Hebreu 11:5 - ꞌRe Ihâimana Uꞌâsi Mono Zadawa Wasuꞌu

⁵ Duré Enoqui hã 'Re ihâimana u'âsi mono te te sina 're i'umnhasi mono zéb zarina, ma tô hâiba ré mo, hâiwa u. 'Re ihâimana u'âsi mono hã ma tô hâiba ré sitẽme ti'â. Tahawa, ni'wa te te waihu'u õ di ta hã, idâ'âzém na hã. Duréihã 'Re ihâimana u'âsi mono zadawa 'mahârâ'wa hã ma tô ãne na rowasu'u ibaihâ na, Enoquihi wasu'u na hã: “'Re ihâimana u'âsi mono hã hâiwa u sitẽme te te âri õ ré, ma tô Enoquihi ma 're to, 're imorĩ wẽ zéb zarina.”

Hebreu 11:5 ပူးပေါင်းရင်းမြစ်များ

Salmu 89:48

E 'wa hâiba ré u'âsi 're hâimana mono da bâ. E 'wa te za dadâ'â nhiptetezé wi hã aimani, da te ãma ti'a tõ da hã.

Luca 2:26

'Re ihâimana u'âsi mono pẽ'ẽzani ré, te 're mo, Simiã hã. Ipẽ'ẽzani hã ma tô tãma ropisutu, ãne: “Atâ'â õ ré, te za Danho'reptui'wa da hã isabu, 'Re ihâimana u'âsi mono te te ipisudu hã.” Ãne ma tô Simiãhã ma waihu'u siro.

Luca 3:37

Rametihi poto'wa nhisi hã, Matuzarẽ na isisi hã. Matuzarẽhẽ poto'wa nhisi hã, Enoqui na isisi hã. Enoquihi poto'wa nhisi hã, Zaredi na isisi hã. Zaredihi poto'wa nhisi hã, Ma'alaléu na isisi hã. Maalaléuhu poto'wa nhisi hã, Ca'ina na isisi hã.

1 Tesalonita 2:4

Mare di. Ãnei õ di. Tô sena, 'Re ihâimana u'âsi mono te te sima 're iwawẽ za'ra mono zéb zarina, te te wapisutu za'ra wa, wa iwasu'uwẽ na wa te dama 're rowasu'u za'ra, ãne na romhuri'wa da, te te wawẽsãmri za'ra wa, wa norĩ hã. Tawamhã wanhimirowasu'u wẽ wa, taré wama 're dato za'ra mono da, wa te wasina 're rosa'rata za'ra mono õ di. Mare di. 'Re ihâimana u'âsi mono hã te te 're iwawẽsãmri za'ra mono da si, wanhimirosa'rata za'ra hã. Õhõ si te za te te 're wapibu za'ra, 're iwanomro wẽ mono zéb zô, iwẽ na si 're iwanhimirosa'rata za'ra mono zéb zô zama. Tahawa, isadawa wasu'u na, wa te dama 're irowasu'u wẽ za'ra mono na, wa'ãma 're toi mono da, wa wa te wasina 're rosa'rata za'ra.

Hebreu 11:6

Ni'wam norĩ hã 'Re ihâimana u'âsi mono te te sina 're umnhasi za'ra mono õ nherẽ, ta norĩ ma hã, 're toi mono õ di za, 'Re ihâimana u'âsi mono hã. Duré ni'wam norĩ hã 'Re ihâimana u'âsi mono ãma 're wata za'ra mono da, tipẽ'ẽ na 'râwi itẽme 're sihutu mono da, te te sima 're wẽ za'ra mono wamhã, tô sena 're ihâimana mono na, te za te te 're saze za'ra a'â. Duré 'Re ihâimana u'âsi mono zô si 're isõpré mono norĩ ma, iwẽ na za te te ta norĩ ma iwa'âbâ za'ra na, te za ta norĩ hã te te sina 're umnhasi u'âsi za'ra.

Hebreu 2:9

Zezusi 're imorĩzép si wa tô wa te 're waihu'u pese za'ra. Ta hã ma tô 'Re ihâimana u'âsi mono hã pisutu, ti'ai ãma 're hâimana mono ré hã, hâiwa ãma tãma iromhuri'wa norĩ ma, wapu na a'â 're hâimana mono da, dasine. Zezusi hã dazada dâ'â da si, ma tô pisutu 'Re ihâimana u'âsi mono hã, da'ãma 're pẽ'ẽzé mono wa, da'ãma 're isiwãrĩ mono zéb da hã oto. Ma tô duré pisutu ti'ra hã, pire na dama 're hâimana u'âsi mono da oto, dazada idâ'âzéb zarina, te te irobzépata na te te sina tãma ãma uwaimrami wa, Timama ma hã.

1 Zuwã 3:22

Duré, isimiroti hã wa te 're 'madâ'â pese za'ra mono wamhã, te te wama 're i'awẽ mono zéb uwaibaba si 're wahâimana za'ra mono wamhã, wa te tiwi 're irowaptẽrẽ za'ra mono zéb uwaibaba si, te za uburé marĩ hã iwẽ te te wama 're anhomri.

Zuda 1:14

Duréihã Enoqui hã te 're hâimana, Adãhã 'ra nhihudu hã. Ta hã ma tô romhâ ré da'ãma waihu'u siro, 're idahâimana wasété za'ra mono norĩ ãma hã. Ãne ma tô da'ãma waihu'u siro: “Ma'ãpé waihu'u za'ra wa'aba. Wanhib'apito te za wei mo. Tãma iromhuri'wa norĩ hã ahâ uptabi na te za we isiré ai'aba'ré.