Hebreu 3:10 - ꞌRe Ihâimana Uꞌâsi Mono Zadawa Wasuꞌu

¹⁰ Tahawa, wa tô ta norĩ hã oto ĩsiwi wẽ'õ pese za'ra. Tahawa, wa tô ãne ĩsima tinha: ‘Ta norĩ hã ĩzô si 're sõpré mono õ di oto. Ĩnhimiroti zarina si 're ihâimana za'ra mono da hã, te te sima 're wẽ za'ra mono õ di duré.’ Ãne ta norĩ ãma te ĩsima irotizé hã.

Hebreu 3:10 ပူးပေါင်းရင်းမြစ်များ

Zenezi 6:6

Tahawa a'uwẽ te te 're 'manharĩ za'ra mono wa, ma tô 'Re ihâimana u'âsi mono wi hã tiwi tirobzei'õ pese. Duré pẽ'ẽ pire na 're hâimana mono wa,

Salmu 78:40

E niha ma tô 'Re ihâimana u'âsi mono wi, rop si 're irosa'wari mono ãma hã nasi tiwi isipizari na sahu ahâ za'ra! E niha ma tô duré tiwasété 'manharĩ na nasi ãma sahu ahâ za'ra, robzei'õ hã te te ãma tiwi iwazere za'ra zéb da hã.

Salmu 78:8

Ta norĩ hã tihi'rata norĩ ne, 'Re ihâimana u'âsi mono mreme na ãma 're nomro mono õ di za. Ihi'rata norĩ hã a'uwẽ iwasédé ma tô tinhimipari õ na si 're nomro. Ta norĩ hã niwamhã siptete na 'Re ihâimana u'âsi mono hã te te sina 're umnhasi za'ra mono õ di. Duré õne u'âsi õhõ ãma hã i'uwaibaba na ãma 're nomro mono õ di.

Salmu 95:10

A'uwẽ norĩ 40 wahub 'remhã ma tô sina ĩnhiti'rui wazere pese za'ra. Tahawa, wa tô tinha ãne: ‘A'uwẽ norĩ ipẽ'ẽ 'remhã wasété uptabi za'ra di! Ĩnhimiroti te te 're iwapari za'ra mono da hã te te sima wẽ za'ra õ di!’

Mateu 20:24

Tawamhã Zezusihi siré 're inomro mono norĩ hã 10 na ihâiba za'ra hã, Zebedehe 'ra norĩ mreme te te wapari za'ra wamhã, ma tô sada tinhiti'ru za'ra.

Marcu 3:5

Tawamhã Zezusi te da'ab'madâ. Te te ãma irosa'rata norĩ ãma hã, toi õ di. Simirosa'rata wasété nhiptete za'ra wa, ta norĩ ãma pẽ'ẽzé za'ra di. Tawamhã isimizu'rã're ma, te tãma tinha, ãne: — Ma'ãpé, asimizu wahutu. Tawamhã ma tô tinhimizu hã wahutu, aibâ hã. Tahawa, ma tô tinhimizu pese.

Roma 1:28

Dapo're'õ na 're idanomro mono norĩ hã, 'Re ihâimana u'âsi mono nhimiroti tô sena hã te te siwi 're wẽ'õ pese za'ra mono wa, te za 'Re ihâimana u'âsi mono hã te te 're arẽme, si'uihâ na te te sima 're irosa'rata wasété za'ra mono zéb uwaibaba si, tiwasédé hã te te 're 'manharĩ u'âsi za'ra mono da.

Roma 3:7

Ãté ni'wam norĩ hã te za duré ãne na te te si'ãma 're rosa'rata upa za'ra: “Wa norĩ hã wawasédé, wa te 're 'manharĩ za'ra mono wamhã, ãté te za ãne na da te wa'ãma 're rosa'rata za'ra: ‘Õ norĩ hã wasété uptabi na te 're nomro. 'Re ihâimana u'âsi mono si, te wẽ uptabi na 're hâimana, õhõ si siwaprosi.’ Ãne na te za 'Re ihâimana u'âsi mono si 're imorĩ wẽ uptabi na, da te dasiwi 're waihu'u za'ra, wawasété si, wa te 're i'manharĩ za'ra mono na, da te 're iwawaihu'u za'ra mono zém na hã. E tawamhã i'uwaibaba, 'Re ihâimana u'âsi mono, wawasédé te te wa'ãma 're i'aza'ra mono zéb da hã. Mare di. I'uwaibaba õ di.” Ãne na te duré ni'wam norĩ hã te te si'ãma 're rosa'rata upa za'ra.

Éfézu 4:30

'Re aihâimana wasété za'ra wa'aba mono õ di za, aihâimanazém na Wamama pẽ'ẽzani wi 're robzei'õ tõ za'ra wa'aba mono da. E marĩ wa. Ipẽ'ẽzani hã te wapẽ'ẽ 're, wama 're hâimana za'ra, wapibui pese zéb da hã, 'Re ihâimana u'âsi mono te, tãma 're iwahâimana za'ra mono na, bâdâ iwa waptã'ã õ ré, te te iwa'anho'reptuzéb da hã.

Hebreu 3:12

Ĩsisãnawã norĩ, 'râwi te za 're asi'madâ'â pese za'ra wa'aba mo, 'Re ihâimana u'âsi mono nhimiroti hã asimirosa'rata wasété aba zarina, asiwi 're wẽ'õ za'ra wa'aba mono wa, tiwi 're aipizari za'ra wa'aba mono tõ da, aré i'rata 're dasi'ubumroi u'âsi mono da, dapisutu'wai wi hã.

Zuize 10:16

Tahawa Izaraéu nhihudu norĩ, tisiré a'uwẽ'õ norĩ te ihâiba'õ norĩ hã ma tô oto siwi sãmra, Uburé Danhib'apito ãma si oto 're wata za'ra mono da. Tahawa ma tô oto duré itõmo na ãma aiwamri pese za'ra, ropire tãma 're ihâimana za'ra mono zém na.