Hebreu 4:10 - ꞌRe Ihâimana Uꞌâsi Mono Zadawa Wasuꞌu

¹⁰ Ni'wam norĩ hã 're idawa'utu u'âsi za'ra mono ne, rowẽ uptabi na 're idanomro mono zéb da hã, 'Re ihâimana u'âsi mono te te dama ipisutuzém na te te sina 're i'uwaimrami za'ra mono norĩ hã, 're siwasutu za'ra mono õ di za oto, taha na 'Re ihâimana u'âsi mono hã te te 're awẽsãmri mono da. 'Re ihâimana u'âsi mono hã duréihã te te ro'apoto mono pari, romhuri te te isazâri ne, 're siwasutu zahu za'ra mono õ di za oto, ta norĩ hã apâ.

Hebreu 4:10 ပူးပေါင်းရင်းမြစ်များ

Zenezi 2:2

7 bâtâ ãma hã ma tô tinhimipodo hã te te apoto 'rãsutu. Tawamhã ma tô oto wa'udu, taha bâtâ na.

Zuwã 19:30

Te te upsõmri parip si, te tinha, ãne: — Tâibâ oto. Wa tô oto ĩsina uwaimra. Taha pari, ma tô oto 'rãi waptãrã. Tawamhã si'uihâ na ma pẽ'ẽ hai'utõ.

Hebreu 1:3

Õhõ si te oto Timama hã iwẽ uptabi na te te dama 're wasu'u, rowa'a isa'ẽtẽ ré na hã. Taha si te Timama ne 're hâimana, aiwa wa. Tinhimiroti nhiptete na te uburé marĩ hã te te 're a'upari wẽ, 're si'utõrĩ tõ za'ra mono da. Õhõ si dawasédé hã te te dama 're apari mono da, dazada dâ'â wa, taha pari hâiwa'utu wa, te oto 'Re ihâimana u'âsi mono nhimire niwĩ 're sãmra hâiwa ãma, danhipai u iwaihu'u pese uptabi nhimire niwĩ, isiré te te 're da'ab'madâ'â mono da oto, pire uptabi na.

Hebreu 10:12

Cristuhu si, ma tô misi haré tihâiba hã tãma tisõ, dazada dâ'â da, õhõ na si dawasédé hã te te dama ãma 're apari mono da. Taha pari, te 'Re ihâimana u'âsi mono nhimire niwĩ 're sãmra, pire uptabi na isiré te te 're da'ab'madâ'â mono da oto, õne u'âsi.

Hebreu 4:9

'Re idawa'utu u'âsi za'ra mono ne, rowẽ uptabi na 're idanomro mono zé hã, te tô 'Re ihâimana u'âsi mono nhib'a'uwẽ norĩ ma 're hâimana u'âsi za'ra, õne u'âsi, duréihã ropoto na'rata hawi bâdâ hã 6 na ãma si'utõrĩ pari, bâdâ misi na romhuri ãna iwa'utu ne, 'Re ihâimana u'âsi mono hã.

Apocalipsi 14:13

Tawamhã wa tô duré wapa, hâiwa hawi ni'wai mreme hã. Ãne te ĩma ti'ru: — Ma'ãpé, ãne ãma rob'ui'éré: “Ãhã na te iwaihu'uzém hawi, ni'wam norĩ hã Wanhib'apito ma, te te 're romhuri pese za'ra mono zawéré ré, 're dâ'â za'ra mono wamhã, tãma 're rowẽ uptabi za'ra mono di za.” Tawamhã 'Re ihâimana u'âsi mono pẽ'ẽzani hã ma ãma saze, timreme na. Ãne ma ãma saze: “Tane tô. Tãma 're rowẽ uptabi za'ra mono di za tô. Simi'ẽ na tinhimiromhuri wẽ ré, te za hâiwa u iré 're sisisi. Tahawa, te za oto romhuri na tisiwasudu hã te te 're sahâri za'ra.” Ãne 'Re ihâimana u'âsi mono pẽ'ẽzani te te ãma isazezé hã. Ãne te za ãma irob'ui'é.

Apocalipsi 6:11

Tawamhã da'uza hâirã hâpa, ma tô tãma sõmri za'ra ni, tidâ'âzéb u sipizari ãna, Zezusihi ãma 're hâimana za'ra mono wa. Ma tô duré tãma nharĩ za'ra ni: — Ma'ãpé, asimi'ẽ na a'â 're asimipari za'ra wa'aba mono. Da te 're isimroi mono norĩ za'ratazé hã 'Re ihâimana u'âsi mono te te ipisutuzé hã zahadu da te dasina azahutu õ di. Da te ai'uprosi aba ne, asiré isazei'wa norĩ, za da te 're isimroi mono norĩ za'ratazé wab õ wa, te za a'â asimi'ẽ na sô 're asimipari za'ra wa'aba mo.