Hebreu 2:6 - ꞌRe Ihâimana Uꞌâsi Mono Zadawa Wasuꞌu

⁶ Tazahã duréihã ni'wa hã ma tô ãne na ibaihâ na ãma rob'ui'éré, 'Re ihâimana u'âsi mono ma, te te inharĩzém na hã: “'Re ihâimana u'âsi mono, e dahâimana pire na aima 're dahâimana za'ra mono bâ, te da'ãma 're aipo're pu'u u'âsi mo. E niha da, te bété da'ãma 're aiwamri u'âsi mo, a'uwẽ na si 're dahâimana za'ra mono nherẽ.

Hebreu 2:6 ပူးပေါင်းရင်းမြစ်များ

Zenezi 50:24

Tawamhã nimahã bâtâ na te Zuzé, tisisãnawã norĩ ma sina tãma nharĩ za'ra ãne: — Nimahã na romhutu na wa za tô oto dârâ. Tane nherẽ, ĩ'uirĩ na te za tô sena na 'Re ihâimana u'âsi mono si te te 're aipawaptob za'ra wa'wa. Duré taha si te za ã hã ti'ai wa'õtõ nho'õmo hawimhã apâ te te asimroi wa'wa, Abra'ãhã ma, Izaquihi ma, duré Zacoho ma, te te ãma iropisutu siromo u.

Luca 1:68

— 'Re ihâimana u'âsi mono hã wẽ di, Wanhib'apito hã. Wẽ wa, wa za ãma 're wawata u'âsi za'ra. Wa norĩ hã Izaraéu nhihudu, te za we oto wapawaptob za'ra, wanhitob'ru nhimiwada'uri hã wama wapu za'ra da, rowẽ na 're wasi'ubumroi mono da.

Luca 1:78

Wahuré te tãma 're hâimana, ipẽ'ẽzézé hã, duré isimizawi pese zé hã. Ãne 'Re ihâimana u'âsi mono hã, Wanhib'apito hã. Tahawa, te za oto te te 're wa'anho'reptu, rowẽ na 're wanomro mono da. Bâdâ 'rãi watobro wamhã, tâibâ oto robra hã. Tawamhã dama 're rowẽ za'ra mono di za. Tane, Wanho'reptui'wa hã te te wama 're apari mono wamhã, marĩ, wa te 're i'manharĩ wasété za'ra mono zé hã, tahawa, wama 're rowẽ za'ra mono di za.

Luca 7:16

Dâ'â zahã, oto sahâ na sãmra wa, ma tãma tapẽ'ẽwara za'ra ni. Ãne te dasima nharĩ za'ra ni: — Tinhib'a'uwẽ norĩ hã te za we te te 're wa'apawapto, 'Re ihâimana u'âsi mono hã. Ma tô we watẽme satõ, tizadawa wasu'u'wa hã. Mreme pire uptabi di.

1 Tesalonita 4:6

Tane 're anomro aba mono õ di za. Isazei'wa norĩ hã, asisãnawã te 're anomro aba mo. Tahawa, asisãnawãi mro nherẽ, asiwi 're upi za'ra wa'aba mono õ di za, asiwi 're asimisaihuri za'ra wa'aba mono tõ da, aiwasédé hã duré asi'ãma 're 'manharĩ za'ra wa'aba mono tõ da. Tane, ni'wa hã tiwasédé te te 're 'manharĩ mono wamhã, 'Re ihâimana u'âsi mono hã te za niha tãma rob'manha. Ãne tô sena, wa tô aima waihu'u za'ra wa'aba ni, waihu'u pese za'ra wa'aba da. Tane nherẽ, wa duré ãma aima sahu za'ra wa'aba ni.

Hebreu 4:4

Duréihã 'Re ihâimana u'âsi mono zadawa wasu'u na ma tô ni'wa hã ãne na ãma rob'ui'éré, te te ro'apoto mono pari, ãma i'awẽzém na hã, ãne: “'Re ihâimana u'âsi mono hã zahadu 6 na bâdâ hã ãma morĩ ré, ma tô te te ro'apoto. Taha pari, oto awẽ wam na hã te oto wa'udu, romhuri ãna.”

Hebreu 5:6

Ãne duré, 'Re ihâimana u'âsi mono mreme na ãma irob'ui'éré amo hã, Cristuhu ãma: “A hã sasedoti norĩ, dama 're ihâimana za'ra mono ne, te za dama 're aihâimana u'âsi mo, duréihã Mequizédéqui hã sasedoti na pire na dama 're ihâimana mono zéb zarina.”

1 Pedru 1:11

Ãne te ta norĩ hã te te sima 're nharĩ za'ra: “E 'wa hã, Danho'reptui'wa za. E niwa te za tawamhã te te 're da'anho'reptu.” Ãne te ta norĩ hã te te sô 're rosa'rata pese za'ra, te te waihu'u za'ra da. Cristuhu pẽ'ẽzani hã ipẽ'ẽ 're, 're hâimana za'ra mono wa, ma tô tãma waihu'u siromo za'ra, Cristu hã za te te irobzépatazém na. Taha pari, rowẽ uptabi hã hâiwa ãma za tãma 're ihâimana mono na ma tô duré tãma waihu'u siromo za'ra.