Hebreu 2:1 - ꞌRe Ihâimana Uꞌâsi Mono Zadawa Wasuꞌu

¹ Tahawa, Cristuhu wasu'uwẽ hã wa te 're iwapari za'ra mono zép si, wa za wa te 're 'madâ'â pese za'ra, tiwi wasina 're wapahâ za'ra mono tõ da.

Hebreu 2:1 ပူးပေါင်းရင်းမြစ်များ

Salmu 119:9

E niha te za wasété ãna iprédupté hâimana wẽ uptabi na hã 're hâimana. Aimreme hã te te 're wapari pese mono wapsi hã, te za tô wasété ãna 're mo.

Provébiu 3:21

Ĩ'ra, asimirowaihu'uzé iwẽ, duré ai'rãi waihu'u pe hã aipẽ'ẽ 'remhã asima 're tété mono. Niwamhã romhâ na aiwi 're hâimana mono tõ da hã, rẽme tõ.

Mateu 16:9

E zahadu bété asiwi ĩzadaihu'u za'ra wa'aba õ di. E ma tô ãma aipo're si'âri za'ra wa'wa, 5 miu na aibâ norĩ ma, i'u'ẽtẽ wapu hã 5 na te iwẽ'ẽi mono zém na hã. E niha si'õno hã i'masisi za'ra wa'wa hã, i'u'ẽtẽ wapu wẽ'ẽi ré hã. E ma tô duré ãma aipo're si'âri za'ra wa'wa.

Marcu 8:18

E niha atõmo na marĩ 're 'madâ'â za'ra wa'aba mono nherẽ, aima waihu'u za'ra wa'aba õ di. E niha aipo're na marĩ 're wapari za'ra wa'aba mono nherẽ, aima waihu'u za'ra wa'aba õ di. 5 na i'u'ẽtẽ wapu hâiba hã te dama iwẽ'ẽi mono zém na hã, duré 5 miu na dahâiba nherẽ, aihĩni idasaihurizém na hã, e ma ãma aipo're si'âri za'ra wa'wa. E niha si'õtõ hâiba hã danho'rada ré isi'azazâri, apâ iwa iséme aba mono hã. Tawamhã asa ma Zezusi hã ãma siwi sada'â, ãne: — Si'õno hã 12 na ihâiba hã danho'rata ré hã.

Luca 8:15

Amnho hã ti'ai wẽ wa, te te i'anhamra mono hã, aimawi a'uwẽ, te wasu'u. Ta norĩ hã ãté te za tipo're na te te 're wapari za'ra, 'Re ihâimana u'âsi mono zadawa wasu'u hã. Tawamhã te za te te 're 'madâ'â pese za'ra. Õne haré, te za isimiroti na 're nomro. Tawamhã rob'rã i'rãi wẽ uptabi ne, hâimana wẽ uptabi na, te za oto 're hâimana za'ra. Ãne amnho potozé wasu'u na, wa aima ãma simiré'é za'ra wa'wa.

Luca 9:44

— Wa za aima ĩsiwasu'u za'ra wa'wa. Aima ĩsiwasu'u za'ra wa'aba zém na, aipo're si'âri za'ra wa'aba õ di za. Ti'ai ãma Dasiré Ipodo hã te za dasima hâiba nhomri ni.

Zuwã 8:59

Tawamhã te te sadawa 'ru za'ra wa, ma ẽne hã pa pâ sada waibu za'ra, te te siwi ãma wĩrĩ da. Tane nherẽ, te te siwi wĩrĩ õ di, rob u watobro da, tiwi si'wahi za'ra wa, 'ri 'wawi wa'ra hawimhã.

Hebreu 12:5

E ma tô bété ãma aipo're si'âri za'ra wa'wa, 'Re ihâimana u'âsi mono te te aima iroti za'ra wa'aba zém na hã, duré ti'ra na te te aima inharĩ za'ra wa'aba zém na hã. Ãne ma tô ãhã wasu'u na ni'wa hã ãma rob'ui'éré, duréihã: “A norĩ wa'wa hã ĩ'ra na ĩma 're aihâimana za'ra wa'aba mono nherẽ, aiwasédé hã 're i'manharĩ za'ra wa'aba mono zém na 're asisãmri za'ra wa'aba mono da, wa hã Danhib'apito uptabi hã te 're aihâ za'ra wa'aba mono wamhã, ĩ'ãma 're rosa'rata upa za'ra wa'aba mono õ di za, taré newa. Duré apâ 're anomro wẽ wa'aba mono da, niha te aima 're rob'manharĩ za'ra wa'aba mono wamhã, aiwi 're robzei'õ za'ra wa'aba mono õ di za. Te za ĩ'ãma asima 're irosa'rata wẽ u'âsi za'ra wa'aba mo.

2 Pedru 1:15

Tahawa, ĩma iwaihu'u pese na si, wa za te 're aipawaptob za'ra wa'wa, uburé te aima ãma irob'ui'éré za'ra wa'wa hã, aiwi 're simani za'ra wa'aba mono tõ da, ĩ'uirĩ na hã.

2 Pedru 3:1

Ĩsiwadi norĩ, ĩma asawi pese za'ra wa'aba norĩ hã, wa za duré rob'ui'éré na ãma aima sisiwi za'ra wa'wa, maparane te aima ãma irob'ui'éré za'ra wa'aba zéb zarina, rosa'rata wẽ na 're aihâimana za'ra wa'aba mono da.