Hebreu 3:5 - ꞌRe Ihâimana Uꞌâsi Mono Zadawa Wasuꞌu5 Mozési hã ma tô 'Re ihâimana u'âsi mono ma, umnhasi sina te te tãma 're romhuri wẽ u'âsi, isib'a'uwẽ te te tãma 're ipawaptob za'ra mono zém na hã. Marĩ na 'Re ihâimana u'âsi mono hã za ti'ab ré te te dama 're i'arowaihu'u mono zém na, ma tô isib'a'uwẽ ma te te 're rowaihu'u siromo za'ra, Mozési hã. 'Re ihâimana u'âsi mono ma, romhuri'wa na si, te ta hã 're hâimana. အခန်းကိုကြည့်ပါ။ |
Hebreu 3:5
35 ပူးပေါင်းရင်းမြစ်များ
Tawamhã Izaraéu nhihudu norĩ hã Uburé Danhib'apito tiwaihu'u pese na ezipsiu norĩ ãma te te i'ai'uté za'ra zé te te 'madâ'â za'ra wamhã, ma tô ãma itob'uzu za'ra zéb zarina oto wazéb za'ra. Tahawa, ma tô Uburé Danhib'apito hã oto siwi umnhasi. Duré tãma romhuri'wa Mozésihi zama te oto umnhasi na hã tãma tihâimana za'ra.
Tawamhã Zezusi te duré tãma ãma romnhimiré'é za'ra, ãne: — Dama romhuri'wa i'umnha hã duré isimiroti wẽ hã, e niha 're ihâimana mono zé hã. Ãne hã 're hâimana mono wamhã, te za isib'apito hã nimomo tiwi morĩ õ ré, tãma pisutu, uburé tãma iromhuri'wa norĩ hã isa'u nherẽ, te te sô 'madâ'â pese za'ra da. Te za duré tãma roti, bâtâ pisutu zéb zarina isa za'ra zé hã te te ãma tãma uwaimrami za'ra da, tãma iromhuri'wa norĩ ma.
— Tawamhã isib'apito te asa tãma tinha, ãne: “Wẽ di tô. A hã ĩma romhuri wẽ 'wai uptabi. Ĩma ai'umnhasi di. Rob'uiprazé hã surure na hâimana nherẽ, ma tô ãma iromhuri wẽ, ĩzô. Tahawa, ãhã nhipai u wa za oto aima pisutu, marĩ ahâ uptabi na ĩma 're ab'madâ'â u'âsi mono da. Te za oto ĩsiré 're aihâimana mo, wasiré ãma 're watoi u'âsi mono da.” Ãne ma tô tãma ropisutu siro, tãma iromhuri wẽ 'wai ma.
Tahawa, te Wanhib'apito hã asa ãma romnhimiré'é, Zezusi hã ãne: — Dama romhuri'wa i'umnha hã duré isimiroti wẽ hã, e niha 're ihâimana mono zé hã. Ãne hã 're hâimana mono wamhã, te za isib'apito hã nimomo tiwi morĩ õ ré, tãma pisutu, uburé tãma iromhuri'wa norĩ hã isa'u nherẽ, te te sô 'madâ'â za'ra da. Te za duré tãma pisutu, bâtâ pisutuzém na isazéb da hã, te te tãma ãma uwaimrami za'ra da, tãma iromhuri'wa norĩ ma.
Tahawa, te Zezusi hã tãma nharĩ za'ra, ãne: — Romhâ ré wa tô aima rowasu'u za'ra wa'wa, ai'rata 're ĩnhamra za'ra wa'aba mono ré hã, marĩ hã za ĩzô iwairébé mono na, Mozésihi nhimi'ui'éré zarina, duré 'Re ihâimana u'âsi mono zadawa 'mahârâ 'rata 'wa norĩ nhimi'ui'éré zarina, duré isõ're na rob'ui'éré zarina.
A norĩ wa'wa hã te ãne asima 're irowasu'u za'ra wa'aba mo: “Wa norĩ hã wa wa te 're sõré u'âsi za'ra, 'Re ihâimana u'âsi mono mreme ui'éré hã. Tahawa, wa za ãma wasina uwaimrami za'ra ni, 're idanomro u'âsi mono zé hã.” Ãne te asima 're irowasu'u za'ra wa'aba mo. Ta hã te ĩwasu'u, 'Re ihâimana u'âsi mono mreme ui'éré hã. 'Re sõré u'âsi za'ra wa'aba mono nherẽ, asima 're ĩwẽ za'ra wa'aba mono õ di, 're ĩzaze za'ra wa'aba mono da hã. 'Re ĩzaze za'ra wa'aba mono 'wa'âhã, wa aré aima pisutu za'ra wa'wa, 're idanomro u'âsi mono zé hã asina uwaimrami za'ra wa'aba da.
