 'wa da hã oto.

Hebreu 7:17

Duréihã, ma tô ni'wa hã ibaihâ na ãma rob'ui'éré iwasu'u na hã, 'Re ihâimana u'âsi mono, ti'ra ma te te irotizém na hã, ãne: “A hã, sasedoti norĩ, dama 're ihâimana za'ra mono ne, te za sasedoti na dama 're aihâimana u'âsi mo, duréihã Mequizédéqui hã sasedoti na pire na dama 're ihâimana mono ne.”

Hebreu 7:3

Taha mama nhisi ui'éré hã hâimana õ di, ibaihâ na hã, ina nhisi me. Ihi'rata norĩ nhisi ui'éré zama, hâimana õ di duré. Iwaptã'ãzém na ãma irob'ui'éré hã hâimana õ di duré, idâ'âzém na irob'ui'éré na zama. 'Re ihâimana u'âsi mono 'ra ne, te pire na dama 're hâimana u'âsi ta hã, Wanhib'apito ne, sasedoti na da'ãma romhuri'wa 're hâimana u'âsi mono wa.

Hebreu 7:8

Levita norĩ hã, sasedoti na da'ãma romhuri'wa norĩ hã te za tô te te dawi 're waibu danhibro hã, danhoprubzé da te tãma 're ipo'o za'ra mono hã. Tane nherẽ, te za uburé ta norĩ hã 're dâ'â za'ra, levita norĩ hã. Mequizédéquihi si, dâ'â ãna wama 're ihâimana mono ne, te wama 're hâimana sasedoti na hã, idâ'âzém na ãma irob'ui'éré hã ãma hâimana õ wa, ibaihâ na hã.