Hebreu 2:12 - ꞌRe Ihâimana Uꞌâsi Mono Zadawa Wasuꞌu

¹² Duréihã 'Re ihâimana u'âsi mono zadawa 'mahârâ'wa hã ma tô ãne na ãma rob'ui'éré, Zezusi hã Timama ma, za te te tãma irowasu'uzém na hã: “Ĩsisãnawã norĩ ma, wa za tãma te 're aiwasu'u wẽ za'ra. Siré 're si'rã'õtõ mono ré hã, wa za ai'ãma 're ĩwata u'âsi, isõ'a za'ra.”

Hebreu 2:12 ပူးပေါင်းရင်းမြစ်များ

Salmu 22:22

Tawamhã wa hã uburé marĩ ĩma 're i'a'manharĩ mono zé hã, wa za ĩsiré norĩ ma wasu'u za'ra. Duré 're iwasi'rã'õtõ mono zéb ãma ai'ãma 're ĩwata mono sina, wa za ãne tinha:

Salmu 22:25

Uburé 're idasi'rã'õtõ za'ra mono zéb ãma hã, marĩ ĩma 're i'a'manharĩ mono zém na, wa za ai'ãma 're ĩwata. Uburé te te 're i'aiwazéb za'ra mono norĩ nho'a hã, wa hã, danhimizama zata na hã wa za ãma aima 're ĩnhopru, te aima iropisutuzéb zarina.

Salmu 40:10

Asiminho'reptuzé wasu'u hã, ĩsima si te 're tété mono õ di. Õne u'â ai'umnhasizém na hã wa tô te ãma 're robzanhamri u'âsi, duré asiminho'reptu nhiptetezém na zama. Asib'a'uwẽ 're isi'rã'õtõ mono zéb ãma hã, 're ida'azawi mono zé wasu'u na hã, duré ai'umnhasizém na hã, ĩmreme ãna ari'iwi 're ĩhâimana mono õ di.

Zuwã 18:20

Tawamhã Zezusi asa te tãma tinha, ãne: — Sõ'awi wa tô te dama 're rowahutu u'âsi, rowahutuzé mono bâ. Ãme dasi'rã'õtõzéb ãma zama, wa tô nasi dama rowahutu, 'Re ihâimana u'âsi mono nhorõwa 'ri ãma hã. Pi'uriwi te dama 're rowahutu mono õ di. E marĩ da, te ĩzadanha. Ĩwapari'wa norĩ hã te za isadanharĩ za'ra wa'wa, te te aima ĩzadawa wasu'u za'ra da. Ta norĩ ma, waihu'u pese za'ra di, ĩnhimirowasu'u hã.

Hebreu 12:23

Tame te oto 'Re ihâimana u'âsi mono nhib'a'uwẽ norĩ hã to sina 're si'rã'õtõ, aibâ hã dama 're poto 'rata za'ra mono wa, dama isawi pese ne, 'Re ihâimana u'âsi mono te te 're i'azawi pese mono norĩ hã, hâiwa ãma sisi ui'éré ré 're ihâimana za'ra mono norĩ hã. Tamomo ma tô itẽme 're irob'umhutu za'ra wa'aba mo, dahâimanazém na i'uwaibaba si te te 're ida'awaihu'u mono zéb zarina, da'ãma rowairébé'wai u hã. Duré ti'ai ãma ré iwẽ si te te 're i'manharĩ za'ra mono norĩ hã 're ihâimana za'ra mono zéb u, ma tô duré 're irob'umhutu za'ra wa'aba mo, 'Re ihâimana u'âsi mono te te tãma 're iwẽ za'ra mono zéb zarina si, rowẽ uptabi na oto 're ihâimana za'ra mono norĩ u hã.