Tawamhã ma tô sima pisutu za'ra, nimahã bâtâ na itẽme dasi'rã'õtõ da. Tahawa, ma tô da'ahâ na itẽme tasi'rã'õtõ ni, Paulu hã isãmrazéb u. Bâtâ bâ ma tô dama romhu, 'Re ihâimana u'âsi mono, da'ãma 're isib'a'uwẽ mono zé wasu'u na. Mozésihi nhimi'ui'éré zarina, duré 'Re ihâimana u'âsi mono zadawa 'mahârâ'wa norĩ nhimi'ui'éré 'rata zarina, ma tô tãma ãma rowasu'u pese za'ra, Zezusi hã Danho'reptui'wa da, 'Re ihâimana u'âsi mono te te ipisutu na da te saze za'ra da.
Tane nherẽ, 'Re ihâimana u'âsi mono ma tô oto dama waihu'u, te te 're ida'awẽsãmri mono zém na hã, sõ'awi da te oto 're iwaihu'u za'ra mono zéb da hã. 'Re ihâimana u'âsi mono hã te te sima da'ãma 're aroti mono õ di, uburé marĩ hã da te 're i'manharĩ wẽ za'ra mono zéb zarina, dawasédé hã te te oto da'ãma 're i'ab'madâ'â mono õ zéb da hã, taha zarina te te oto 're ida'awẽsãmri mono zéb da hã. Duréihã 'Re ihâimana u'âsi mono nhimiroti 'rata na rob'ui'éré'wa norĩ hã ma tô ãne na ãma rob'ui'éré za'ra, 'Re ihâimana u'âsi mono te te 're ida'awẽsãmri mono zém na hã.
Ãhã na wa za ãma ĩwata, Wanhib'apito Cristu Zezusihi ãma hã. Ta hã ma tô ĩwaihu'u siro, ĩnhimiromhuri hã za te tãma ãma 're i'uwaimrami mono na hã. Taha zarina ma tô ĩpisutu, dapawaptom na te tãma 're romhuri mono da. Taha da, ma tô te te 're ĩnhiptete u'âsi. Tahawa, wa za ãma 're ĩwata u'âsi, ĩma 're rowẽ mono wa. Wanhib'apito ãma wa tô aré te ãma 're wasété, ĩmreme wasété na. Isazei'wa norĩ hâiba u'âbâ, wa tô aré te tãma 're rob'manharĩ wasété. Ta norĩ hâiba u'âbâ, wa tô aré duré sada 're ĩsima'wara. Wanhib'apito Danho'reptui'wa na 're imorĩ na hã ĩma waihu'u õ di aré. Te duré sazei õ di aré. Tahawa, zahadu ĩnhimiza'rese ãna 're ĩmorĩ wa, ma tô ĩ'ãma tipẽ'ẽzé, 'Re ihâimana u'âsi mono hã, te te ĩ'azâri tõ da.
Duréihã 'Re ihâimana u'âsi mono hã ma tô tizadawa 'mahârâ'wa norĩ ma te te 're rowasu'u, ta norĩ hã wahi'rata norĩ ma, te te oto ãma 're rowasu'u za'ra mono da, isadawa nhipai u. Ta norĩ ma, ma tô marĩ na misi si te te tãma 're rowasu'u za'ra, ãma ipu'u na hã, 'Re ihâimana u'âsi mono te te tãma 're iwaihu'u za'ra mono zép sidâpâsi.
Ti'ai ãma uburé 'ri hã danhib'rata na rob'manharĩ hã si'uihâ na 're si'manharĩ za'ra mono õ di. Tahawa, te 'ri'wa norĩ hã 'ri nhipai u, pire na 're hâimana za'ra. Tane nherẽ, 'Re ihâimana u'âsi mono si ma tô uburé marĩ hã te te 're ab'manharĩ. Tahawa, te uburé marĩ nhipai u, pire uptabi na 're hâimana u'âsi ta hã siwaprosi.
Da'awã da te 're 'madâ'â za'ra mono wamhã, dahâiba uptabi hã dama 're ihâimana za'ra mono na te za da te 're waihu'u za'ra. Tane nherẽ, da'awã si hã marĩ hã ãma 're hâimana mono õ di. Tane duré, ti'ai ãma 'Re ihâimana u'âsi mono nhorõwa hã te 're hâimana, sasedoti norĩ hã i're te te da'ãma 're iromhuri za'ra mono zé hã. Hâiwa ãma 'Re ihâimana u'âsi mono nhorõwa awã ne, te ta hã 're hâimana, aiwab uptabi õ nherẽ. Hâiwa ãma isõrõwa si, iwẽ uptabi hã. Duréihã Mozési hã romhâ 'manharĩ na 'ri hã 'Re ihâimana u'âsi mono ma, te te 'manharĩ õ ré, ma tô 'Re ihâimana u'âsi mono hã ãne hã tãma pisutu: “Ẽtẽ 'rãihâ na asãmra ré, romhâ 'manharĩ na 'ri 'manharĩ da, te aima ipisutuzéb uwaibaba si, te za i'manha.” Ãne ma tô 'Re ihâimana u'âsi mono hã tãma waihu'u, Mozésihi ma hã.
