Hebreu 3:2 - ꞌRe Ihâimana Uꞌâsi Mono Zadawa Wasuꞌu

² Ta hã ma tô 'Re ihâimana u'âsi mono ma, umnhasi sina te te tãma 're romhuri wẽ u'âsi, te te tãma 're i'apisutu mono zéb zarina si. Tane aiwa, duréihã Mozési hã ma tô 'Re ihâimana u'âsi mono nhib'a'uwẽ norĩ ma, umnhasi sina te te tãma 're romhuri wẽ u'âsi za'ra.

Hebreu 3:2 ပူးပေါင်းရင်းမြစ်များ

Ezodu 40:16

Ãne ma tô Mozési, Uburé Danhib'apito te te tãma i'awaihu'u mono zéb zarina uburé hã ab'manha.

Zuwã 15:10

Wa hã Ĩmama nhimiroti si, wa tô te 're 'madâ'â pese. Tahawa, Ĩmama te te 're ĩzawi pese mono zém na wa tô ĩsina te 're waihu'u u'âsi. Tane duré a norĩ wa'wa hã ĩnhimiroti si 're 'madâ'â pese za'ra wa'aba mono wamhã, te 're i'asawi pese za'ra wa'aba mono zém na, te za asina 're iwaihu'u u'âsi za'ra wa'aba mo.

Zuwã 17:4

Romhuri hã ĩma ipisudu hã wa tô oto ĩsina uwaimra. Te ĩsina uwaimrami wa, te za oto ai'ãma 're dawata u'âsi za'ra.

Zuwã 7:18

Dasi'uihâ na danhimirosa'rata na da te dama 're rowasu'u za'ra mono wamhã, te za sô 're simnhasi za'ra, mreme wẽ wa, ãma 're dawata za'ra mono zô. Datẽme dazatõrĩ'wai ãma si 're dawata za'ra mono da, da te dasima 're wẽ za'ra mono wamhã, tô sena na si danhimirowasu'u hã, dazadawa nhipese ãna.

Zuwã 8:29

We ĩzatõrĩ'wa hã te te ĩma 're iroti mono zéb zarina si, wa tô te tãma ãma 're uwaimrami u'âsi. Tahawa, ĩ'rata te 're sãmra u'âsi. Te te 're ĩrẽme mono õ di.

Éfézu 2:22

Tane a norĩ wa'wa hã, ẽtẽ ahâ na 'ri misi da, da te dasiwi i'ri ne, te za te te aima 're nharĩ u'âsi za'ra wa'wa, simisutu Wanhib'apito ãma 're aihâimana za'ra wa'aba mono da, isõrõwa misi tãma 're aihâimana za'ra wa'aba mono da oto, 'Re ihâimana u'âsi mono ma, Ipẽ'ẽzani hã aipẽ'ẽ za'ra wa'aba 're, 're ihâimana mono zéb zarina.

1 Timotiu 1:12

Ãhã na wa za ãma ĩwata, Wanhib'apito Cristu Zezusihi ãma hã. Ta hã ma tô ĩwaihu'u siro, ĩnhimiromhuri hã za te tãma ãma 're i'uwaimrami mono na hã. Taha zarina ma tô ĩpisutu, dapawaptom na te tãma 're romhuri mono da. Taha da, ma tô te te 're ĩnhiptete u'âsi. Tahawa, wa za ãma 're ĩwata u'âsi, ĩma 're rowẽ mono wa. Wanhib'apito ãma wa tô aré te ãma 're wasété, ĩmreme wasété na. Isazei'wa norĩ hâiba u'âbâ, wa tô aré te tãma 're rob'manharĩ wasété. Ta norĩ hâiba u'âbâ, wa tô aré duré sada 're ĩsima'wara. Wanhib'apito Danho'reptui'wa na 're imorĩ na hã ĩma waihu'u õ di aré. Te duré sazei õ di aré. Tahawa, zahadu ĩnhimiza'rese ãna 're ĩmorĩ wa, ma tô ĩ'ãma tipẽ'ẽzé, 'Re ihâimana u'âsi mono hã, te te ĩ'azâri tõ da.

Hebreu 2:17

Tahawa, tisisãnawã norĩ me, aiwa uptabi a'â 're hâimana mono da, ma tô si'a'uwẽ Zezusi hã, sasedoti 'Re ihâimana u'âsi mono ma, da'ãma romhuri'wa tisiré norĩ nhipai u ipire uptabi ne 're hâimana mono da, tãma umnhasi na te te tãma 're romhuri mono da, da'ãma pẽ'ẽzé uptabi sina. Taha da, ma tô si'a'uwẽ tô, taha zarina dawasédé hã te te oto dama 're apari mono da. Ta hã dasiré si'a'uwẽ õ 'wa'âhã, ãne hã te te aré sina uwaimrami waihu'u õ di, 'Re ihâimana u'âsi mono ma hã.

1 Samuéu 12:6

Tawamhã Samuéu te zahadu tãma nharĩ za'ra ãne: — Wanhib'apito 'Re ihâimana u'âsi mono, ma tô pisutu zahuré Mozési norĩ hã, Arãhã me, aihi'rata norĩ Ezitu hawi te te da'awazere zahuré wa, te te idanhimro zahuré mono da hã.