Hebreu 10:7 - ꞌRe Ihâimana Uꞌâsi Mono Zadawa Wasuꞌu

⁷ Ãne te duré tãma tinha, Timama ma hã: “'Re ihâimana u'âsi mono, wa hã wa wei ãwa mo ti'ai u, ĩma ipisutuzéb zarina, te oto ĩsina uwaimrami da aima, ibaihâ na ĩwasu'u na duréihã da te ĩ'ãma irob'ui'éré za'ra zéb zarina.”

Hebreu 10:7 ပူးပေါင်းရင်းမြစ်များ

Zenezi 3:15

Wa za duré aima pisutu 'wa, asi'rui wa'aba na asisada 're aihâimana aba mono da hã. Tawamhã ãne zarina te za asihudu norĩ wa'aba zama si'ru na hã sisada 're hâimana za'ra. Ãhã pi'õ nhihudu norĩ hã te za zahadu wapsi siwi ai'rãihâpâ. Tawamhã a hã te za duré pi'õ nhihudu norĩ hã ipara na'rata wi hã 're i'ahâzu mo.

Esdra 6:2

Tahawa, 'ri nho'u Ecbatana na isisi, daza'rui wa'õno Média na romnhisi ãma 're ihâimana mono ãma, ma tô taha na romnhihâdâ isinhai ré hã dasiwi sõpẽtẽ ni. Ãne na ãma iromnhihâtâ ré hã:

Provébiu 8:31

Te te i'aropoto mono zém na hã ma tô ãma ĩma te te 're arowẽ zani, a'uwẽ norĩ na zama, uburé hã.

Zuwã 4:34

Tawamhã te Zezusi hã asa tãma nharĩ za'ra, ãne: — 'Re dasaihuri mono wamhã, dama 're rowẽ za'ra mono di za. Tane, wa hã. We ĩzatõrĩ'wa te te ĩ'ãma irotizé hã te ĩsina uwaimrami wamhã, ĩma rowẽ di za. Ĩnhimiromhuri hã te tãma uprosi wamhã, ĩma rowẽ di za duré.

Zuwã 5:30

— Ĩnhimipisutu zarina si, marĩ na te dama 're arowairébé mono õ di za. Ĩmama nhimipisutu zarina si, wa za ti'ai ãma 're idahâimana za'ra mono zéb zarina, te dama 're arowairébé. Ĩnhimipisutu zarina, marĩ na te dama 're arowairébé mono da, te ĩsima 're da'awẽ mono õ di, wa hã. We ĩzatõrĩ'wa nhimipisutu zarina si, te dama 're arowairébé mono da, wa ĩsima te 're da'awẽ u'âsi. Tahawa, te dama 're arowairébé mono wamhã, te dama ãma upa za'ra õ di za. Duré ropipa hã 're inomro wasété mono norĩ ma, te 're apisutu mono wamhã, te tãma ãma 're a'upai mono õ di za.

Zuwã 6:38

Wa hã hâiwa hawi wa wei mo. E marĩ da. E 'râwi ĩnhimiroti si te ĩsima 're 'madâ'â mono da. Mare di. 'Râwi ĩnhimiroti si te ĩsima 're 'madâ'â mono da, we ĩmorĩ õ di. We ĩzatõrĩ'wa nhimiroti si te 're 'madâ'â mono da hã, wa tô wei mo.