Ãhã wa, Cristu hã dâ'â pari oto duré hâiwa'utu wamhã, ti'ai ãma danhib'rata na da te 're i'ri za'ra mono 'remhã, sébré õ di, 'Re ihâimana u'âsi mono iwa 're isãmra mono zéb u hã. E marĩ wa. Ta hã ti'ai ãma 'ri hã, hâiwa ãma 'ri i'uptabi ne si 're hâimana mono wa, duré i'uptabi õ wa. Hâiwa ãma 'Re ihâimana u'âsi mono hã iwa 're isãmra mono zéb u si ma tô ãzé Cristu hã, tame te te oto wa'ãma 're romhuri u'âsi mono da, Timama nho'a.
Tawamhã Uburé Danhib'apito, wate 'Re ihâimana u'âsi mono, ti'a za te te tãma isõmri za'ra na hã te za ãma ate za'ra, iwa 're hâimana za'ra mono da oto. Ãne niwa marĩ hâimana wamhã, te za asipti'ai u apâ we ai'aba'réi wa'wa, za iwa 're aihâimana za'ra wa'aba mono da, Mozési, 'Re ihâimana u'âsi mono ma romhuri'wa, ãme te te aima isõmri za'ra wa'aba ãma, Zodã pa â bâtâ pusizém niwĩmhã.”
Tô asiptete, sada asib'ru uptabi duré. Taré oto ãma pibui pese, ĩma romhuri'wa Mozési, ĩnhimiroti uburé te te aima isõmrizéb zarina si ãma 're aihâimana mono da. Ĩnhimiroti te te aima isõmri wi hã 're aipizari mono tõ. Tawamhã ãne wamhã nimomo 're ane mono sidâpâsi, te za 're i'aihâimana mono wẽ zé hã asina 're i'a'uwaimrami mo za.
Uburé Danhib'apito ma romhuri'wa Mozési, Izaraéu nhihudu norĩ ma, te te iwaihu'uzéb zarina, ma tô 'manha, ãne na Mozésihi nhimiroti na hã: “Ma'ãpé, ẽtẽ tõmo wawẽ, isihâri za'ra õ na ẽtẽ za'ra 'manharĩ, 'Re ihâimana u'âsi mono ma, 're idanhoprub za'ra mono zatazéb da hã.” Tawamhã taha nhisiwi ma tô danhimizama da te izata pese na tãma ãma tinhoprub za'ra, Uburé Danhib'apito ma, duré aimawi da te dasima ipo'o hâiba amoi wa'õtõ na hã danhoprubzéb ãma dama 're irowẽ za'ẽtẽ za'ra mono nhisi na hã.
Tawamhã uburé Izaraéu nhihudu norĩ, ite za'ra i'rãnho'õmo norĩ, dama ipire norĩ, da'ãma rowairébé'wa norĩ, duré uburé isiré a'uwẽ'õ norĩ, iwazari 're ihâimana za'ra mono norĩ zama ma tô 'Re ihâimana u'âsi mono te, wedehâ're 'manharĩ a're si'uiwa na hã aimasa, levita sisasedoti norĩ te te siwi imrami mono nhowamhã. Duré a'uwẽ aiwa ãma isipo'o na ma tô ẽne Gerizi na isisi nho'remhã, duré Ebau na ẽne isisi nho'remhã aimasa, Mozési te te dama iwaihu'uzéb zarina, sasedoti norĩ, 'Re ihâimana u'âsi mono zadawa para rowẽ hã za te te tãma ipisutu za'ra da hã, Izaraéu nhihudu norĩ ma.
Te duré tizadawa'a'a, Mozésihi nho'rezém na, 'Re ihâimana u'âsi mono ma romhuri'wa nho'rezém na, Ezitu hawi isib'a'uwẽ norĩ, 'Re ihâimana u'âsi mono te te dawi isõ'reptu za'ra zém na. Te duré tizadawa'a'a, Pone'ẽrebâ te te 're ida'anho'reptui mono zém na. Ãne te ãma tizadawa'a'a: “Uburé Danhib'apito uptabi, 'Re ihâimana u'âsi mono, aiwaihu'u pese uptabi di. 'Re i'ab'manharĩ mono zé hã wẽ uptabi di. A hã daro mono bâ uburé pese Danhib'apito. Tô sena uptabi na si te dama 're i'aroti wẽ uptabi mo. Upai ãna, te duré 're ida'ab'madâ'â wẽ mo.
ကြော်ငြာတွေ